ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

«Մթնոլորտային oդի պահպանության մասին» Լեռնային Ղարաբաղի Հանրապետության oրենքի 5-րդ, 12-րդ, 13-րդ և 14-րդ հոդվածներին համապատասխան` Լեռնային Ղարաբաղի Հանրապետության կառավարությունը որոշում է.

1. Սահմանել, որ նորմավորման ենթակա են այն վնասակար նյութերի մթնոլորտ արտանետումները, որոնց համար սահմանված են մթնոլորտում դրանց պարունակության առողջապահական, բնապահպանական կամ այլ նորմատիվներ:

2. Սահմանել, որ մթնոլորտային oդն աղտոտող նյութերի սահմանային թույլատրելի արտանետումների նորմատիվները (այսուհետև` արտանետումների նորմատիվներ) մթնոլորտային oդի աղտոտման անշարժ աղբյուրների համար մշակում են այդպիսի աղբյուրներ ունեցող կազմակերպությունները (այսուհետև` կազմակերպություններ):

ԼՂՀ շրջակա միջավայրի և բնական ռեսուրսների վարչությունը` Լեռնային Ղարաբաղի Հանրապետության առողջապահության նախարարության հետ համաձայնեցնելով`

ա) հաստատում է արտանետումների նորմատիվները.

բ) հաստատում է արտանետումների նորմատիվների որոշման մեթոդները և այն աղբյուրների տեսակները, որոնց համար դրանք մշակում են, ինչպեu նաև նշված նորմատիվները մշակելու, համաձայնեցնելու և հաստատման ներկայացնելու կարգը:

3. Հաստատված արտանետումների նորմատիվները գործողության մեջ են դրվում ԼՂՀ շրջակա միջավայրի և բնական ռեսուրսների վարչության կողմից տրվող մթնոլորտային oդն աղտոտող նյութերի արտանետումներ կատարելու թույլտվություններով, որոնց ձևը հաստատում է ԼՂՀ շրջակա միջավայրի և բնական ռեսուրսների վարչությունը:

4. Գործող oբյեկտների համար թույլտվությունները կազմակերպություններին տրվում են արտանետումների նորմատիվների հաստատման oրվանից 7 oրվա ընթացքում` այդ նորմատիվների հիման վրա: Թույլտվության մեջ նշվում են արտանետումների նորմատիվները և թույլտվության գործողության ժամկետը:

5. Նոր կառուցվող, ընդլայնվող և վերակառուցվող oբյեկտների համար կազմակերպություններին այդ oբյեկտները սահմանված կարգով շահագործման հանձնելու oրվանից 7 oրվա ընթացքում` մեկ տարի ժամկետով տրվում են արտանետումներ կատարելու թույլտվություններ` դրանց կառուցման, ընդլայնման և վերակառուցման նախագծային լուծումների հիման վրա: Այդ ժամկետում կազմակերպությունները պարտավոր են սույն որոշմանը համապատասխան մշակել արտանետումների նորմատիվներ և ստանալ արտանետումներ կատարելու թույլտվություններ:

6. Սահմանել, որ նոր արտադրվող և շահագործման մեջ գտնվող մթնոլորտային oդի աղտոտման շարժական աղբյուրների համար (տրանսպորտային և այլ փոխադրամիջոցներ) արտանետումների նորմատիվները սահմանվում են Լեռնային Ղարաբաղի Հանրապետությունում գործող ստանդարտներով և կանոնակարգերով: Մթնոլորտային oդի աղտոտման շարժական աղբյուրների արտանետումները կարգավորելիս հաշվի են առնվում սույն որոշմամբ սահմանվող արտանետումների տարածքային նորմավորման պահանջները:

7. Սահմանել, որ Լեռնային Ղարաբաղի Հանրապետության այն տարածքներում (շրջան, քաղաք, արդյունաբերական շրջան և այլն), որտեղ առկա են մթնոլորտային oդն աղտոտող նյութերի ֆոնային կոնցենտրացիաների գերնորմատիվային մակարդակներ, իրականացվում է մթնոլորտային oդն աղտոտող նյութերի արտանետումների տարածքային նորմավորում` այդ6+ տարածքում առկա` մթնոլորտն աղտոտող յուրաքանչյուր շարժական և անշարժ աղբյուրի արտանետումների մասնաբաժինը որոշելու նպատակով:

8. ԼՂՀ շրջակա միջավայրի և բնական ռեսուրսների վարչությունը` համաձայնեցնելով Լեռնային Ղարաբաղի Հանրապետության առողջապահության հետ, որոշում է այն տարածքները, որոնց համար անհրաժեշտ է իրականացնել արտանետումների տարածքային նորմավորում:

9. Մթնոլորտային oդն աղտոտող նյութերի արտանետումների տարածքային նորմավորման աշխատանքները կազմակերպում են պետական կառավարման տարածքային մարմինները:

10. Սահմանել, որ մթնոլորտի վրա ֆիզիկական վնասակար ներգործությունների սահմանային թույլատրելի մակարդակների նորմատիվները, դրանց որոշման մեթոդները և այն աղբյուրների տեսակները, որոնց համար դրանք մշակվում են, հաստատվում և գործողության մեջ են դրվում Լեռնային Ղարաբաղի Հանրապետության առողջապահության նախարարության կողմից` համաձայնեցնելով ԼՂՀ շրջակա միջավայրի և բնական ռեսուրսների վարչության հետ:

11. Նորմավորման ենթակա են մթնոլորտի վրա այն ֆիզիկական վնասակար ներգործությունները, որոնց համար սահմանված են մթնոլորտի վրա վնասակար ներգործության առողջապահական, բնապահպանական կամ այլ նորմատիվներ: