Ղեկավարվելով «Դատական ակտերի հարկադիր կատարման մասին» Լեռնային Ղարաբաղի Հանրապետության օրենքի 40-րդ հոդվածի 3-րդ և 6-րդ մասերով և Լեռնային Ղարաբաղի Հանրապետության կառավարության 2002 թվականի նոյեմբերի 26-ի «Հարկային գաղտնիք հանդիսացող տեղեկությունների օգտագործմամբ աշխատանքներ կատարելու իրավասություն ունեցող պետական մարմիններին Լեռնային Ղարաբաղի Հանրապետության հարկային ծառայության մարմնի կողմից հարկային գաղտնիք հանդիսացող տեղեկությունների տրամադրման կարգը հաստատելու մասին» թիվ 50 որոշմամբ.

Հաստատել Լեռնային Ղարաբաղի Հանրապետության կառավարությանն առընթեր հարկային պետական ծառայության կողմից Լեռնային Ղարաբաղի Հանրապետության արդարադատության նախարարության դատական ակտերի հարկադիր կատարումն ապահովող ծառայությանը տեղեկություններ տրամադրելու կարգը` համաձայն հավելվածի:

1. Սույն կարգով սահմանվում են Լեռնային Ղարաբաղի Հանրապետության կառավարությանն առընթեր հարկային պետական ծառայության (այսուհետ` հարկային ծառայություն) կողմից Լեռնային Ղարաբաղի Հանրապետության արդարադատության նախարարության դատական ակտերի հարկադիր կատարումն ապահովող ծառայությանը (այսուհետ` ԴԱՀԿԱ ծառայություն) կատարողական վարույթներով պարտապանի գույքի հետախուզման նպատակով պարտապանի վերաբերյալ տեղեկություններ տրամադրելու կարգը:

2. Պարտապանի գույքի հետախուզման նպատակով պարտապանի վերաբերյալ տեղեկություններ ստանալու համար ԴԱՀԿԱ ծառայությունը դիմում է հարկային ծառայությանը հարցումով՝ համաձայն N 1 ձևի:

3. Հարկային ծառայությունը հարցումը ստանալուց հետո, հարկային ծառայության տեղեկատվական բազայում առկա տեղեկությունների հիման վրա հնգօրյա ժամկետում կազմում և ԴԱՀԿԱ ծառայություն է ուղարկում հարցման պատասխանը` համաձայն N 2 ձևի:

4. ԴԱՀԿԱ ծառայությունը ապահովում է հարկային ծառայությունից ստացված տեղեկության ըստ նպատակային օգտագործումը համաձայն Լեռնային Ղարաբաղի Հանրապետության կառավարության 2002 թվականի նոյեմբերի 26-ի «Հարկային գաղտնիք հանդիսացող տեղեկությունների օգտագործմամբ աշխատանքներ կատարելու իրավասություն ունեցող պետական մարմիններին Լեռնային Ղարաբաղի Հանրապետության հարկային ծառայության մարմնի կողմից հարկային գաղտնիք հանդիսացող տեղեկությունների տրամադրման կարգը հաստատելու մասին» թիվ 50 որոշմամբ հաստատված կարգին համապատասխան:

Ղեկավարվելով «Դատական ակտերի հարկադիր կատարման մասին» ԼՂՀ օրենքի 40-րդ հոդվածի 6-րդ մասով`

խնդրում եմ հայտնել ___________________________________________________________

                                                              իրավաբանական անձի անվանումը (անհատ ձեռնարկատիրոջ

___________________________________________________________________________

         անունը, ազգանունը) և ՀՎՀՀ, ֆիզիկական անձի անունը, ազգանունը, հայրանունը, անձնագրային տվյալները

հարկային մարմնում որպես հարկ վճարող հաշվառված է, թե ոչ: Հաշվառված լինելու դեպքում տրամադրել տեղեկություններ գրանցման և գործունեության հասցեների, բանկային հաշիվների համարների, տնօրենի և գլխավոր հաշվապահի (անուն, ազգանուն, բնակության հասցե), ինչպես նաև հարկային մարմին ներկայացրած վերջին հաշվապահական հաշվեկշռի տվյալներով` հիմնական միջոցների, դրամական միջոցների և դրանց համարժեքների, հումքերի և նյութերի, ապրանքների, արտադրանքի, անավարտ արտադրության, դեբիտորական պարտքերի և այլ ակտիվների վերաբերյալ:

___________________________________________________________________

Իրավաբանական անձի /անհատ ձեռնարկատիրոջ/ անվանումը