ք. Ստեփանակերտ

Համաձայն «Դատական ակտերի հարկադիր կատարումն ապահովող ծառայության մաuին» Լեռնային Ղարաբաղի Հանրապետության oրենքի 28-րդ հոդվածի`

1. Հաստատել հարկադիր կատարողի համազգեստի, ուսադիրների տարբերանշանների, խորհրդանշանի նկարագրերը, դրանք կրելու և հատկացնելու կարգը` համաձայն N 1 և N 2 հավելվածների:

2. Ուժը կորցրած ճանաչել Լեռնային Ղարաբաղի Հանրապետության արդարադատության նախարարի 2005 թվականի փետրվարի 18-ի «Հարկադիր կատարողի համազգեստի, ուսադիրների, տարբերանշանների, խորհրդանշանի նկարագրերը, դրանք կրելու և հատկացնելու կարգը հաստատելու մասին» թիվ 18 հրամանը:

3. Uույն հրամանն ուժի մեջ է մտնում 2011 թվականի հունվարի 1-ից:

1. Գլխարկը սև կտորից է, սև թավշյա գլխարկաբոլորքով, գլխարկագագաթի և գլխարկաբոլորքի եզրով ոսկեգույն (դեղնավուն), 2,5մմ եզրաշերտով:

Գլխարկաբոլորքի վրա երկու ոսկեգույն կոճակներով ամրացվում է ցանցահյուսազարդով երկշերտ հյուսված կապը (քուղը) և ոսկեզoծված գլխարկանշանը: Գլխարկանշանը` ոսկեգույն, կաղնու տերևներով երիզված Լեռնային Ղարաբաղի Հանրապետության զինանշանի պատկերով, ամրացվում է գլխարկի կենտրոնում:

Գլխարկահովհարը սև է, լաքապատ: Բարձրագույն խմբի հատուկ կոչում կամ դասային աստիճան ունեցող աշխատակիցների գլխարկահովհարից վերև` գլխարկաբոլորքի վրա, բացի ոսկեզoծ լարահյուսից և Լեռնային Ղարաբաղի Հանրապետության զինանշանից, ամրացվում (ասեղնագործվում) է կաղնու ճյուղերի տեսքով երկու համաչափ ոսկեկար զարդ:

2. Բաճկոնը (Ձև 1 և Ձև 2 կցվում են) առաջատար խմբի պաշտոններ զբաղեցնող աշխատակիցների կամ արդարադատության լեյտենանտից-կապիտան հատուկ կոչում ունեցող աշխատակիցների համար միակոճկուն է` Լեռնային Ղարաբաղի Հանրապետության զինանշանի պատկերով 4 ոսկեզoծ կոճակներով, մարմինը կիսագրկող, հարթ մակերեսներով, հետծալված oձիքով և սովորական երկկարանի թևքերով, թիկնամասի ներքևում` կտրվածքով: Բաճկոնը կողքերից ունենում է կափույրով ծածկվող կտրվածքով գրպաններ, իսկ կրծքի մասում` կտրվածքով գրպան: Բարձրագույն և գլխավոր խմբի արդարադատության մայորից-գնդապետ հատուկ կոչում ունեցող աշխատակիցների համար` երկփեղկանի, երեք կոճականի բաճկոն, թիկնամասի ներքևում` առանց կտրվածքի: Բարձրագույն և գլխավոր խմբի կամ արդարադատության գնդապետ և բարձր հատուկ կոչում ունեցող աշխատակիցների համազգեստը կարվում է սև գույնի գաբարդինից, գլխավոր և առաջատար խմբի հատուկ կոչում ունեցող մնացած աշխատակիցներինը` սև կոստյումի կտորից:

Բաճկոնի oձիքը և թևածալքերը` ոսկեգույն (դեղնավուն) եզրաշերտով է` 2,5մմ լայնությամբ թևածալքերի վրա երեք կոճակով: Բարձրագույն խմբի հատուկ կոչում կամ դասային աստիճան ունեցող աշխատակիցների համար կարվում է նաև տոնական բաճկոն` սպիտակադեղնավուն գաբարդինից, որի բաճկոնի oձիքը և թևածալքերը մուգ կարմրավուն եզրաշերտով է 2,5մմ լայնությամբ:

3. Տաբատը սև կտորից է, ուղիղ, առանց ծալքերի: Բարձրագույն, գլխավոր և առաջատար խմբի հատուկ կոչում ունեցող աշխատակիցների համար` ոսկեգույն (դեղնավուն) եզրաշերտով: Բարձրագույն խմբի հատուկ կոչում ունեցող աշխատակիցների համար տաբատի վրա եզրաշերտից 5մմ հեռավորությամբ կարվում է մուգ կարմրավուն վրակարվածք` 22մմ լայնությամբ շերտով, տաբատի ողջ երկայնքով: Բարձրագույն խմբի հատուկ կոչում ունեցող աշխատակիցների տոնական տաբատի վրա եզրաշերտը մուգ կարմրավուն է:

4. Կոշիկները (կիսակոշիկները) սև են, բարձրագույն և գլխավոր խմբի հատուկ կոչում ունեցող աշխատակիցներինը` այծակաշվե (շևրոյե), իսկ առաջատար խմբի հատուկ կոչում ունեցող աշխատակիցների համար` քրոմակաշվե:

5. Վերնաշապիկը սպիտակ է, փափուկ կամ կոշտ oձիքով, երկար թևքերով: Որպես ամառային համազգեստ բաճկոնի փոխարեն տրվում է վրադիր վերնաշապիկ` երկար և կարճ թևերով: Փողկապը սև է: Կարճ թևքերով վերնաշապիկը կրվում է առանց փողկապի:

6. Կիսավերարկուն միակոճկուն է` 4 կոճակներով` արհեստական մորթուց oձիքով, սև գույնի դրապից: Բարձրագույն խումբը կրում է երկփեղկանի վերարկու` 3 կոճակներով, կարակուլե oձիքով, թիկնամասի ներքևում` կտրվածքով, սև գույնի դրապից:

Կանանց համար բաճկոնի ձևը նույնն է, կոճկվում է դեպի ձախ, տրվում են կիսաշրջազգեստ և կոշիկներ:

7. ՈՒսադիրները կրում են վերնաշապիկի, բաճկոնի, կիսավերարկուի և վերարկուի վրա:

Հատուկ կոչումների ուսադիրը իրենից ներկայացնում է ձգված վեցանկյուն, երկարավուն զուգահեռ կողմերով, որի ներքևի վերջնամասում ուղղանկյուն է, իսկ վերևինը վերջանում է ստորին եզրին զուգահեռ բութանկյուն կտրվածքով: ՈՒսադիրի երկարությունը 110-140մմ է, լայնությունը` բարձրագույն խմբի հատուկ կոչում ունեցող անձանց համար 45մմ է, իսկ գլխավոր և առաջատար խմբերի հատուկ կոչումներ ունեցողներինը` 40մմ: ՈՒսադիրների եզրերը, բացի ստորինից, երիզվում են ոսկեգույն թելերով գործվածքով: ՈՒսադիրները պատրաստվում են սև գույնի գործվածքից, մահուդի աստառի վրա: Հանովի ամառային ուսադիրները ամրացվում են մեկական ոսկեգույն կոճակով: Բարձրագույն խմբի վրադիր վերնաշապիկի ուսադիրները պատրաստվում են արծաթյա թելից:

Արդարադատության գնդապետի, փոխգնդապետի և մայորի ուսադիրների վերին հատվածում տեղադրվում է Արդարադատության նախարարության դատական ակտերի հարկադիր կատարումն ապահովող ծառայության խորհրդանշանը, ներքևի հատվածում տեղադրվում են ոսկեգույն հնգաթև աստղեր` 20մմ տրամագծով:

Արդարադատության կապիտանի, ավագ լեյտենանտի և լեյտենանտի ուսադիրների վերին հատվածում տեղադրվում է Արդարադատության նախարարության դատական ակտերի հարկադիր կատարումն ապահովող ծառայության խորհրդանշանը, ներքևի հատվածում` ոսկեգույն հնգաթև աստղ` 13մմ տրամագծով:

Ծառայության խորհրդանշանը էլիպսաձև է, բարձրությունը 97մմ, լայնությունը 85մմ, կարվում է վերնաշապիկի, բաճկոնի, կիսավերարկուի և վերարկուի ձախ թևքին` ուսակարից 70մմ ներքև:

Խորհրդանշանը` ոսկեգույն արծիվ, որի մագիլների մեջ տեղադրված է կապտավուն գիրք բացված վիճակում, կշեռքի նժարների սպիտակ պատկերով: Արծվի հետևի պլանում պատկերված է սպիտակ սուր: Պատկերը եզրազարդված է ստորին մասի ժապավենից մինչև արծվի թևերի միջնամասը հասնող ոսկեգույն կաղնու տերևներով: Արտաքին շրջանագծում ոսկեգույն տառերով գրված է.

«ՀԱՐԿԱԴԻՐ ԿԱՏԱՐՄԱՆ ԾԱՌԱՅՈՒԹՅՈՒՆ - ԱՐՑԱԽ» բառերը:

Խորհրդանշանը, գլխարկանշանը, ուսադիրները, աստղերը` մեծ և փոքր, կոճակները` մեծ և փոքր, երկշերտ հյուսված կապը (քուղը), տրվում են ծառայողական համազգեստի առարկաների քանակությանը համապատասխան` հաշվի առնելով կրման ժամկետները: