ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
''21'' դեկտեմբերի 2004թ. |
N 526 |
ք.Ստեփանակերտ
«Ստեփանակերտի քաղաքապետարանի աշխատակազմ» պետական կառավարչական հիմնարկ ստեղծելու, Ստեփանակերտի քաղաքապետարանի կանոնադրությունը և աշխատակազմի կառուցվածքը հաստատելու մասին
«Լեռնային Ղարաբաղի Հանրապետության վարչատարածքային բաժանման մասին» ԼՂՀ օրենքի 1-ին հոդվածին, «Պետական կառավարչական հիմնարկների մասին» ԼՂՀ օրենքի 11-րդ հոդվածին և Լեռնային Ղարաբաղի Հանրապետության Նախագահի 1998 թվականի հուլիսի 27-ի «Լեռնային Ղարաբաղի Հանրապետության շրջաններում պետական կառավարման մասին» ՆՀ-43 հրամանագրի 6-րդ կետին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.
1. Ստեղծել «Ստեփանակերտի քաղաքապետարանի աշխատակազմ» պետական կառավարչական հիմնարկ:
2. Հաստատել.
ա) Ստեփանակերտի քաղաքապետարանի կանոնադրությունը` համաձայն թիվ 1 հավելվածի.
բ) Ստեփանակերտի քաղաքապետարանի աշխատակազմի կառուցվածքը` համաձայն թիվ 2 հավելվածի.
գ) Ստեփանակերտի քաղաքապետարանի աշխատակազմին հանձնվող գույքի կազմը և չափը` համաձայն թիվ 3 հավելվածի:
| |
Հավելված 1
ԼՂՀ կառավարություն
«21» դեկտեմբերի 2004թ.
թիվ 526 որոշման |
Կ Ա Ն Ո Ն Ա Դ Ր ՈՒ Թ Յ ՈՒ Ն
ՍՏԵՓԱՆԱԿԵՐՏԻ ՔԱՂԱՔԱՊԵՏԱՐԱՆԻ ԿԱՆՈՆԱԴՐՈՒԹՅՈՒՆ
I. Ընդհանուր դրույթներ
1. Ստեփանակերտի քաղաքապետը /այսուհետ` քաղաքապետ/ Ստեփանակերտի քաղաքապետարանի /այսուհետ` քաղաքապետարան/ միջոցով քաղաքային համայնքում իրականացնում է տեղական ինքնակառավարում` համատեղելով պետական կառավարման հետ, իրագործում է ԼՂՀ կառավարության տարածքային քաղաքականությունը, համակարգում է հանրապետական գործադիր մարմինների տարածքային ծառայությունների գործունեությունը:
2. Քաղաքապետարանն իր գործունեությունն իրականացնելիս ղեկավարվում է Սահմանադրությամբ, ԼՂՀ օրենքներով, ԼՂՀ Նախագահի հրամանագրերով և կարգադրություններով, ԼՂՀ կառավարության և վարչապետի որոշումներով, նորմատիվ իրավական ակտերով և սույն կանոնադրությամբ:
3. Քաղաքապետարանը կազմված է քաղաքապետից և քաղաքապետարանի աշխատակազմից: Քաղաքապետարանի համակարգում ընդգրկվում են պետական ոչ առևտրային կազմակերպություններ, հիմնարկներ ու համայնքային ենթակայության այլ կազմակերպություններ:
II. Քաղաքապետարանի աշխատակազմը
4. Քաղաքապետարանի աշխատակազմն իրավաբանական անձի կարգավիճակ չունեցող պետական կառավարչական հիմնարկ է, որը Լեռնային Ղարաբաղի Հանրապետության օրենսդրությամբ սահմանված կարգով ենթակա է հաշվառման իրավաբանական անձանց գրանցում իրականացնող մարմնի կողմից:
5. Քաղաքապետարանի աշխատակազմի /այսուհետև` աշխատակազմ/ նպատակն ու խնդիրը քաղաքապետի՝ ԼՂՀ օրենքներով, այլ իրավական ակտերով վերապահված լիազորությունների լիարժեք և արդյունավետ իրականացման, ինչպես նաև քաղաքացիական իրավահարաբերություններին քաղաքապետի մասնակցության ապահովումն է:
6. Աշխատակազմը գործում է Լեռնային Ղարաբաղի Հանրապետության օրենքների ու այլ իրավական ակտերի, Լեռնային Ղարաբաղի Հանրապետության միջազգային պայմանագրերի և սույն կանոնադրության հիման վրա:
7. Աշխատակազմն իր իրավասության սահմաններում օրենքով սահմանված կարգով կարող է ձեռք բերել ու իրականացնել գույքային և անձնական ոչ գույքային իրավունքներ, կրել պարտականություններ, դատարանում հանդես գալ որպես հայցվոր կամ պատասխանող:
8. Աշխատակազմն ունի Լեռնային Ղարաբաղի Հանրապետության զինանշանի պատկերով և իր հայերեն անվանմամբ կլոր կնիք, ձևաթղթեր, խորհրդանիշ և անհատականացման այլ միջոցներ:
9. Աշխատակազմն ունի ինքնուրույն հաշվեկշիռ:
10. Աշխատակազմը չի կարող իրականացնել ձեռնարկատիրական գործունեություն և իր կնքած գործարքների միջոցով ձեռք է բերում ապրանքներ, ծառայություններ և աշխատանքներ, օրենքով սահմանված կարգով օտարում է ապրանքներ, կատարում է աշխատանքներ ու մատուցում ծառայություններ, որոնց դիմաց ստացված հատուցումը հաշվեգրվում է Լեռնային Ղարաբաղի Հանրապետության գանձապետական միասնական հաշվի համապատասխան ենթահաշիվներին: Աշխատակազմի կատարած գործառնությունների և մատուցած ծառայությունների համար կարող է գանձվել համապատասխան տուրք` օրենքով սահմանված չափով ու կարգով:
11. Աշխատակազմն իր ֆինանսական գործառնություններն իրականացնում է գանձապետական համակարգի միջոցով: Աշխատակազմի պահպանման կարիքների համար, ինչպես նաև քաղաքապետարանի լիազորությանը վերապահված բյուջետային ծրագրերի շրջանակներում գնումները կատարվում են «Գնումների մասին» Լեռնային Ղարաբաղի Հանրապետության օրենքով սահմանված կարգով:
12. Աշխատակազմի պարտավորությունների համար պատասխանատվությունը կրում է Լեռնային Ղարաբաղի Հանրապետությունը:
13. Աշխատակազմի անվանումն է` Ստեփանակերտի քաղաքապետարանի աշխատակազմ:
14. Աշխատակազմի գտնվելու վայրն է` ԼՂՀ քաղաք Ստեփանակերտ, փող.Ն.Ստեփանյան 22
III. Աշխատակազմի կառավարումը
15. Աշխատակազմի կառավարումն իրականացնում է Լեռնային Ղարաբաղի Հանրապետության կառավարությունը և քաղաքապետը` օրենքով, այլ իրավական ակտերով և սույն կանոնադրությամբ իրեն վերապահված լիազորությունների սահմաններում:
Աշխատակազմի ղեկավարումն իրականացնում է աշխատակազմի ղեկավարը, որին օրենքով սահմանված կարգով պաշտոնի է նշանակում և պաշտոնից ազատում է Լեռնային Ղարաբաղի Հանրապետության վարչապետը:
16. Քաղաքապետը՝
ա) ապահովում է Լեռնային Ղարաբաղի Հանրապետության օրենքների, Լեռնային Ղարաբաղի Հանրապետության Նախագահի հրամանագրերի, կարգադրությունների, կառավարության և վարչապետի որոշումների, ինչպես նաև այլ նորմատիվ իրավական ակտերի կատարումը.
բ) խորհրդակցական ձայնի իրավունքով մասնակցում է կառավարության նիստերին: Սահմանված կարգով կառավարության, վարչապետի և հանրապետական գործադիր մարմինների քննարկմանն է ներկայացնում վերջիններիս իրավասությանը վերապահված հարցերը.
գ) համագործակցում է հանրապետական գործադիր մարմինների հետ և դրանց քննարկմանն է ներկայացնում վերջիններիս իրավասությանը վերաբերող քաղաքին առնչվող հարցերը.
դ) սահմանված կարգով նախապատրաստում և առաջարկություններ է ներկայացնում կառավարություն՝ քաղաքում պետական կառավարման իրականացման համար պետական բյուջեից անհրաժեշտ ամենամյա հատկացումների վերաբերյալ.
ե) սահմանված կարգով մասնակցում է պետական բյուջեի նախագծի, ինչպես նաև կառավարության տարածքային քաղաքականության մշակման աշխատանքներին.
զ) ամենամյա հաշվետվություններ է ներկայացնում կառավարություն՝ իր գործունեության և քաղաքի ընդհանուր սոցիալ-տնտեսական վիճակի մասին, ընթացիկ հաշվետվություններ է ներկայացնում վարչապետին.
է) անհրաժեշտության դեպքում առաջարկություն է ներկայացնում համապատասխան հանրապետական գործադիր մարմիններին՝ նրանց տարածքային ծառայությունների և վերջիններիս ղեկավարների աշխատանքի վերաբերյալ.
ը) պարտադիր քննության է առնում հանրապետական գործադիր մարմինների կողմից քաղաքապետարանի աշխատակազմի կառուցվածքային ստորաբաժանումների և դրանց ղեկավարների աշխատանքի վերաբերյալ առաջարկությունները և սահմանված ժամկետում այդ մարմիններին տեղեկացնում է ձեռնարկված միջոցների մասին.
թ) ընդհանրացնում է օրենսդրության կիրառման գործափորձը, օրենսդրության կատարելագործման վերաբերյալ առաջարկություններ է ներկայացնում կառավարություն.
ժ) իր իրավասության սահմաններում միջոցներ է ձեռնարկում քաղաքացիների իրավունքներն ու ազատություններն ապահովելու համար.
ժա) օրենսդրությամբ սահմանված կարգով վերացնում կամ կասեցնում է քաղաքային ենթակայության կազմակերպությունների ղեկավարների՝ օրենսդրությանը հակասող իրավական ակտերը.
ժբ) օրենսդրությամբ իրեն վերապահված լիազորությունների շրջանակներում միջոցներ է ձեռնարկում քաղաքի տարածքում պետական և համայնքային սեփականության, բնական ռեսուրսների, պատմության և մշակույթի հուշարձանների, հատուկ պահպանվող այլ օբյեկտների պահպանության և արդյունավետ օգտագործման ուղղությամբ.
ժգ) օրենսդրությամբ սահմանված կարգով լուծում է քաղաքի տարածքում հանրահավաքներ, երթեր, ցույցեր և զանգվածային այլ միջոցառումներ անցկացնելու համար թույլտվություն տալու հարցը.
ժդ) սահմանված կարգով տեղեկություններ է տալիս համապատասխան հանրապետական գործադիր մարմնին իր կողմից տվյալ բնագավառում կառավարության տարածքային քաղաքականության իրականացման վերաբերյալ.
ժե) քաղաքապետարանի աշխատակազմում օրենսդրությամբ սահմանված կարգով նշանակում և պաշտոնից ազատում է քաղաքացիական ծառայության պաշտոններում ընդգրկված անձանց.
ժզ) իրականացնում է օրենսդրությամբ սահմանված այլ լիազորություններ:
Քաղաքապետն իր իրավասության սահմաններում, ղեկավարվելով Լեռնային Ղարաբաղի Հանրապետության օրենսդրությամբ, ընդունում է որոշումներ, արձակում կարգադրություններ:
Քաղաքապետի՝ օրենսդրությանը հակասող որոշումները և կարգադրությունները ուժը կորցրած են ճանաչվում վարչապետի կամ դատարանի որոշմամբ:
Քաղաքապետը չի կարող լինել համայնքի ավագանու անդամ, զբաղեցնել այլ պաշտոն կամ կատարել վճարովի այլ աշխատանք՝ բացի մանկավարժական, գիտական և ստեղծագործական աշխատանքից, և զբաղվել ձեռնարկատիրական գործունեությամբ:
17. Քաղաքապետը ունի տեղակալ, որը`
ա/ համակարգում է քաղաքապետարանի աշխատանքները` քաղաքապետի կողմից իրականացվող քաղաքականության` իրեն հանձնարարված բնագավառներում.
բ/ իր լիազորությունների սահմաններում համակարգում է քաղաքապետին վերապահված բնագավառում քաղաքականության ապահովման համար անհրաժեշտ աշխատանքների իրականացումը աշխատակազմի կառուցվածքային ստորաբաժանումների միջոցով, տալով ցուցումներ և հանձնարարականներ.
գ/ աշխատակազմի նպատակներին և խնդիրներին համապատասխան իրականացնում է իրեն հանձնարարված բնագավառի աշխատակազմի ստորաբաժանումներին կոնկրետ հանձնարարականների առաջադրանքների սահմանում, դրանց կատարման վերահսկողություն.
դ/ քաղաքապետի հանձնարարությամբ իրականացնում է քաղաքապետի մոտ քննարկվելիք հարցերի նախնական քննարկումները.
ե/ համակարգում է իրեն հանձնարարված բնագավառներում աշխատակազմի ստորաբաժանումների կողմից իրականացվող աշխատանքների մասնագիտական ուսումնասիրությունները և աշխատանքների ընթացքի օպերատիվ վերլուծությունը.
զ/ իր լիազորությունների սահմաններում համագործակցում է պետական կառավարման այլ մարմինների, կազմակերպությունների ու հիմնարկների հետ.
է/ իրեն հանձնարարված բնագավառներում համակարգում է համապատասխան զարգացման ծրագրերի մշակումը և իրականացումը.
ը/ պարբերաբար քաղաքապետին է ներկայացնում տեղեկատվություն իր կողմից համակարգվող բնագավառներում տիրող իրավիճակի մասին.
թ/ ապահովում է իր կողմից համակարգվող բնագավառներում քաղաքապետի կարգադրությունների և որոշումների կատարման նկատմամբ վերահսկողությունն ու արդյունքների մասին տեղեկացնում քաղաքապետին.
ժ/ քաղաքապետին և աշխատակազմի ղեկավարին ներկայացնում է առաջարկություներ նրանց իրավասությանը վերապահված հարցերի վերաբերյալ.
ժա/ քաղաքապետի բացակայության ժամանակ փոխարինում է նրան.
ժբ/ քաղաքապետի հանձնարարությամբ իրականացնում է այլ գործառույթներ:
18. Քաղաքապետը կարող է ունենալ խորհրդական, օգնական և մամուլի քարտուղար, որոնց միջև պարտականություների բաշխումը, պաշտոնի նշանակումը և պաշտոնից ազատումը կատարում է քաղաքապետը:
19. Լեռնային Ղարաբաղի Հանրապետության կառավարությունը՝
ա) վերակազմակերպում և դադարեցնում է աշխատակազմի գործունեությունը.
բ) հաստատում է աշխատակազմի կանոնադրությունը և դրանում կատարվող փոփոխությունները.
գ) որոշում է աշխատակազմին հանձնվող գույքի կազմը և չափը.
դ) հաստատում է աշխատակազմի կառուցվածքը.
ե) իրականացնում է Լեռնային Ղարաբաղի Հանրապետության Սահմանադրությամբ և օրենքով Լեռնային Ղարաբաղի Հանրապետության կառավարությանը վերապահված այլ լիազորություններ:
20. Աշխատակազմի ղեկավարն օրենքով, այլ իրավական ակտերով, քաղաքապետի որոշումներով և սույն կանոնադրությամբ իրեն վերապահված լիազորությունների սահմաններում ղեկավարում է աշխատակազմի ընթացիկ գործունեությունը և կրում պատասխանատվություն օրենքների, այլ իրավական ակտերի, ԼՂՀ կառավարության և քաղաքապետի որոշումների, սույն կանոնադրության պահանջները չկատարելու կամ ոչ պատշաճ կատարելու համար:
21. Աշխատակազմի ղեկավարն օրենքով սահմանված կարգով գույքային պատասխանատվություն է կրում իր մեղքով պետությանը կամ համայնքին պատճառված գույքային վնասի համար: Աշխատակազմի ղեկավարի լիազորությունների դադարեցումը հիմք չէ պատճառած նյութական վնասը հատուցելու պարտականությունները չկատարելու համար:
22. Աշխատակազմի ղեկավարը պարտավոր է չկատարել հիմնադրի, քաղաքապետի՝ ԼՂՀ օրենսդրությանը հակասող որոշումները և կարգադրությունները:
23. Աշխատակազմի ղեկավարի բացակայության կամ պաշտոնական պարտականությունների կատարման անհնարինության դեպքում նրան փոխարինում է այլ պաշտոնատար անձ` քաղաքապետի որոշմամբ:
24. Աշխատակազմի ղեկավարը`
ա/ իր իրավասության սահմաններում, առանց լիազորագրի, հանդես է գալիս ԼՂՀ և համայնքի անունից և ներկայացնում է նրա շահերը, իր լիազորությունների սահմաններում դատարանում հանդես է գալիս որպես հայցվոր կամ պատասխանող, տալիս է լիազորագրեր դատարանում գործը վարելու և դատավարական այլ գործողություններ իրականացնելու համար.
բ/ օրենքով, այլ իրավական ակտերով հիմնադրի և սույն կանոնադրությամբ սահմանված կարգով տնօրինում է աշխատակազմին ամրացված պետական և համայնքային գույքը, այդ թվում՝ ֆինանսական միջոցները.
գ/ իր իրավասության սահմաններում տալիս է ԼՂՀ և համայնքի անունից հանդես գալու լիազորագրեր, այդ թվում նաև վերալիազորման իրավունքով լիազորագրեր:
դ/ օրենքով և սույն կանոնադրությամբ նախատեսված իր լիազորությունների սահմաններում աշխատանքի նշանակում և աշխատանքից ազատում է աշխատակազմի աշխատողներին, նրանց նկատմամբ կիրառում խրախուսանքի և կարգապահական տույժի միջոցներ.
ե/ օրենքով, այլ իրավական ակտերով և սույն կանոնադրությամբ սահմանված իր լիազորությունների սահմաններում արձակում է հրամաններ, տալիս պարտադիր կատարման ցուցումներ.
զ/ քաղաքապետի հաստատման է ներկայացնում աշխատակազմի տարեկան հաշվետվությունները և տարեկան հաշվեկշիռը, այդ թվում ապահովում է աշխատակազմի հաշվապահական հաշվառումը վարելը, ֆինանսական հաշվետվություններ կազմելը և ներկայացնելը, ինչպես նաև աշխատակազմի տարեկան պահպանման ծախսերի նախահաշիվը, դրա կատարողականը, տարեկան ֆինանսական հաշվետվությունները և տարեկան հաշվեկշիռը, միջոցներ է ձեռնարկում ստուգումների արդյունքում հայտնաբերված ֆինանսական խախտումների վերացման համար.
է/ քաղաքապետին ներկայացնում է առաջարկություններ աշխատակազմի գործունեության հիմնական ուղղությունների վերաբերյալ.
ը/ կազմակերպում է բյուջեի նախագծի նախապատրաստական աշխատանքները և ապահովում բյուջետային միջոցների ծախսերի կատարումը
թ/ կազմակերպում է քաղաքապետարանում քննարկումների և խորհրդակցությունների անցկացումը.
ժ/ վերահսկում է աշխատակազմի կողմից սահմանված ժամկետներում աշխատանքների կատարման ընթացքը.
ժա/ քաղաքապետի ստորագրությանն է ներկայացնում քաղաքապետի որոշումների և կարգադրությունների նախագծերը.
ժբ/ ապահովում է համագործակցությունը ԼՂՀ պետական իշխանության մարմինների աշխատակազմերի հետ.
ժգ/ կազմակերպում է քաղաքապետարանում գործավարության և տեխնիկական սպասարկման աշխատանքները.
ժդ/ իրականացնում է օրենքով, այլ իրավական ակտերով և սույն կանոնադրությամբ նախատեսված այլ լիազորություններ:
IV. Հաշվապահական հաշվառումը և հաշվետվությունները
25. Աշխատակազմը ԼՂՀ օրենսդրությամբ սահմանված կարգով վարում է հաշվապահական հաշվառում, համապատասխան մարմիններ է ներկայացնում ֆինանսական, հարկային, մաքսային, պարտադիր վճարների մասին, ինչպես նաև վիճակագրական հաշվետվություններ, հաշվարկներ, հայտարարագրեր:
26. Աշխատակազմի գլխավոր հաշվապահը կազմակերպում է աշխատակազմի ֆինանսական և հաշվապահական ծառայությունները, գործում է աշխատակազմի ղեկավարի անմիջական ենթակայությամբ և իրականացնում «Գանձապետական համակարգի մասին» ԼՂՀ օրենքով իր վրա դրված լիազորությունները:
27. Աշխատակազմի գլխավոր հաշվապահը պատասխանատու է հաշվապահական հաշվառումը վարելու, աշխատակազմի ֆինանսական /բյուջետային/, հարկային, վիճակագրական, պարտադիր վճարների մասին հաշվետվությունները ժամանակին կազմելու համար:
28. Աշխատակազմի գործունեության տարեկան ֆինանսական հաշվետվությունների հավաստիությունը կարող է ենթարկվել աուդիտի /վերստուգման/ ԼՂՀ կառավարության սահմանված կարգով:
V . Աշխատակազմի գույքը
29. Աշխատակազմի գույքը ձևավորվում է օրենքով սահմանված կարգով` ԼՂՀ կառավարության կողմից, ինչպես նաև աշխատակազմի կնքած գործարքների միջոցով ձեռք բերված և աշխատակազմի տիրապետմանը, տնօրինման ու օգտագործմանը հանձնված /ամրացված/ գույքից /ներառյալ գույքային իրավունքները/, որը հաշվառվում է նրա հաշվեկշռում:
30. Լեռնային Ղարաբաղի Հանրապետության կառավարության որոշմամբ աշխատակազմին կարող է վերապահել նաև պետական բաժնետոմսեր կամ բաժնեմասերի տիրապետման իրավասությունը:
31. Լեռնային Ղարաբաղի Հանրապետության կառավարությունն իրավունք ունի ցանկացած ժամանակ վերցնելու աշխատակազմի գույքը:
32. Աշխատակազմն իրավունք ունի օրենքով, այլ իրավական ակտերով և իր կանոնադրությամբ նախատեսված դեպքերում և կարգով իր գործունեության նպատակներին ու գույքի նշանակությանը համապատասխան օգտագործելու, տիրապետելու և տնօրինելու իրեն հանձնված գույքը:
VI. Աշխատակազմի կառուցվածքը
33. Աշխատակազմի կառուցվածքը ներառում է նրա կառուցվածքային ստորաբաժանումները և առանձնացված ստորաբաժանումները:
(33-րդ կետը լրաց. 25.01.2010 N 10-Ն)
34. Աշխատակազմի կառուցվածքային ստորաբաժանումների կանոնադրությունները հաստատվում են քաղաքապետի կողմից:
35. Աշխատակազմի հաստիքային ցուցակը հաստատում է քաղաքապետը:
351. Աշխատակազմի առանձնացված ստորաբաժանումների կանոնադրությունները հաստատում է Լեռնային Ղարաբաղի Հանրապետության կառավարությունը` քաղաքապետի ներկայացմամբ:
(351-ին կետը լրաց. 25.01.2010 N 10-Ն)
352. Աշխատակազմի առանձնացված ստորաբաժանումն օրենքով, իսկ առանձին դեպքերում` նաև Լեռնային Ղարաբաղի Հանրապետության օրենսդրությամբ նախատեսված ծառայությունների մատուցման, վերահսկողության գործառույթներ և պատասխանատվության միջոցներ կիրառող մարմին է:
(352-րդ կետը լրաց. 25.01.2010 N 10-Ն)
353. Աշխատակազմի առանձնացված ստորաբաժանումն իրականացնում է նաև աշխատակազմի առանձին գործառույթները կամ դրանց մի մասը կամ հանդես է գալիս Ստեփանակերտի քաղաքային համայնքի անունից:
(353-րդ կետը լրաց. 25.01.2010 N 10-Ն)
354. Առանձնացված ստորաբաժանումն իրավունք ունի Ստեփանակերտի քաղաքային համայնքի անունից ձեռք բերելու և իրականացնելու գույքային ու անձնական ոչ գույքային իրավունքներ, կրելու պարտականություններ, դատարանում հանդես գալու որպես հայցվոր կամ պատասխանող:
(354-րդ կետը լրաց. 25.01.2010 N 10-Ն)
355. Աշխատակազմի առանձնացված ստորաբաժանումն ունի Լեռնային Ղարաբաղի Հանրապետության զինանշանի պատկերով և իր` հայերեն անվանմամբ կլոր կնիք, ձևաթղթեր, խորհրդանիշ և անհատականացման այլ միջոցներ:
(355-րդ կետը լրաց. 25.01.2010 N 10-Ն)
VII. Աշխատակազմի գործունեությունը ինքնակառավարման իրականացման առանձին բնագավառներում
36. Աշխատակազմի գործունեությունը ինքնակառավարման իրականացման առանձին բնագավառներում կազմակերպվում է «Տեղական ինքնակառավարման մասին» Լեռնային Ղարաբաղի Հանրապետության օրենքի համապատասխան հոդվածների դրույթների համաձայն:
VIII. Աշխատակազմի վերակազմակերպումը և գործունեության դադարումը
37. Աշխատակազմի վերակազմակերպման և նրա գործունեության դադարման կարգն ու պայմանները սահմանվում են օրենքով:
|
ԼՂՀ կառավարության աշխատակազմի ղեկավար-նախարար |
Ս. ԳՐԻԳՈՐՅԱՆ |
| |
Հավելված 2
ԼՂՀ կառավարության
«21» դեկտեմբերի 2004թ.
թիվ 526 որոշման |
Կ Ա Ռ ՈՒ Ց Վ Ա Ծ Ք
ՍՏԵՓԱՆԱԿԵՐՏԻ ՔԱՂԱՔԱՊԵՏԱՐԱՆԻ ԱՇԽԱՏԱԿԱԶՄԻ
I. Կառուցվածքային ստորաբաժանումներ
1. Ֆինանսա-բյուջետային բաժին
2. Իրավաբանական բաժին
3. Բնակարանային, կոմունալ տնտեսության և բնապահպանության բաժին
4. Ճարտարապետության և քաղաքաշինության բաժին
5. Հողաշինարարական բաժին
6. Կրթության և սպորտի բաժին
7. Մշակույթի, երիտասարդության հարցերի և զբոսաշրջության բաժին
8. (կետն ուժը կորցրել է 03.05.2018 N 326-Ն)
9. Շինարարության և բարեկարգման բաժին
10. Համայնքային գույքի կառավարման բաժին
11. Արտադրական ենթակառուցվածքների բաժին
(11-րդ կետը խմբ. 03.05.2018 N 326-Ն)
12. Հաշվապահական հաշվառման բաժին
13. Համակարգչային և տեղեկատվական ծառայությունների բաժին
14. Քաղաքացիների ընդունելության և դիմումների բաժին
15. Քարտուղարություն
16. (16-րդ կետն ուժը կորցրել է 27.02.20 N 113-Ն)
17. Վարչատնտեսական մաս
II. Առանձնացված ստորաբաժանում
Ստեփանակերտի քաղաքային տեսչություն
(Հավելված 2-ը խմբ. 25.12.2007 N 684, խմբ. 12.11.2008 N 752, փոփ. 24.02.2009 N 116-Ն, խմբ. 21.12.2009 N 813-Ն, խմբ. 20.10.2011 N 772-Ն, փոփ., խմբ. 03.05.2018 N 326-Ն, փոփ. 27.02.20 N 113-Ն)
|
ԼՂՀ կառավարության աշխատակազմի ղեկավար-նախարար |
Ս. ԳՐԻԳՈՐՅԱՆ |
| |
Հավելված 3
ԼՂՀ կառավարություն
«21» դեկտեմբերի 2004թ.
թիվ 526 որոշման |
ՑԱՆԿ
Ստեփանակերտի քաղաքապետարանի աշխատակազմին հանձնվող գույքի կազմի և չափի
|
հաշվի
համարը |
հ/հ |
Գույքի անվանումը |
Քանակը |
Գումարը |
|
1 |
2 |
3 |
4 |
5 |
|
013 |
1. |
Համակարգիչ |
11 |
9458875 |
| |
2. |
Տպիչ |
9 |
1649041 |
| |
3. |
Նկարահանող սարք |
3 |
260000 |
| |
4. |
Էլեկտրականություն պահպանող սարք - UPS |
6 |
541474 |
| |
5. |
Պատճենահանող սարք
UP-6216,6317 |
2 |
2147800 |
| |
6. |
Ֆաքս Ranacon ը 910 |
1 |
322092 |
| |
7. |
Հեռախոս «Panasonik» 61610 |
1 |
372600 |
| |
8. |
Ռադիոհեռախոս «Կոմպակս» |
1 |
312600 |
| |
9. |
Տեսախցիկ |
1 |
100000 |
| |
10. |
Տպագրող մեքենա |
15 |
675100 |
| |
11. |
Հաշվիչ մեքենա |
25 |
159700 |
| |
12. |
Հաշվիչ մեքենա «Իսկրա» |
2 |
632500 |
| |
13. |
Սառնարան «Ապշերոն»,
«Սարատով», «Սուպերգեներալ» |
4 |
799800 |
| |
|
Ընդամենը |
81 |
17431582 |
|
014 |
14. |
Ծածկոց |
1 |
22000 |
| |
15. |
Գորգ |
1 |
60800 |
| |
16. |
Ուղեգորգ |
88.5գ/մ |
442500 |
| |
17. |
Վարագույր |
80.5 |
182100 |
| |
18. |
Սրբիչ |
4 |
5400 |
| |
|
Ընդամենը |
|
712800 |
|
015 |
19. |
Ավտոմեքենաներ |
4 |
11140064 |
| |
|
Ընդամենը |
|
11140064 |
|
016 |
20. |
Կոմպլեքս «Վալդիս» 27 |
1 |
1023040 |
| |
21. |
Կոմպլեքս Մ/Մ 4 առարկա |
1 |
79014 |
|
|
22. |
Հեռուստացույց ,,PANASONIC,, |
1 |
225500 |
| |
23. |
-,,- ,,ELEKTA 2-KA,, |
1 |
275000 |
| |
24. |
-,,- ,,SHIVAKI,, |
2 |
358800 |
| |
25. |
-,,- ,,DEO,, |
3 |
450000 |
| |
26. |
-,,- ,,PRIMA,, |
1 |
90000 |
| |
27. |
-,,- ,,SUPER-GETRON,, |
2 |
90000 |
| |
28. |
- ,, - ,,DVC,, |
2 |
415000 |
| |
29. |
-,, - ,,FILIPS,, |
1 |
260000 |
| |
30. |
Բջջային հեռախոս |
1 |
237300 |
| |
31. |
Ձայնարկիչ |
1 |
49500 |
| |
32. |
-,,- ,,PANASONIC,, |
1 |
121200 |
| |
33. |
Սեղան կոմբինացված |
22 |
1248370 |
| |
34. |
Սեղան երկփեղկ |
30 |
1464100 |
| |
35. |
Սեղան միափեղկ |
42 |
323146 |
| |
36. |
Պահարան կոմբինացված |
22 |
635025 |
| |
37. |
Գրքային պահարան |
17 |
503100 |
| |
38. |
Սեղան նիստերի համար |
7 |
260300 |
| |
39. |
Բազմոց բազկաթոռների հետ- 3 լրակազմ |
1 |
150000 |
| |
40. |
Սեղան կոմբինացված 3 առարկա |
2 |
448700 |
| |
41. |
Ամբիոն |
1 |
3200 |
| |
42. |
Համակարգչային սեղան-3տեղանոց |
1 |
383000 |
| |
43. |
Չհրկիզվող պահարան |
10 |
151840 |
| |
44. |
Երկաթյա պահարան |
6 |
97410 |
| |
|
Ընդամենը |
179 |
9342545 |
|
070-071 |
45. |
Փափուկ աթոռ |
155 |
545400 |
| |
46. |
Աթոռ |
70 |
71580 |
| |
47. |
Բազկաթոռ |
8 |
200587 |
| |
48. |
Գրասեղան |
1 |
45000 |
| |
49. |
Գրասեղան |
10 |
9300 |
| |
50. |
Վարագույրների քիվ |
21 |
1435500 |
| |
51. |
Հեռախոս «Panasonik» |
1 |
69600 |
| |
52. |
Տաքացուցիչ |
15 |
483700 |
| |
53. |
Հեռուստացույցի տակդիր |
3 |
80200 |
| |
54. |
Դրոշակի ամրացման արկղով |
1 |
10400 |
| |
55. |
Եռհատոր բառարան |
3 |
15000 |
| |
56. |
Գծագրական տախտակ |
3 |
21300 |
| |
57. |
Գրադարակ |
1 |
400 |
| |
58. |
Ջահ |
27 |
410500 |
| |
59. |
Լուսամփոփ |
34 |
- |
| |
60. |
Լվացասենյակի հավաքածու |
1 |
- |
| |
61. |
Օդամաքրիչ |
1 |
- |
| |
62. |
«Արիստոն» ջրատաքացուցիչ |
1 |
- |
| |
63. |
Փայտյա թախտ |
1 |
- |
| |
64. |
Թուղթ ոչնչացնելու սարք |
1 |
- |
| |
65. |
Սեղանի լուսամփոփ |
5 |
19600 |
| |
66. |
Էլեկտրասալիկ |
16 |
36900 |
| |
67. |
Էլեկտրատաքացուցիչ |
14 |
104400 |
| |
68. |
Պատի ժամացույց |
18 |
70000 |
| |
69. |
Կիսանդրու հիմք |
1 |
24200 |
| |
70. |
ՔՔաղաքային կապի հեռախոսաապարատ |
48 |
240385 |
| |
71. |
Ներքին կապի հեռախոսաապարատ |
12 |
67500 |
| |
72. |
Ռադիո |
23 |
14600 |
| |
73. |
Փայտե կախիչ |
3 |
44900 |
| |
74. |
Երկաթե կախիչ |
6 |
2700 |
| |
75. |
Սեղանի հավաքածու |
6 |
34000 |
| |
76. |
Օրացույց |
35 |
- |
| |
77. |
Դարակներ քարտերի համար |
3 |
- |
| |
78. |
Գրասենյակային հաշվիչ |
|
|
| |
79. |
Մոխրաման-աղբաման |
8 |
100000 |
| |
80. |
Դարակներ գրքերի համար |
8 |
- |
| |
81. |
Պահարան քարտերի համար |
4 |
- |
| |
82. |
Թեյի սպասք |
2 |
12000 |
| |
83. |
Սրճի սպասք |
2 |
6000 |
| |
84. |
Թեյնիկ «Տեֆալ» |
6 |
48000 |
| |
85. |
Սկուտեղ 3 հատ |
3 |
10500 |
| |
86. |
Ափսեներ մեծ |
6 |
1200 |
| |
87. |
Ափսեներ միջին |
6 |
1200 |
| |
88. |
Մեծ ըմպանակ |
6 |
3000 |
| |
89. |
Փոքր ըմպանակ |
6 |
2000 |
| |
90. |
Հայելի |
3 |
35000 |
| |
91. |
Ջրի համար դույլ |
6 |
7200 |
| |
92. |
Կոնֆետի աման |
3 |
3000 |
| |
93. |
Մոխրաման |
6 |
2400 |
| |
94. |
Կառնիզ/քիվ/ |
37 |
70070 |
| |
95. |
Աղբարկղ |
42 |
4100 |
| |
96. |
Դակիչ |
9 |
6200 |
| |
97. |
Երկարամետրաժ էլեկտրահաղորդիչ |
4 |
4000 |
| |
98. |
Իրավաբանական գրականություն |
7 |
23700 |
| |
99. |
Հախճապակյա սկահակ |
3 |
19000 |
| |
100. |
Օդամաքրիչ |
2 |
14000 |
| |
101. |
Փոշեծծիչ ,, Rawentu,, |
1 |
60000 |
| |
102. |
Տոնական պաստառ |
25 |
125000 |
| |
103. |
Գունավոր լամպեր |
500 |
100000 |
| |
104. |
Ամանորի կառք |
1 |
290000 |
| |
|
Ընդամենը |
|
5005222 |
|
ԼՂՀ կառավարության աշխատակազմի ղեկավար¬նախարար |
Ս. ԳՐԻԳՈՐՅԱՆ |