ք. Ստեփանակերտ

ԳՆՈՒՄՆԵՐԻ ՎԵՐԱԲԵՐՅԱԼ ՏԱՐԵԿԱՆ ՀԱՇՎԵՏՎՈՒԹՅԱՆ ՕՐԻՆԱԿԵԼԻ ՁԵՎԸ ՀԱՍՏԱՏԵԼՈՒ, ՊԱՏՎԻՐԱՏՈՒՆԵՐԻ ՀԱՍՏԱՏԱԾ ԳՆՄԱՆ ԱՌԱՐԿԱՆԵՐԻ ԲՆՈՒԹԱԳՐԵՐԻ, ՄԱՍՆԱԿԻՑՆԵՐԻՆ ՆԵՐԿԱՅԱՑՎՈՂ ՈՐԱԿԱՎՈՐՄԱՆ ՊԱՀԱՆՋՆԵՐԻ ԸՆՏՐԱՆՔԱՅԻՆ ԳՆԱՀԱՏՄԱՆ ԵՎ ԳՆՈՒՄՆԵՐԻ ՎԵՐԱԲԵՐՅԱԼ ՏՎՅԱԼՆԵՐԻ ՎԵՐԼՈՒԾՈՒԹՅԱՆ ՈՒ ԷԼԵԿՏՐՈՆԱՅԻՆ ՏԵՂԵԿԱՏՈՒԻ ՎԱՐՄԱՆ ԿԱՐԳԵՐԸ ՀԱՍՏԱՏԵԼՈՒ ՄԱՍԻՆ

(վերնագիրը խմբ. 03.09.19 N 252-Ն)

Հիմք ընդունելով «Գնումների մասին» Լեռնային Ղարաբաղի Հանրապետության օրենքի 4-րդ հոդվածի 3-րդ և 5-րդ մասերը և 16-րդ հոդվածի 1-ին մասի 5-րդ և 6-րդ կետերը, հրամայում եմ`

1.Հաստատել`

1) պատվիրատուների հաստատած գնման առարկաների բնութագրերի, մասնակիցներին ներկայացվող որակավորման պահանջների ընտրանքային գնահատման կարգը՝ համաձայն հավելված N 1-ի,

2) գնումների վերաբերյալ տվյալների վերլուծության ու էլեկտրոնային տեղեկատուի վարման կարգը՝ համաձայն հավելված N 2-ի,

3) գնումների վերաբերյալ տարեկան հաշվետվության օրինակելի ձևը՝ համաձայն հավելված N 3-ի:

(1-ին կետը խմբ., լրաց. 03.09.19 N 252-Ն)

2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

1. Պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջները ընտրանքային կարգով գնահատում է «Գնումների աջակցման կենտրոն» պետական ոչ առևտրային կազմակերպությունը (այսուհետ` Կենտրոն):

2. Կենտրոնը գնահատում է պատվիրատուների կողմից հաստատված և գնումների պաշտոնական տեղեկագրում հրապարակված հրավերներում և նախաորակավորման ընթացակարգի հայտարարություններում պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջները, հիմք ընդունելով հետևյալ սկզբունքները.

1) գնահատման ենթակա են պատվիրատուների կազմակերպած գնման ընթացակարգերը՝ ըստ գնման յուրաքանչյուր ընթացակարգի, բացառությամբ առանց գնումների հայտարարությունը նախապես հրապարակելու բանակցային ընթացակարգերի, ներառելով ապրանքների ձեռքբերումը, աշխատանքների կատարումը և ծառայությունների մատուցումը,

2) պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջները գնահատվում են մրցակցության ապահովման և խտրականության բացառման պահանջների պահպանման տեսանկյունից, բացառությամբ հատուկ մասնագիտական գիտելիքներ պահանջող հարցերի:

3. Կենտրոնը պատվիրատուների հաստատած գնման առարկաների բնութագրերը և մասնակիցներին ներկայացվող որակավորման պահանջների գնահատումն իրականացնում է հաշվի առնելով, որ.

1) գնահատվում է պատվիրատուների կողմից հայտարարված բաց ընթացակարգերը` դրանք գնումների էլեկտրոնային տեղեկատուում հրապարակվելու օրվան հաջորդող օրվանից հաշված հինգ աշխատանքային օրվա ընթացքում,

2) գնահատվում և ստուգվում է յուրաքանչյուր շրջանակային համաձայնագրերով գնումներ կատարելու ընթացակարգերը` մինչև դրանք մասնակիցներին ուղարկելը,

3) գնահատվում է պատվիրատուների կողմից հայտարարված յուրաքանչյուր պարզեցված և նախաորակավորման ընթացակարգերը` դրանք գնումների էլեկտրոնային տեղեկատուում հրապարակվելու օրվան հաջորդող օրվանից հաշված երկու աշխատանքային օրվա ընթացքում:

4. Սույն կարգի 3-րդ կետով նախատեսված գնահատման արդյունքները` գնումների մասին Արցախի Հանրապետության օրենսդրությամբ սահմանված պահանջների խախտման առկայության դեպքում ներկայացվում են պատվիրատուներին, իսկ ԱՀ ֆինանսների նախարարություն ներկայացվում են ամսական կտրվածքով՝ ամփոփ տեսքով:

(հավելվածը խմբ. 03.09.19 N 252-Ն)

1. «Գնումների մասին» օրենքի 16-րդ հոդվածի 1-ին մասի 5-րդ կետի պահանջների կատարումն ապահովելու նպատակով «Գնումների աջակցման կենտրոն» պետական ոչ առևտրային կազմակերպությունը (այսուհետ` Կենտրոն) վերլուծում է գնումների վերաբերյալ տվյալները և ներկայացնում է եզրակացություններ:

2. Մինչև յուրաքանչյուր տարվան հաջորդող տարվա փետրվարի 15-ը գնումների համակարգողները գնումների վերաբերյալ տարեկան հաշվետվությունը ուղարկում են Կենտրոն հետևյալ կերպ.

1) պետական կառավարման մարմինները, պետական հիմնարկները հավաքագրում և ուղարկում են Կենտրոն իրենց և իրենց ենթակայության տակ գտնվող պատվիրատուների` գնումների վերաբերյալ տեղեկատվությունը.

2) հանրային կազմակերպությունները հավաքագրում և ուղարկում են Կենտրոն իրենց գնումների վերաբերյալ տեղեկատվությունը:

3. Կենտրոնը վերլուծություններն իրականացնում է ըստ գնումների արժեքային և (կամ) քանակական բնութագրիչների և դրանց տարբեր համակցությամբ հետևյալ հիմնական ուղղություններով.

1) ըստ գնման նախահաշվային և կնքված պայմանագրերի արժեքների` համեմատվում են պատվիրատուների համանման գնումների նախահաշվային և (կամ) ձեռքբերման արժեքները,

2) ըստ տնտեսման` համեմատվում են համանման գնումների տնտեսման (գնման նախահաշվային և ձեռքբերման գնի դրական և բացասական տարբերությունները) ցուցանիշները,

3) ըստ գնման ընթացակարգերի քանակների և պատվիրատուների` համեմատվում են գնումների ընթացակարգերի ընդհանուր քանակական ցուցանիշները և գնման առանձին ընթացակարգերի տեսակարար կշիռները, այդ թվում` կայացած և չկայացած գնման ընթացակարգերը,

4) ըստ ընթացակարգերի մասնակցության` համեմատվում են մասնակիցների մասնակցության թիվն ըստ գնման տարբեր ընթացակարգերի:

4. Կատարված վերլուծությունների արդյունքների հիման վրա Կենտրոնը կազմում և Արցախի Հանրապետության ֆինանսների նախարարություն է ներկայացնում տարեկան ամփոփ հաշվետվություն մինչև ընթացիկ տարվա ապրիլի 1-ը սույն կարգով հաստատված ձևին (ձևը կցվում է) համապատասխան` էլեկտրոնային եղանակով (excel ֆայլով): Մինչև ընթացիկ տարվա ապրիլի 15-ը Արցախի Հանրապետության ֆինանսների նախարարությունը քննարկում է նախորդ տարվա վերաբերյալ Կենտրոնի տարեկան ամփոփ հաշվետվությունը, որը ներառում է գնումների համակարգում առկա խնդիրները, հնարավոր ռիսկային հատվածները, դրանք վերացնելու և համակարգը բարելավելու ուղղությամբ առաջարկությունները:

ՏԱՐԵԿԱՆ ՀԱՇՎԵՏՎՈՒԹՅՈՒՆ

20____ թվականի ընթացքում իրականացված գնումների մասին

Պատվիրատուի անվանումը _____________________________________________

Պատվիրատուի կոդը _________

Գնումների համակարգող(ներ)ի անունը, ազգանունը _________________________

Գնումների համակարգող(ներ)ի պաշտոնը __________________________________

I Պետական բյուջեի միջոցների հաշվին

II Այլ միջոցների հաշվին

III Չկայացված ընթացակարգերի վերաբերյալ

(հավելվածը լրաց. 03.09.19 N 252-Ն)