ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
|
7 սեպտեմբերի 2021թ. |
N 980-Ն |
ք. Ստեփանակերտ
ԾԽԱԽՈՏԻ ԱՆՎՏԱՆԳՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ
ԵՎ ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ
2005 ԹՎԱԿԱՆԻ ԴԵԿՏԵՄԲԵՐԻ 20-Ի N 541 ՈՐՈՇՈՒՄՆ ՈՒԺԸ
ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Տեխնիկական կանոնակարգման մասին» օրենքի 8-րդ հոդվածի 1-ին մասի 3-րդ կետը և «Նորմատիվ իրավական ակտերի մասին» օրենքի 41-րդ հոդվածը՝ Արցախի Հանրապետության կառավարությունը որոշում է.
1. Հաստատել ծխախոտի անվտանգության տեխնիկական կանոնակարգը` համաձայն հավելվածի:
2. Ուժը կորցրած ճանաչել Լեռնային Ղարաբաղի Հանրապետության կառավարության 2005 թվականի դեկտեմբերի 20-ի «Ծխախոտի վերաբերյալ տեխնիկական կանոնակարգը հաստատելու մասին» N 541 որոշումը:
3. Սույն որոշումն ուժի մեջ է մտնում պաշտոնական հրապարակումից 6 ամիս հետո:
|
«Հաստատում եմ» |
|
| |
|
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ |
Ա. ՀԱՐՈՒԹՅՈՒՆՅԱՆ |
| |
Հավելված
Արցախի Հանրապետության
կառավարության 2021 թվականի
սեպտեմբերի 7-ի N 980-Ն որոշման |
ՏԵԽՆԻԿԱԿԱՆ ԿԱՆՈՆԱԿԱՐԳ ԾԽԱԽՈՏԻ ԱՆՎՏԱՆԳՈՒԹՅԱՆ
1. ԿԻՐԱՌՄԱՆ ՈԼՈՐՏԸ
1. Ծխախոտի անվտանգության տեխնիկական կանոնակարգի (այսուհետ` տեխնիկական կանոնակարգ) գործողությունը տարածվում է արտաքին տնտեսական գործունեության ապրանքային անվանացանկի ծածկագրերին համապատասխան ծխախոտային արտադրանք հանդիսացող հետևյալ ծխախոտային արտադրատեսակների վրա`
|
սիգարներ, սիգարիլաներ (սիգարիտաների), |
2402 10 000 0 |
|
սիգարետ, կրետեկ, բիդի |
2402 20 100 0 |
| |
2402 20 900 0 |
|
բարակ կտրատած ծխելու ծխախոտ, |
2403 11 000 0 |
|
նարգիլեի ծխախոտ, ծխագլանակ |
2403 19 100 0 | |
: |
2. Տեխնիկական կանոնակարգով սահմանվում են տեխնիկական կանոնակարգի 1-ին կետում ներկայացված ծխախոտային արտադրանքի անվտանգությունը բնութագրող ցուցանիշները, դրանց մակնշմանը, փաթեթավորմանը և պահմանը ներկայացվող պահանջները, ինչպես նաև համապատասխանության գնահատման ընթացակարգերը։
3. Տեխնիկական կանոնակարգը մշակված է մարդու կյանքն ու առողջությունը, շրջակա միջավայրը պաշտպանելու, ինչպես նաև ծխախոտային արտադրանքի նշանակության ու անվտանգության առումով սպառողներին մոլորության մեջ գցող գործողությունները կանխելու նպատակով և տարածվում է Արցախի Հանրապետության տարածքում շրջանառության մեջ դրվող ծխախոտային արտադրանքի վրա:
4. Տեխնիկական կանոնակարգի 1-ին կետում ներկայացված ծխախոտային արտադրանքը ենթակա է համապատասխանության գնահատման:
5. Տեխնիկական կանոնակարգի գործողությունը չի տարածվում հետևյալ ծխախոտային արտադրանքների վրա՝
1) ծխախոտային արտադրանքի նմուշներ, որոնք ներմուծվում են Արցախի Հանրապետության տարածք լաբորատորիաների, ծխախոտային արտադրատեսակներ արտադրողների և (կամ) ներմուծողների (վաճառողների) կողմից և նախատեսված են որակի ու անվտանգության հսկողության, միջազգային ստանդարտներին համապատասխան չափումների, միջլաբորատոր համեմատական փորձարկումների անցկացման, Արցախի Հանրապետության օրենսդրությամբ սահմանված պահանջներին համապատասխան նորմավորվող պարամետրերի չափումների, սարքավորումների տրամաչափարկման, համեմատական թեստերի, համտեսի (դեգուստացիաների) անցկացման, դիզայնի ուսումնասիրման համար.
2) ծխախոտային արտադրանքի նմուշներ, որոնք միջազգային ցուցահանդեսների և տոնավաճառների կազմակերպիչների և (կամ) մասնակիցների կողմից որպես նմուշներ և ցուցանմուշներ ներմուծվում են Արցախի Հանրապետության տարածք.
3) ծխախոտային արտադրանք, որն արտահանվում է Արցախի Հանրապետության տարածքի սահմաններից դուրս՝ արտաքին առևտրային պայմանագրերի համաձայն։
2. ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐԸ
6. Տեխնիկական կանոնակարգում կիրառված են «Ծխախոտի իրացման, սպառման և օգտագործման սահմանափակումների մասին» օրենքով և սույն բաժնով նախատեսված հետևյալ հասկացությունները`
1) սպառողական տարա` տարա, որով իրացվում է արտադրատեսակը և որը փոխադրական տարա չէ.
2) փոխադրական տարա` տարա, որը կազմում է ինքնուրույն փոխադրական միավոր.
3) տուփ` սպառողական տարայի միավոր, որը պարունակում է որոշակի քանակով ծխախոտային արտադրատեսակ.
4) բլոկ` խմբակային սպառողական տարայի միավոր, որը պարունակում է թղթով կամ պոլիմերային թաղանթով փաթաթված կամ թղթե ժապավենով փաթաթված որոշակի քանակությամբ սիգարետներով կամ ծխագլանակներով տուփեր.
5) ծխախոտային արտադրատեսակի մակնիշ` որոշակի սպառողական հատկություններ ունեցող ծխախոտի արտադրանքի անվանում, որով նույնականացվում է ծխախոտի արտադրանքի յուրաքանչյուր առանձին տեսակը (ենթատեսակը).
6) ծխախոտային արտադրատեսակի խմբաքանակ՝ վերահսկման ենթակա միևնույն մակնիշի և փաթեթավորմամբ ծխախոտային արտադրատեսակի քանակ.
7) ծխախոտային արտադրանք` սպառողական փաթեթվածքում փաթեթավորված ծխախոտային արտադրատեսակ:
3. ՇՐՋԱՆԱՌՈՒԹՅԱՆ ԴՈՒՐՍԲԵՐՄԱՆ, ԱՅԴ ԹՎՈՒՄ՝
ԻՐԱՑՄԱՆ ԿԱՆՈՆՆԵՐԸ
7. Արտադրողը կամ Արցախի Հանրապետությունում նրա լիազոր ներկայացուցիչը պետք է կիրառի անհրաժեշտ միջոցներ, որպեսզի երաշխավորի, որ շրջանառության մեջ դրվող ծխախոտային արտադրանքն անվտանգության ապահովման հարցերով արտադրված է տեխնիկական կանոնակարգով սահմանված պահանջներին համապատասխան, մարդու կյանքի և առողջության, ֆիզիկական և իրավաբանական անձանց ու պետական գույքի, կենդանիների և բույսերի կյանքի և առողջության, շրջակա միջավայրի համար վտանգի աղբյուր չէ, ինչպես նաև չի պարունակում անվտանգության վերաբերյալ սպառողներին թյուրիմացության մեջ գցող գործոններ:
8. Արցախի Հանրապետության տարածքում տեխնիկական կանոնակարգի 1-ին կետում նշված ծխախոտային արտադրանքի շրջանառության դուրսբերումը, այդ թվում՝ իրացումը՝ առանց համապատասխանության գնահատման և (կամ) համապատասխանության ազգային նշանի` արգելվում է։
9. Արցախի Հանրապետության տարածքում ծխախոտային արտադրանքը պետք է ուղեկցվի համապատասխանության հայտարարագրով և (կամ) համապատասխանության ազգային նշանով:
10. Ծխախոտային արտադրանքի և ծխախոտային արտադրանքի արտադրական թափոնների օգտահանումը (ոչնչացումը) իրականացվում է Արցախի Հանրապետության օրենսդրությամբ սահմանված կարգով:
4. ԾԽԱԽՈՏԱՀՈՒՄՔԻՆ ԵՎ ԾԽԱԽՈՏԱՅԻՆ ԱՐՏԱԴՐԱՆՔԻՆ ՆԵՐԿԱՅԱՑՎՈՂ
ԱՆՎՏԱՆԳՈՒԹՅԱՆ ՊԱՀԱՆՋՆԵՐԸ
11. Ծխախոտահումքի և ծխախոտային արտադրանքի անվտանգությունը բնութագրող ցուցանիշները ներկայացված են տեխնիկական կանոնակարգի 12-րդ կետում և N 1 աղյուսակում:
12. Ծխախոտահումքի և ծխախոտային արտադրանքում ածխածնի օքսիդի առավելագույն պարունակությունը մեկ սիգարետի ծխում չպետք է գերազանցի 10 մգ/սիգ:
ԾԽԱԽՈՏԱՅԻՆ ԱՐՏԱԴՐԱՆՔԻ ՖԻԶԻԿԱՄԵԽԱՆԻԿԱԿԱՆ ՑՈՒՑԱՆԻՇՆԵՐԸ
|
Ծխախոտային
արտադրատեսակը |
Ցուցանիշի անվանումը |
Նորմը |
| |
Խոնավությունը, % |
11 - 15 |
|
Սիգարետ |
Նիկոտինի առավելագույն պարունակությունը մեկ սիգարետի
(ֆիլտրով և առանց ֆիլտրի) ծխում չպետք է գերազանցի, մգ/սիգ |
1 |
|
Խեժի առավելագույն պարունակությունը մեկ սիգարետի (ֆիլտրով
և առանց ֆիլտրի) ծխում չպետք է գերազանցի, մգ/սիգ |
10 |
|
Սիգար, սիգարիլլա |
Խոնավությունը, % |
10 - 14 |
|
Ծխագլանակ |
11 - 15 |
|
Ծխելու ծխախոտ |
12 - 16 |
|
Ծխամորճի ծխախոտ |
11,5 -15,5 | |
: |
13. Ծխախոտային արտադրանքի արտադրության ժամանակ արգելվում է օգտագործել որպես բաղադրիչներ տեխնիկական կանոնակարգի N 2 աղյուսակով ներկայացված նյութերը՝
|
NN
ը/կ |
Արգելվող նյութերը |
|
1.
|
ագարինաթթու (Acidumagaricinicum).
կեչու ձյութայուղ (Գleum Betulaeempyreumaticum).
դառը նուշի յուղ (Գleum Amygdalarumamarum)՝ ազատ կամ կապված
սինիլաթթվի պարունակությամբ
սասաֆրասի յուղ (Գleum Sassafratis).
գիհու ձյութայուղ (Գleum Juniperi Empyreumaticum).
կամֆորայի յուղ (Գleum Camphգratum).
կամֆորա
կումարին
կանճրակ
կենսածառ` թույա |
|
2.
|
Այն նյութերը, որոնց շրջանառությունն արգելված է՝ Եվրասիական տնտեսական
միության և Միասնական տնտեսական տարածքի անդամ պետությունների
միջազգային պայմանագրերին համապատասխան |
|
3.
|
Բուրավետիչ և համային նյութեր` պատրաստված.
դառը և քաղցր համով մորմի փայտե ցողունից (Stipites Dulcamarae)
կամֆորայի ծառի փայտից (Lignum Camphգrae)
բազմոտիկ սովորական կոճղարմատից (Rhizգma Pգiypգdii)
ճահճային դաղձի տերևներից (Herba Pulegii), կվասսիայի փայտից
(Lignum Quassiae), օճառածառի կեղևից (Cգrtex Quillaja)
տարկավանի խոտերից (Herba Tanaceti)
սատապի խոտեր (Herba Rutae)
սասաֆրասի ցողուններից, տերևներից
կեղևից (Stipes, Fգlium, Cգrtex Sassafratis)
դեղատու իշառվույտից (Millilգtus գfficinalis)
տոնկա հատիկներից (Semen Tգncae)
հոտավետ լիատրիսից (Liatris գdգratissima)
գետնաստղից (Asperulaգdգrata) | |
: |
5. ԾԽԱԽՈՏԱՅԻՆ ԱՐՏԱԴՐԱՆՔԻ ՄԱԿՆՇՄԱՆՆ ՈՒ ՓԱԹԵԹԱՎՈՐՄԱՆԸ
ՆԵՐԿԱՅԱՑՎՈՂ ՊԱՀԱՆՋՆԵՐԸ ԵՎ ՊԱՀՄԱՆ ՊԱՅՄԱՆՆԵՐԸ
14. Ծխախոտային արտադրանքի ծխախոտի տուփի յուրաքանչյուր միավորը, ինչպես նաև բլոկը և ծխամորճի ու ծխելու ծխախոտների թափանցիկ փաթեթում տեղադրվող ներդիր թերթիկը պետք է պարունակեն հետևյալ տեղեկատվությունը`
1) արտադրանքի անվանումը («Սիգարետներ», «Ծխագլանակներ», «Սիգարներ», «Սիգարիլլաներ», «Ծխամորճի ծխախոտ» կամ «Ծխելու ծխախոտ»).
2) մակնիշը կամ ապրանքային նշանը.
3) արտադրողի և լիցենզավորողի (առկայության դեպքում) անվանումները և գտնվելու վայրը կամ այն կազմակերպության անվանումը և գտնվելու վայրը, որն արտադրող կազմակերպությունում հսկում է իրեն պատկանող մակնիշներով ծխախոտային արտադրանքի արտադրության գործընթացը, օգտագործվող հումքը և որակը` այդ դեպքում մակնշվածքում նշելով նաև արտադրող երկիրը.
4) Արցախի Հանրապետությունում սպառողների բողոքներն ընդունող կազմակերպության անվանումը և գտնվելու վայրը (եթե արտադրողը գտնվում է այլ երկրում).
5) ֆիլտրի առկայությունը.
6) քանակը` հատերով, կամ զանգվածը՝ գրամներով (ծխամորճի և ծխելու ծխախոտի համար).
7) մենթոլի առկայությունը.
8) ծխելու վնասակարության վերաբերյալ հիմնական և լրացուցիչ նախազգուշացումները՝ տեխնիկական կանոնակարգի 16-րդ կետին համապատասխան.
9) նիկոտինի, խեժի պարունակությունը մեկ սիգարետի ծխում (միայն սիգարետների համար)՝ տեխնիկական կանոնակարգի 11-րդ կետին համապատասխան։
15. Ծխախոտային արտադրատեսակի տուփի վրա պետք է մակնշված լինի դրա առավելագույն մանրածախ գինը Արցախի Հանրապետության կառավարության 2021 թվականի մարտի 8-ի N 198-Ն որոշմամբ սահմանված կարգին համապատասխան:
16. Մարդու առողջության վրա ծխախոտի ունեցած բացասական ազդեցության մասին նախազգուշացման տեքստերը լինում են`
1) հիմնական նախազգուշացման տեքստերով՝
ա. «Ծխելը վնասակար է առողջությանը»,
բ. «Ծխելը կարող է լինել մահացու»,
գ. «Ծխելը լրջորեն վնասում է Ձեզ և Ձեզ շրջապատող անձանց»,
2) լրացուցիչ նախազգուշացման տեքստերով`
ա. «Ծխելն առաջացնում է թոքի քաղցկեղ»,
բ. «Պահպանեք երեխաներին` թույլ մի տվեք նրանց շնչել ծխախոտի ծուխը»,
գ. «Ծխելը հղիության ընթացքում վնասում է Ձեր ապագա երեխային»,
դ. «Ծխելն առաջացնում է սիրտ-անոթային հիվանդություններ»,
ե. «Ծխելը հանգեցնում է անոթների խցանման և հանդիսանում է սրտի և ուղեղի կաթվածի պատճառ»,
զ. «Ծխելը թողնելով կարող եք նվազեցնել սրտի և թոքերի մահաբեր հիվանդությունների հավանականությունը»,
է. «Ծխելը վնասում է սերմնահեղուկը և նվազեցնում վերարտադրողականությունը»,
ը. «Ծխելն առաջացնում է թոքի մահացու քաղցկեղ»:
17. Ծխելու վնասակարության վերաբերյալ հիմնական նախազգուշացման տեքստը պետք է զետեղվի ցանկացած տուփի 2 առավել մեծ մակերեսով կողմերից մեկի վրա, իսկ լրացուցիչ նախազգուշացման տեքստը` մյուսի վրա: Նախազգուշացման տեքստերը պետք է ներառվեն սև գույնի շրջանակի մեջ և զբաղեցնեն ծխախոտային արտադրանքի մեծածախ ու մանրածախ առևտրում օգտագործվող սպառողական փաթեթի (ծխախոտի տուփի և բլոկի) 2 առավել մեծ կողմերից յուրաքանչյուրի մակերևույթի 30 տոկոսից ոչ պակաս մակերեսը՝ ներառյալ շրջանակը (օրինակները ներկայացված են տեխնիկական կանոնակարգի N 1 և N 2 ձևերով) և համապատասխանեն հետևյալ պահանջներին`
1) նախազգուշացման տեքստերը պետք է տպված լինեն այնպես, որպեսզի բացառվի դրանք հեռացնելու հնարավորությունը և տպված լինեն`
ա. հստակ ու ընթեռնելի,
բ. մուգ թանաքով` հակադիր ֆոնի վրա,
գ. Արիալ Արմենիան (Arial Armenian) թավ տառատեսակով, հիմնական նախազգուշացման տեքստերը` մեծատառերով, լրացուցիչ նախազգուշացման տեքստերը` փոքրատառերով՝ բացառությամբ առաջին տառի, որը գրվում է մեծատառով.
2) հիմնական և լրացուցիչ նախազգուշացման տեքստերը շրջագծող շրջանակի հաստությունը պետք է լինի 3-4մմ.
3) տառատեսակի չափը պետք է ընտրված լինի այնպես, որպեսզի նախազգուշացման տեքստերն զբաղեցնեն դրանց համար նախատեսված մակերեսի հնարավոր առավելագույն մասը.
4) նախազգուշացման տեքստերը պետք է գտնվեն դրանց համար նախատեսված մակերևույթի կենտրոնում, տուփի վերին եզրին զուգահեռ և բացելիս հնարավոր լինի խուսափել այն վնասելուց.
5) նախազգուշացման տեքստերը չպետք է`
ա. տպագրվեն կամ ամրացվեն թափանցիկ կամ արտաքին փաթեթավորման տարր համարվող թղթի վրա,
բ. թաքնված կամ ծածկված լինեն այլ տպագրված տեղեկատվությամբ կամ պատկերով,
գ. տպագրված լինեն սպառողական փաթեթի (ծխախոտի տուփի և բլոկի) ակցիզային դրոշմանիշերի վրա.
6) ծխամորճի և ծխելու ծխախոտների թափանցիկ փաթեթվածքների դեպքում` տեխնիկական կանոնակարգի 16-րդ կետով նախատեսված` ծխելու վնասակարության վերաբերյալ նախազգուշացման տեքստերը պետք է զետեղվեն ներդիր թերթիկի վրա և զբաղեցնեն դրա մակերևույթի 30 տոկոսից ոչ պակաս մակերեսը.
7) տեխնիկական կանոնակարգի 16-րդ կետի 2-րդ ենթակետով նախատեսված 8 տարբերակներով լրացուցիչ նախազգուշացման տեքստերը պետք է նշված լինեն ծխախոտային արտադրանքի սպառողական փաթեթի (ծխախոտի տուփի և բլոկի) վրա՝ ապահովելով ծխախոտային արտադրանքի սպառողական փաթեթի (ծխախոտի տուփի և բլոկի) վրա դրանց փոփոխելու հնարավորությունը:
18. Արցախի Հանրապետությունում սպառողների բողոքներն ընդունող կազմակերպության մասին տեղեկատվությունը թույլատրվում է զետեղել տուփի ներսում` կարդալու համար հարմար տեղում (եթե արտադրողը գտնվում է այլ երկրում):
19. Նիկոտինի, խեժի պարունակության վերաբերյալ տեքստերը պետք է ներառվեն սև գույնի շրջանակի մեջ և զբաղեցնեն մեծածախ ու մանրածախ առևտրում օգտագործվող սպառողական փաթեթի (ծխախոտի տուփի և բլոկի) կողմնային մակերևույթի 10 տոկոսից ոչ պակաս մակերեսը` ներառյալ շրջանակը, և համապատասխանեն տեխնիկական կանոնակարգում ներկայացված օրինակներին (N 1 և N 2 ձևեր) ու հետևյալ պահանջներին`
1) նիկոտինի, խեժի պարունակության վերաբերյալ տեքստերը պետք է տպված լինեն այնպես, որպեսզի բացառվի դրանք հեռացնելու հնարավորությունը և լինի տպված`
ա. հստակ ու ընթեռնելի,
բ. մուգ թանաքով` հակադիր ֆոնի վրա,
գ. Արիալ Արմենիան (Arial Armenian) թավ տառատեսակով, «ԽԵԺ`», «ՆԻԿՈՏԻՆ`» բառերը` մեծատառերով, նիկոտինի, խեժի չափման միավորները` փոքրատառերով.
2) նիկոտինի, խեժի պարունակության վերաբերյալ տեքստերը շրջագծող շրջանակի հաստությունը պետք է լինի 3-4մմ.
3) տառատեսակի չափը պետք է ընտրված լինի այնպես, որպեսզի նիկոտինի, խեժի պարունակության վերաբերյալ տեքստը զբաղեցնի դրա համար նախատեսված մակերեսի հնարավոր առավելագույն մասը.
4) նիկոտինի, խեժի պարունակության վերաբերյալ տեքստը պետք է տպված լինի դրանց համար նախատեսված մակերեսի կենտրոնում, տուփի կողմնային եզրին զուգահեռ և բացելիս հնարավոր լինի խուսափել այն վնասելուց.
5) նիկոտինի, խեժի պարունակության վերաբերյալ տեքստը չպետք է`
ա. տպագրվի կամ ամրացվի թափանցիկ կամ արտաքին փաթեթավորման տարր համարվող թղթի վրա,
բ. թաքնված կամ ծածկված լինի այլ տեղեկատվությամբ կամ պատկերով,
գ. տպագրված լինի սպառողական փաթեթի (ծխախոտի տուփի) ակցիզային դրոշմանիշերի վրա:
20. Թույլատրվում է ծխախոտահումքի տրանսպորտային փաթեթվածքի, ինչպես նաև ծխախոտային արտադրանքի տուփերի, բլոկերի, ծխամորճի և ծխելու ծխախոտների, ներդիր-թերթիկների վրա արտադրանքը բնութագրող այլ տեղեկությունների լրացուցիչ զետեղումը, որոնք չեն հակասում տեխնիկական կանոնակարգի 14-րդ կետում նշված տվյալներին, սակայն չի թույլատրվում «Նիկոտինի (խեժի) ցածր պարունակություն», «Թեթև», «Շատ թեթև» («Գերթեթև»), «Փափուկ», «Յուրահատուկ ֆիլտր» կամ ցանկացած այլ` մոլորության մեջ գցող տերմինների օգտագործումը, որոնք ուղղակի կամ անուղղակի կերպով նպաստում են տվյալ ծխախոտային արտադրատեսակի պակաս վտանգավոր լինելու մասին կարծիքի ձևավորմանը:
21. Արտադրողը կամ նրա լիազոր ներկայացուցիչը պետք է ապահովի Արցախի Հանրապետությունում իրացվող` Արցախի Հանրապետությունում արտադրվող կամ ներմուծվող ծխախոտային արտադրանքի մասին տեխնիկական կանոնակարգի 14-րդ և 20-րդ կետերում նշված տեղեկատվության տրամադրումը` հայերենով: Արտադրողի ու լիցենզավորողի անվանումները և ծխախոտային արտադրանքի մակնիշները կամ ապրանքային նշանները կարող են ներկայացվել լատիներեն տառերով:
22. Ծխախոտահումքը պետք է պահվի չոր, մաքուր, լավ օդափոխվող, ամբարային վնասատուներով չվարակված պահեստներում, որոնց հատակը պետք է լինի փայտե` առանց ճեղքերի։ Եթե հատակը փայտե չէ, ապա կապոցներն ու հակերը պետք է դասավորվեն փայտե տախտակամածի վրա։
23. Ծխախոտային արտադրանքը պետք է պահվի հողի մակերևույթից բարձր հատակ ունեցող չոր, մաքուր, (60±10)% օդի հարաբերական խոնավություն ունեցող շենքերում և դասավորված լինի շենքի հատակից առնվազն 10սմ բարձր։
6. ԱՆՎՏԱՆԳՈՒԹՅԱՆ ՊԱՀԱՆՋՆԵՐԻ ՀԱՄԱՊԱՏԱՍԽԱՆՈՒԹՅԱՆ ԱՊԱՀՈՎՈՒՄԸ
24. Տեխնիկական կանոնակարգին ծխախոտային արտադրատեսակների համապատասխանությունն ապահովվում է դրա անվտանգության պահանջների, տեխնիկական կանոնակարգի N 3 աղյուսակով ներկայացված ստանդարտների անվանացանկում ներառված ստանդարտների կիրառմամբ և անմիջական կատարմամբ:
25. Ծխախոտահումքի և ծխախոտային արտադրատեսակների փորձարկման մեթոդները և չափումները սահմանվում են տեխնիկական կանոնակարգի N 3 աղյուսակում ներառված ստանդարտներով՝
|
1. |
ՀՍՏ 294-2008
(ԻՍՕ 10315:2000 MOD) |
Սիգարետներ. Ծխի խտուցքում նիկոտինի պարունակության
որոշում. Գազաքրոմատագրման մեթոդ |
|
2. |
ՀՍՏ 325-2010
(ԻՍՕ 8454:2007 MOD) |
Սիգարետներ. Սիգարետի ծխի գազային ֆազում ածխածնի
մոնօքսիդի պարունակության որոշում (NDIR մեթոդ) |
|
3. |
ՀՍՏ ԻՍՕ 4387-2008 |
Ընդհանուր և նիկոտին չպարունակող չոր նյութի որոշում
սովորական ծխեցնող մեքենայով |
|
4. |
ԳՕՍՏ ԻՍՕ 3308-2015 |
Լաբորատոր սովորական մեքենա սիգարետների ծխեցման համար
(ծխեցնող մեքենա). Սահմանումներ և ստանդարտ պայմաններ |
|
5. |
ԳՕՍՏ ԻՍՕ 3402-2003 |
Ծխախոտ և ծխախոտային արտադրատեսակներ.
Լավորակման և փորձարկման մթնոլորտներ |
|
6. |
ԳՕՍՏ 30622.1-2003 |
Սիգարետներ. Ջրի պարունակության որոշումը ծխի խտուցքում.
Գազային քրոմատագրության մեթոդ |
|
7. |
ՀՍՏ ԻՍՕ 12863-2014 |
Սիգարետների բոցավառման հակվածության գնահատման
ստանդարտ փորձարկման մեթոդ |
|
8. |
ՀՍՏ ԻՍՕ 16055-2020
(ԻՍՕ 16055:2012 IDT) |
Ծխախոտ և ծխախոտային արտադրատեսակներ. Հսկիչ նմուշ.
Պահանջներ և կիրառում |
|
9. |
ԳՕՍՏ 31632-2012 |
Սիգարետներ. Նմուշառում |
|
10. |
ՉԻՄ 01-2009 |
Բարակ կտրված ծխախոտի և ծխամորճի ծխախոտի լայնության
չափման իրականացման մեթոդիկա |
|
11. |
ՉԻՄ 02-2009 |
Սիգարների և սիգարիլաների հաստության չափման
իրականացման մեթոդիկա | |
: |
7. ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԸՆԹԱՑԱԿԱՐԳԵՐԸ
26. Տեխնիկական կանոնակարգին ծխախոտային արտադրանքի համապատասխանության գնահատումն իրականացվում է Արցախի Հանրապետության կառավարության 2019 թվականի մարտի 25-ի «Համապատասխանության գնահատման ընթացակարգերը սահմանելու մասին» N 186-Ն որոշմամբ սահմանված հայտարարագրման Ա1, Ա2, Գ1, Գ2, Դ, Դ1 ընթացակարգերից որևէ մեկի միջոցով:
27. Ծխախոտային արտադրանքի սպառողական և փոխադրական տարաների վրա կամ ապրանքաուղեկից փաստաթղթերում համապատասխանության ազգային նշանը դրվում է Արցախի Հանրապետության կառավարության 2019 թվականի ապրիլի 5-ի «Տեխնիկական կանոնակարգերի պահանջներին համապատասխանությունը հավաստող համապատասխանության ազգային նշանի նմուշը (նկարագիրը), կիրառման կարգը սահմանելու և Լեռնային Ղարաբաղի Հանրապետության կառավարության 2005 թվականի դեկտեմբերի 20-ի N 522 որոշումն ուժը կորցրած ճանաչելու մասին» N 232-Ն որոշմամբ սահմանված կարգով` արտադրողի կամ Արցախի Հանրապետությունում նրա լիազոր ներկայացուցչի կողմից:
28. Տեխնիկական կանոնակարգի պահանջներին համապատասխան ծխախոտային արտադրանքի հայտարարագրման համար ապացուցողական նյութեր են՝
1) սպառողական տարայի նմուշը կամ ներդիր թերթիկը.
2) համապատասխանության գնահատման մարմնի կողմից կատարված սիգարետների փորձարկումների արձանագրությունները, որոնցով հավաստվում է մեկ սիգարետի ծխում նիկոտինի ու խեժի պարունակությունը և մեկ ֆիլտրով սիգարետի ծխում ածխածնի օքսիդի պարունակության համապատասխանությունը տեխնիկական կանոնակարգի 11-րդ կետով սահմանված պահանջներին:
29. Արտադրողի կամ Արցախի Հանրապետությունում նրա լիազոր ներկայացուցչի ընտրությամբ կարող են ընդգրկվել այլ փաստաթղթեր, որոնք վերջինիս համար հիմք են ծառայում տեխնիկական կանոնակարգի պահանջներին ծխախոտային արտադրանքի համապատասխանությունը հայտարարագրելու համար, այդ թվում՝ որակի կառավարման համակարգի սերտիֆիկատը:
30. Արտադրողը կամ Արցախի Հանրապետությունում նրա լիազոր ներկայացուցիչը կարող է համապատասխանության հայտարարագիր ընդունել թողարկվող յուրաքանչյուր անվանման ծխախոտային արտադրատեսակի կամ մեկ տեսակի ծխախոտային արտադրատեսակի ամբողջ տեսականու համար:
31. Համապատասխանության հայտարարագիրը պետք է ներառի հետևյալ տեղեկատվությունը՝
1) արտադրողի կամ Արցախի Հանրապետությունում նրա լիազոր ներկայացուցչի անվանումը և գտնվելու վայրը (կամ բնակության վայրը) և ստորագրությունը.
2) սպառողական տարայի և (կամ) ներդիր-թերթիկի վրա նշված հետևյալ տեղեկատվությունները՝
ա. ծխախոտային արտադրատեսակը,
բ. ծխախոտահումքի կամ ծխախոտային արտադրատեսակի անվանումը կամ ծխախոտային արտադրանքի անվանումները,
գ. սիգարետների համար ֆիլտրի առկայությունը կամ բացակայությունը, ինչպես նաև նիկոտինի ու խեժի պարունակությունը մեկ սիգարետի ծխում պարունակությունը մեկ ֆիլտրով սիգարետի ծխում.
3) տեխնիկական կանոնակարգերի պահանջներին համապատասխանության վերաբերյալ հայտարարություն, որին պետք է համապատասխանի արտադրանքը՝ ներառյալ հղումներ փոխկապակցված ազգային ստանդարտներին և իրականացված համապատասխանության գնահատման ընթացակարգերին.
4) հղում սահմանված պահանջներին համապատասխանության ապացույց հանդիսացող մասնագրերին (դրանց կիրառման դեպքում).
5) հայտարարագրի ձևակերպման ամսաթիվը.
6) համապատասխանության գնահատման ընթացակարգ իրականացրած համապատասխանության գնահատման մարմնի անվանումը, հասցեն և (անհրաժեշտության դեպքում) նույնականացման կոդը.
7) համապատասխանության հայտարարագրի գործողության ժամկետը։
32. Համապատասխանության հայտարարագրի գործողության ժամկետը՝ ստորագրվելու օրվանից չպետք է գերազանցի երեք տարին:
8. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
33. Տեխնիկական կանոնակարգի պահանջներին ծխախոտային արտադրանքի համապատասխանության նկատմամբ պետական վերահսկողությունը պետք է իրականացվի «Տեխնիկական կանոնակարգի մասին» օրենքով սահմանված կարգով:
ԾԽԱԽՈՏԻ ՏՈՒՓԻ ՎՐԱ ԾԽԵԼՈՒ` ՄԱՐԴՈՒ ԱՌՈՂՋՈՒԹՅԱՆ ՎՐԱ ՈՒՆԵՑԱԾ
ԲԱՑԱՍԱԿԱՆ ԱԶԴԵՑՈՒԹՅԱՆ ՎԵՐԱԲԵՐՅԱԼ ՀԻՄՆԱԿԱՆ ԵՎ ԼՐԱՑՈՒՑԻՉ
ՆԱԽԱԶԳՈՒՇԱՑՄԱՆ, ԻՆՉՊԵՍ ՆԱԵՎ ՆԻԿՈՏԻՆԻ, ԽԵԺԻ ՊԱՐՈՒՆԱԿՈՒԹՅԱՆ
ՎԵՐԱԲԵՐՅԱԼ ՏԵՔՍՏԵՐԻ ՋԵՏԵՂՄԱՆ ՕՐԻՆԱԿՆԵՐԸ
ԲԼՈԿԻ ՎՐԱ ԾԽԵԼՈՒ` ՄԱՐԴՈՒ ԱՌՈՂՋՈՒԹՅԱՆ ՎՐԱ ՈՒՆԵՑԱԾ
ԲԱՑԱՍԱԿԱՆ ԱԶԴԵՑՈՒԹՅԱՆ ՎԵՐԱԲԵՐՅԱԼ ՀԻՄՆԱԿԱՆ ԵՎ ԼՐԱՑՈՒՑԻՉ
ՆԱԽԱԶԳՈՒՇԱՑՄԱՆ, ԻՆՉՊԵՍ ՆԱԵՎ ՆԻԿՈՏԻՆԻ, ԽԵԺԻ ՊԱՐՈՒՆԱԿՈՒԹՅԱՆ
ՎԵՐԱԲԵՐՅԱԼ ՏԵՔՍՏԵՐԻ ՋԵՏԵՂՄԱՆ ՕՐԻՆԱԿՆԵՐԸ
|
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ |
|
|
ԱՇԽԱՏԱԿԱԶՄԻ ԿԱՌԱՎԱՐՈՒԹՅԱՆ |
|
|
ԳՈՐԾԵՐԻ ԿԱՌԱՎԱՐՉՈՒԹՅԱՆ ՊԵՏ |
Ա. ԼԱԶԱՐՅԱՆ |