ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք. Ստեփանակերտ

(վերնագիրը փոփ. 15.02.22 N 124-Ն)

Հիմք ընդունելով «Պետական պաշտոններ զբաղեցնող անձանց վարձատրության մասին» օրենքի 15-րդ հոդվածի 1-ին մասը և «Դիվանագիտական ծառայության մասին» օրենքի 45-րդ հոդվածի 1-ին և 2-րդ մասերը` Արցախի Հանրապետության կառավարությունը որոշում է.

(նախաբանը խմբ. 15.02.22 N 124-Ն)

1. Հաստատել`

1) օտարերկրյա պետություններում գործող Արցախի Հանրապետության դիվանագիտական ծառայության մարմիններում ծառայող դիվանագետների պաշտոնային դրույքաչափերը` համաձայն N 1 հավելվածի.

2) օտարերկրյա պետություններում գործող Արցախի Հանրապետության դիվանագիտական ծառայության մարմիններում ծառայող դիվանագետների ծառայության հետ կապված ծախսերի ամսական փոխհատուցման չափը` համաձայն N 2 հավելվածի.

3) Հայաստանի Հանրապետությունում Արցախի Հանրապետության մշտական ներկայացուցչության աշխատակիցների պաշտոնային դրույքաչափերի հաշվարկման գործակիցները` համաձայն N 3 հավելվածի:

(1-ին կետը փոփ. 15.02.22 N 124-Ն)

2. Հայաստանի Հանրապետությունում Արցախի Հանրապետության մշտական ներկայացուցչությունում ծառայող դիվանագետների պաշտոնային դրույքաչափերը սահմանվում են՝ համաձայն «Պետական պաշտոններ զբաղեցնող անձանց վարձատրության մասին» օրենքի:

(2-րդ կետը փոփ. 15.02.22 N 124-Ն)

3. Ուժը կորցրած ճանաչել Լեռնային Ղարաբաղի Հանրապետության կառավարության 2009 թվականի մարտի 24-ի «Օտարերկրյա պետություններում գործող Լեռնային Ղարաբաղի Հանրապետության դիվանագիտական ծառայության մարմիններում ծառայող դիվանագետների պաշտոնային դրույքաչափերը, ինչպես նաև ծառայության հետ կապված ծախսերի ամսական փոխհատուցման առավելագույն չափը հաստատելու մասին» N 178-Ն որոշումը:

4. Սույն որոշումն ուժի մեջ է մտնում 2015 թվականի հունվարի 1-ից: