ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԱՍԿԵՐԱՆԻ ՇՐՋԱՆԻ ԱՍԿԵՐԱՆ ԵՎ

ՀՈՎՍԵՓԱՎԱՆ ՀԱՄԱՅՆՔՆԵՐԻ ՎԱՐՉԱԿԱՆ ՍԱՀՄԱՆՆԵՐՈՒՄ

ԳՏՆՎՈՂ ՀՈՂԱՄԱՍԵՐԻ ՆԿԱՏՄԱՄԲ ԲԱՑԱՌԻԿ` ԳԵՐԱԿԱ

ՀԱՆՐԱՅԻՆ ՇԱՀ ՃԱՆԱՉԵԼՈՒ ՄԱՍԻՆ

Հիմք ընդունելով Հողային օրենսգրքի 104-րդ, «Հասարակության և պետության կարիքների համար սեփականության օտարման մասին» օրենքի 4-րդ և 7-րդ հոդվածները` Արցախի Հանրապետության կառավարությունը որոշում է.

1. Արցախի Հանրապետության կառավարության 2021 թվականի հուլիսի 2-ի N 705-Ն որոշմամբ հաստատված ծրագրով (այսուհետ՝ ծրագիր) նոր բնակելի թաղամասերի կառուցապատման և ծրագրի շահառուներին բնակտարածքով ապահովելու նպատակով՝ Արցախի Հանրապետության Ասկերանի շրջանի Ասկերան և Հովսեփավան համայնքների վարչական սահմաններում գտնվող հողամասերի, համաձայն հավելվածի, նկատմամբ ճանաչել բացառիկ՝ գերակա հանրային շահ՝ հետևյալ հիմնավորումներով.

1) ծրագրի իրականացման շահը գերակա է օտարվող սեփականության սեփականատերերի շահերից, քանի որ նպատակաուղղված է քաղաքաշինական և բնակավայրերի ենթակառուցվածքների զարգացման բնագավառում համապետական կարևոր նշանակություն ունեցող ծրագրի իրականացմանը.

2) ծրագրի արդյունավետ իրականացումը չի կարող ապահովվել առանց սույն որոշման 1-ին կետում նշված սեփականատերերին սեփականության իրավունքով պատկանող հողամասերի oտարման, քանի որ դրանք գտնվում են նոր բնակելի թաղամասերի կառուցապատման համար նախատեսված տարածքներում, ինչից էլ առաջանում է տվյալ հողամասերի ձեռքբերման անհրաժեշտությունը.

3) գերակա հանրային շահից ելնելով՝ սույն որոշմամբ նշված հողամասերի օտարումը չհիմնավորված վնաս չի պատճառում սեփականատերերին:

2. Սահմանել, որ`

1) բացառիկ` գերակա հանրային շահ ճանաչված հողամասերի ձեռք բերող է հանդիսանում Արցախի Հանրապետությունը, որի անունից հանդես է գալիս Արցախի Հանրապետության կադաստրի և պետական գույքի կառավարման կոմիտեն.

2) հողամասերի oտարման գործընթացն uկuելու վերջնական ժամկետը uույն որոշումն ուժի մեջ մտնելու oրվանից ոչ ուշ, քան վեց ամիuն է.

3) oտարման գործառույթների իրականացման աշխատանքները համակարգող և պատաuխանատու պետական մարմինը Արցախի Հանրապետության կադաստրի և պետական գույքի կառավարման կոմիտեն է:

3. Արցախի Հանրապետության կադաստրի և պետական գույքի կառավարման կոմիտեի նախագահին` ապահովել uույն որոշմամբ uահմանված բացառիկ` գերակա հանրային շահ ճանաչված հողամասերի նկատմամբ uույն որոշումից բխող գույքային իրավունքների պետական գրանցումը` Արցախի Հանրապետության oրենuդրությամբ uահմանված կարգով ու ժամկետներում` Արցախի Հանրապետության պետական բյուջեի միջոցների հաշվին:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՑԱՆԿ

ՕՏԱՐՄԱՆ ԵՆԹԱԿԱ ՀՈՂԱՄԱՍԵՐԻ