ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
21 դեկտեմբերի 2022թ. |
N 1310-Ն |
ք. Ստեփանակերտ
ՍՆՆԴԱՄԹԵՐՔԻ, ԴԵՂՈՐԱՅՔԻ ԵՎ ԱՌԱՋԻՆ ԱՆՀՐԱԺԵՇՏՈՒԹՅԱՆ
ԱՅԼ ԱՊՐԱՆՔՆԵՐԻ ՇՐՋԱՆԱՌՈՒԹՅԱՆ ՀԱՏՈՒԿ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «Ռազմական դրության իրավական ռեժիմի մասին» օրենքի 11-րդ հոդվածի 1-ին մասի 3-րդ կետը, ղեկավարվելով Արցախի Հանրապետության Նախագահի 2022 թվականի դեկտեմբերի 13-ի ՆՀ-1792-Ն հրամանագրի (այսուհետ՝ Հրամանագիր) 9-րդ կետով և Արցախի Հանրապետության Նախագահի 2017 թվականի սեպտեմբերի 25-ի ՆՀ-108-Ն հրամանագրով սահմանված կարգի 6-րդ և 92-րդ կետերով` Արցախի Հանրապետության կառավարությունը որոշում է.
1. Սահմանել սննդամթերքի, դեղորայքի և առաջին անհրաժեշտության այլ ապրանքների շրջանառության հատուկ կարգ (այսուհետ՝ Կարգ)՝ համաձայն հավելվածի:
2. Սահմանել, որ Կարգի կիրառման նկատմամբ վերահսկողությունն իրականացնում է Հրամանագրով ստեղծված Օպերատիվ շտաբը:
3. Սույն որոշումն ուժի մեջ է մտնում հրապարակվելուց հետո՝ անմիջապես:
|
«Հաստատում եմ» |
|
| |
|
|
ԱՐՑԱԽԻ ՀԱՆՐԱՊԵՏՈՒԹՅԱՆ
ՊԵՏԱԿԱՆ ՆԱԽԱՐԱՐ |
Ռ. ՎԱՐԴԱՆՅԱՆ |
| |
Հավելված
Արցախի Հանրապետության
կառավարության 2022 թվականի
դեկտեմբերի 21-ի N 1310-Ն որոշման |
Հ Ա Տ ՈՒ Կ Կ Ա Ր Գ
ՍՆՆԴԱՄԹԵՐՔԻ, ԴԵՂՈՐԱՅՔԻ ԵՎ ԱՌԱՋԻՆ ԱՆՀՐԱԺԵՇՏՈՒԹՅԱՆ
ԱՅԼ ԱՊՐԱՆՔՆԵՐԻ ՇՐՋԱՆԱՌՈՒԹՅԱՆ
1. Սույն կարգով սահմանվում են Արցախի Հանրապետության տարածքում սննդամթերքի, դեղորայքի և առաջին անհրաժեշտության այլ ապրանքների (այսուհետ՝ ապրանքներ) շրջանառության հետ կապված հարաբերությունները:
2. Արցախի Հանրապետության տարածքում գրանցված և (կամ) գործունեություն ծավալող իրավաբանական անձինք և անհատ ձեռնարկատերերը (այսուհետ՝ տնտեսավարող սուբյեկտներ) Հրամանագրով ստեղծված Օպերատիվ շտաբի (այսուհետ՝ Օպերատիվ շտաբ) հարցման դեպքում հարցման մեջ նշված կարգով և ժամկետներում Օպերատիվ շտաբ են ներկայացնում իրենց մոտ առկա ապրանքների պաշարների (մնացորդների) մասին տեղեկատվություն: Ապրանքների արտադրությամբ զբաղվող տնտեսավարող սուբյեկտները համապատասխան հարցման դեպքում ներկայացնում են տեղեկատվություն նաև ապրանքների պլանավորված արտադրության ծավալների վերաբերյալ: Հարցումն իրականացվում է Արցախի Հանրապետության պետական եկամուտների կոմիտեի առաջարկությամբ՝ ելնելով տնտեսավարող սուբյեկտների շրջանառության ծավալից:
3. Ապրանքների քանակից և բնակչության սպառման անհրաժեշտ չափաքանակներից կախված՝ Օպերատիվ շտաբի կողմից դրանց շրջանառությունը կարող է արգելվել կամ սահմանափակվել` սահմանելով մեկ անձին տվյալ ապրանքի բաց թողնման չափաքանակ կամ համապատասխան կտրոնով բաց թողնման եղանակ:
4. Օպերատիվ շտաբը աջակցում է ապրանքների արտադրությամբ և (կամ) վաճառքով զբաղվող տնտեսավարող սուբյեկտների բնականոն գործունեությանը, անհրաժեշտության դեպքում ցուցաբերում է համապատասխան օժանդակություն և վերահսկողություն՝ շուրջօրյա աշխատանքային ռեժիմով աշխատելու նպատակով:
5. Անհրաժեշտության դեպքում Արցախի Հանրապետության ոստիկանության և Արցախի Հանրապետության ազգային անվտանգության ծառայողների և այլ պետական մարմինների աշխատողների միջոցով սահմանվում է շուրջօրյա հերթապահություն՝ ապրանքների արտադրության, պահման և վաճառքի օբյեկտներում:
|
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ |
|
|
ԱՇԽԱՏԱԿԱԶՄԻ ԿԱՌԱՎԱՐՈՒԹՅԱՆ |
|
|
ԳՈՐԾԵՐԻ ԿԱՌԱՎԱՐՉՈՒԹՅԱՆ ՊԵՏ |
Ա. ԼԱԶԱՐՅԱՆ |
Պաշտոնական հրապարակման օրը՝ 21 դեկտեմբերի 2022 թվական