ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

«ՇՈՒՇԻ ՔԱՂԱՔԻ ԹԱՆԳԱՐԱՆՆԵՐ» ՊԵՏԱԿԱՆ ՈՉ ԱՌԵՎՏՐԱՅԻՆ

ԿԱԶՄԱԿԵՐՊՈՒԹՅՈՒՆԸ ՎԵՐԱՆՎԱՆԵԼՈՒ ԵՎ ԼԵՌՆԱՅԻՆ ՂԱՐԱԲԱՂԻ

ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2013 ԹՎԱԿԱՆԻ ՄԱՅԻՍԻ 30-Ի N 308-Ն

ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Պետական ոչ առևտրային կազմակերպությունների մասին» օրենքի 13-րդ հոդվածը և «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. «Շուշի քաղաքի թանգարաններ» պետական ոչ առևտրային կազմակերպությունը վերանվանել «Շուշիի կերպարվեստի պետական թանգարան» պետական ոչ առևտրային կազմակերպություն:

2. Լեռնային Ղարաբաղի Հանրապետության կառավարության 2013 թվականի մայիսի 30-ի ««Շուշի քաղաքի թանգարաններ» պետական ոչ առևտրային կազմակերպություն ստեղծելու մասին» N 308-Ն որոշման՝

1) վերնագրում «ՇՈՒՇԻ ՔԱՂԱՔԻ ԹԱՆԳԱՐԱՆՆԵՐ» բառերը փոխարինել «ՇՈՒՇԻԻ ԿԵՐՊԱՐՎԵՍՏԻ ՊԵՏԱԿԱՆ ԹԱՆԳԱՐԱՆ» բառերով.

2) նախաբանում «Լեռնային Ղարաբաղի Հանրապետության քաղաքացիական օրենսգրքի» բառերը փոխարինել «Քաղաքացիական օրենսգրքի» բառերով, իսկ ««Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի» բառերը՝ ««Պետական ոչ առևտրային կազմակերպությունների մասին» օրենքի» բառերով.

3) տեքստում (բացառությամբ 4-րդ կետի 2-րդ ենթակետում) «Շուշի քաղաքի թանգարաններ» բառերը փոխարինել «Շուշիի կերպարվեստի պետական թանգարան» բառերով.

4) 3-րդ կետում ««Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի» բառերը փոխարինել ««Պետական ոչ առևտրային կազմակերպությունների մասին» օրենքի» բառերով, իսկ «Լեռնային Ղարաբաղի Հանրապետության մշակույթի և երիտասարդության հարցերի նախարարությանը» բառերը՝ «Արցախի Հանրապետության կրթության, գիտության, մշակույթի և սպորտի նախարարությանը» բառերով:

3. Արցախի Հանրապետության կրթության, գիտության, մշակույթի և սպորտի նախարարին` սույն որոշումն ուժի մեջ մտնելուց հետո մեկամսյա ժամկետում ապահովել «Շուշի քաղաքի թանգարաններ» պետական ոչ առևտրային կազմակերպության կանոնադրության փոփոխության և պետական գրանցման աշխատանքների իրականացումը՝ ծախսերն իրականացնելով պետական բյուջեի միջոցների հաշվին:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Պաշտոնական հրապարակման օրը՝ 10 հուլիսի 2023 թվական: