ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2015 թվականի դեկտեմբերի 28-ի «Լեռնային Ղարաբաղի Հանրապետության բարձրագույն ուսումնական հաստատությունների բակալավրիատի առկա ուսուցման վճարովի համակարգում սովորող` պաշտպանության բանակում զինվորական ծառայության մեջ և պահեստազորում գտնվող սպաների զավակ ուսանողների ուսման վարձավճարի փոխհատուցման կարգը հաստատելու մասին» N 910-Ն որոշման հավելվածում 3-րդ կետից հետո լրացնել 3.1-ին և 3.2-րդ կետերը` հետևյալ բովանդակությամբ.

«3.1. Փոխհատուցում տրվում է նաև ներքոբերյալ դեպքերում.

1) ուսանողի սպա ծնողը պահեստազորի հաշվառումից հանվել է սահմանային տարիքը լրանալու կամ առողջական վիճակի պատճառով.

2) ուսանողի սպա ծնողը ծառայում է Լեռնային Ղարաբաղի Հանրապետության պաշտպանության նախարարությունում.

3) ուսանողի սպա ծնողը ծառայում է Հայաստանի Հանրապետության պաշտպանության նախարարությունում կամ զինված ուժերում, իսկ նրա ընտանիքը ապրում և գրանցված է Լեռնային Ղարաբաղի Հանրապետությունում.

4) ուսանողի սպա ծնողի մահացած լինելու դեպքում.

5) ուսանողի սպա ծնողը ստանում է զինվորական կենսաթոշակ:

Վերոնշյալ դեպքերում համապատասխան տեղեկանքները տրվում են Լեռնային Ղարաբաղի Հանրապետության պաշտպանության նախարարության կողմից:

3.2. Փոխհատուցում չի տրվում սպա ծնողի` պահեստազորում հաշվառված, բայց պաշտպանության բանակում որպես սպա չծառայած լինելու դեպքում:»:

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը, իսկ դրա գործողությունը տարածվում է 2016 թվականի հունվարի 1-ից հետո ծագած հարաբերությունների վրա: