ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2002 թվականի նոյեմբերի 26-ի «Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգը հաստատելու մասին» N 36 որոշմամբ հաստատված հավելվածում կատարել հետևյալ փոփոխությունները և լրացումը՝

1) 6-րդ կետում «վարչության» բառը փոխարինել «ծառայության» բառով.

2) 15-րդ կետը շարադրել հետևյալ խմբագրությամբ.

«15. Մրցույթին կարող են մասնակցել սահմանված ժամկետում պահանջվող փաստաթղթերը (Ձև N 1) ներկայացրած այն կազմակերպությունները, որոնք ունեն երթուղու սպասարկման համար սույն կարգով պահանջվող թվով սեփականության կամ օգտագործման, իսկ փաթեթային համակարգով երթուղիների սպասարկման իրավունքի հատկացման համար անցկացվող մրցույթին`առնվազն վաթսուն տոկոս սեփականության իրավունքով կազմակերպությանը պատկանող ավտոբուսներ:».

3) 16-րդ կետն ուժը կորցրած ճանաչել.

4) 17-րդ կետը շարադրել հետևյալ խմբագրությամբ.

«17. Մեկից ավելի երթուղիների (բացառությամբ Ստեփանակերտի ներքաղաքային երթուղիների) սպասարկման համար կազմակերպված մրցույթին նույն ավտոբուսը (ավտոբուսները) կարող է (են) ներկայացվել որպես պահուստային, եթե`

1) նշված երթուղիները միանման են` մերձքաղաքային (ներքաղաքային) կամ միջքաղաքային.

2) պահուստային ավտոբուսի դասը համապատասխանում կամ գերազանցում է տվյալ երթուղու չվացուցակով սահմանված դասին.

3) ապահովվում է սույն կարգի 19-րդ կետով նախատեսված պահուստային ավտոբուսի (ավտոբուսների) թիվը:».

5) 18-րդ կետից հետո լրացնել հետևյալ խմբագրությամբ նոր 18¹ -րդ կետով.

«18¹ . Մինչև 2018 թվականի հունվարի 1-ը միջշրջանային և ներշրջանային նշանակությամբ երթուղիների մրցույթներին թույլատրվում է ներկայացնել 25 և ավելի փոքր տարիք ունեցող հատուկ փոքր դասի ավտոբուսներ, եթե մրցույթին մասնակցելու նպատակով սույն կարգի 18-րդ կետում նշված պահանջները բավարարող որևէ հայտ չի ներկայացվել և արդյունքների ամփոփման ժամանակ ներկայացված ավտոբուսի (ավտոբուսների) միջին գնահատականը (Ձև N 6) գերազանցել է 40 միավորը: Սույն կարգի 18-րդ և 18¹ -րդ կետերում նշված պահանջները բավարարող հայտատուների առկայության դեպքում 15-ից ավելի տարիքի շարժակազմ ունեցող փաստաթղթեր ներկայացրած կազմակերպության հայտը մերժվում է սույն կարգի պահանջներին համապատասխան:».

6) 19-րդ կետը շարադրել հետևյալ խմբագրությամբ.

«19. Երթուղու (երթուղիների) սպասարկման համար պահանջվող հիմնական ավտոբուսների թիվը սահմանվում է չվացուցակով: Պահուստային ավտոբուսների թիվը հաշվարկվում է չվացուցակով նախատեսված 1-5 հիմնական ավտոբուսի դեպքում առնվազն մեկ ավտոբուսի (միևնույն կամ ավելի բարձր դասի) հաշվարկով, բացառությամբ 1-3 հիմնական ավտոբուսներից բաղկացած շարժակազմ ունեցող կազմակերպությունների, որոնք ցանկություն ունեն մասնակցելու գյուղական համայնքների վարչական տարածքներից իրականացվող միջշրջանային և ներշրջանային երթուղիների համար կազմակերպվող մրցույթներին:».

7) 60-րդ կետը շարադրել հետևյալ խմբագրությամբ.

«60. Մինչև նոր մրցույթի անցկացումն ու դրա արդյունքների ամփոփումն անհրաժեշտության դեպքում երթուղու սպասարկումը ժամանակավորապես, բայց ոչ ավելի վեց ամսից, կարող է իրականացվել պայմանագրային հիմունքներով: Նշված դեպքերում պայմանագիրը կնքվում է մրցութային հանձնաժողովի կազմը հաստատող համապատասխան մարմնի և անհրաժեշտ տրանսպորտային միջոցներ ունեցող կազմակերպության միջև` մրցութային հանձնաժողովի եզրակացության հիման վրա:».

8) 73-րդ կետի 1-ին ենթակետում «(միևնույն դասի ավտոբուսային)» բառերը փոխարինել «(միևնույն կամ ավելի բարձր դասի)» բառերով.

9) Ձև N 1-ը շարադրել նոր խմբագրությամբ` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

___________________________________________________հայտարարում է ընդհանուր օգտագործման

^{(մրցույթը հայտարարող մրցութային հանձնաժողովի անվանումը)}

ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթ` հետևյալ թափուր ավտոբուսային երթուղիների համար

Ց Ա Ն Կ

ՄՐՑՈՒՅԹԻ ՄԱՍՆԱԿՑՈՒԹՅԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ

1. Հայտ.

2. Կազմակերպության կամ անհատ ձեռնարկատիրոջ պետական գրանցման վկայական.

3. Տրանսպորտային միջոցի` հաշվառման վկայագիր, սեփականության իրավունքի վկայական կամ օգտագործման իրավունքը հավաստող փաստաթղթեր.

4. Վարորդների` վարորդական իրավունքի վկայականներ, աշխատանքային փորձը հավաստող փաստաթղթեր.

5. Փակ ծրարով ներկայացնում է երթուղու սպասարկման համար առաջարկվող մեկ ուղևորի և ուղեբեռի փոխադրման գինը` ըստ նախատեսված միջանկյալ կանգառների:

Նշված փաստաթղթերի պատճենները ներկայացվում են մեկ օրինակից, կազմակերպության կամ անհատ ձեռնարկատիրոջ կողմից սոսնձված և ստորագրված փաթեթով: Փաստաթղթերի պատճենները պետք է կնքված լինեն կազմակերպության կամ անհատ ձեռնարկատիրոջ կողմից, «Իսկականի հետ ճիշտ է» գրառմամբ և ստորագրությամբ, իսկ անհատ ձեռնարկատիրոջ կնիք չունենալու դեպքում նշված գրառմամբ և ստորագրությամբ:

Մրցույթի անցկացման օրը, ժամը և վայրը ____________________________

Հայտը ներկայացնելու վայրը, օրերը, ժամերը,

վերջին ժամկետը _________________________________________________:»: