ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

“26” նոյեմբերի 2002թ.

N 36

ք.Ստեփանակերտ

 

Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգը հաստատելու մասին

 

«Տրանսպորտի մասին» Լեռնային Ղարաբաղի Հանրապետության օրենքի 9-րդ հոդվածի 7-րդ կետին համապատասխան` Լեռնային Ղարաբաղի Հանրապետության կառավարությունը որոշում է.

Հաստատել Լեռնային Ղարաբաղի Հանրապետության ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգը (կցվում է):

 

 

ԼՂՀ վարչապետ

Ա. ԴԱՆԻԵԼՅԱՆ

 

 

Հաստատված է ԼՂՀ կառավարության 2002թ. նոյեմբերի 26-ի թիվ 36 որոշմամբ

 

Կ Ա Ր Գ

 

Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման

 

I. Ընդհանուր դրույթներ

 

1. Սույն կարգը սահմանում է Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգը:

2. Սույն կարգում օգտագործվող հիմնական հասկացություններն են`

ավտոբուս` ուղևորների և ուղեբեռի փոխադրման համար նախատեսված 9 և ավելի նստատեղ ունեցող (ներառյալ վարորդի նստատեղը) տրանսպորտային միջոց,

միկրոավտոբուս` փոքր դասի` 9-15 նստատեղ ունեցող ավտոբուս,

ավտոբուսային (միկրոավտոբուսային) երթուղի` ուղևորների փոխադրման սկզբնակետից մինչև վերջնակետ (ավտոկայան, երթակարգավարական կետ) ավտոբուսի շարժման սահմանված ընթացուղին,

կանոնավոր երթուղի` ավտոբուսների շարժման սահմանված ընթացուղով ու հաստատված չվացուցակով ուղևորների և ուղեբեռի փոխադրման համար առաջարկված փոխադրավարձով իրականացվող ավտոբուսային (միկրոավտոբուսային) երթուղի,

միջպետական երթուղի` պետությունների միջև և փոխհամաձայնությամբ սահմանված երթուղի, որի սկզբնակետը և վերջնակետը գտնվում են պայմանավորվող կողմերի տարածքներում,

միջշրջանային երթուղի`  երթուղի որի սկզբնակետը և վերջնակետը (անկախ հեռավորությունից) գտնվում են տարբեր շրջանների տարածքներում,

ներշրջանային երթուղի` միջհամայնքային նշանակության երթուղի, որն անցնում է շրջանի տարբեր համայնքների վարչական տարածքներով, և դրա սկզբնակետն ու վերջնակետը գտնվում են նույն շրջանի վարչական տարածքի սահմաններում,

ներքաղաքային երթուղի` Ստեփանակերտ քաղաքում և քաղաքային համայնքներում գործող երթուղի, որի սկզբնակետը և վերջնակետը գտնվում են Ստեփանակերտ քաղաքի կամ քաղաքային համայնքի վարչական տարածքի սահմաններում,

չվացուցակ` աղյուսակ (ժամանակացույց), որը պարունակում է ավտոբուսների շարժման ժամանակի, տեղի և երթուղու իրականացման հաջորդականության մասին տվյալներ:

3. Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացվում են միայն մրցութային կարգով ընտրված կազմակերպություններին կանոնավոր երթուղիների (այսուհետև` երթուղի) սպասարկումը հատկացնելու միջոցով:

4. Մրցույթները կազմակերպում և անցկացնում է մրցութային հանձնաժողովը:

5. Միջպետական և միջշրջանային երթուղիների ցանկը և մրցույթների անցկացման ժամանակացույցը հաստատում է Լեռնային Ղարաբաղի Հանրապետության տրանսպորտային համակարգի պետական լիազորված մարմինը:

6. Ստեփանակերտի ներքաղաքային երթուղիների ցանկը և մրցույթների անցկացման ժամանակացույցը հաստատում է Ստեփանակերտի քաղաքապետը` նախապես համաձայնեցնելով տրանսպորտային համակարգի պետական լիազորված մարմնի հետ: Քաղաքային համայնքների երթուղային ցանցը և մրցույթների անցկացման ժամանակացույցը հաստատում է համապատասխան քաղաքային համայնքի ղեկավարը:

7. Ներշրջանային երթուղիների ցանկը և մրցույթների անցկացման ժամանակացույցը հաստատում է համապատասխան տարածքային կառավարման մարմինը` նախապես համաձայնեցնելով տրանսպորտային համակարգի պետական լիազորված մարմնի հետ:

8. Ուղևորների կանոնավոր փոխադրումներն իրականացվում են միայն ավտոկայարաններից և երթակարգավարական կետերից:

 

II Մրցութային հանձնաժողովի կազմավորումը և գործունեությունը

 

9. Մրցութային հանձնաժողովը բաղկացած է 7 անդամներից:

10. Մրցութային հանձնաժողովի կազմը հաստատում է`

միջպետական և միջշրջանային երթուղիների հատկացման համար` տրանսպորտային համակարգի պետական լիազորված մարմինը,

Ստեփանակերտ քաղաքի և քաղաքային համայնքների ներքաղաքային երթուղիների հատկացման համար`

Ստեփանակերտի քաղաքապետը և համապատասխան քաղաքային համայնքի ղեկավարը,

ներշրջանային երթուղիների հատկացման համար` համապատասխան տարածքային կառավարման մարմինը:

11. Մրցութային հանձնաժողովների կազմերում պետք է ընդգրկվեն Լեռնային Ղարաբաղի Հանրապետության տրանսպորտային համակարգի պետական լիազորված մարմնի, Լեռնային Ղարաբաղի Հանրապետության ներքին գործերի նախարարության, իսկ Լեռնային Ղարաբաղի Հանրապետության տրանսպորտային համակարգի պետական լիազորված մարմնի հանձնաժողովում` նաև Ստեփանակերտի քաղաքապետարանի ու համապատասխան տարածքային կառավարման մարմնի ներկայացուցիչները:

12. Մրցութային հանձնաժողովներն իրենց գործունեության ընթացքում ղեկավարվում են Լեռնային Ղարաբաղի Հանրապետության օրենսդրությամբ և սույն կարգի պահանջներով:

13. Մրցութային հանձնաժողովի աշխատանքը ղեկավարում է հանձնաժողովի նախագահը, նրա բացակայության դեպքում` տեղակալը: Հանձնաժողովի նախագահը և նրա տեղակալը նշանակվում են մրցութային հանձնաժողովի կազմը հաստատող մարմնի ղեկավարի կողմից:

14. Մրցութային հանձնաժողովի նախագահը նշանակում է քարտուղար` հանձնաժողովի կողմից, որը հանձնաժողովի անդամի պարտականություններից բացի իրականացնում է մրցույթների անցկացման նախապատրաստական, ինչպես նաև հանձնաժողովի անդամների տեղեկացման, նիստերի արձանագրման և մրցույթին վերաբերող նյութերի պահպանման աշխատանքները:

15. Մրցութային հանձնաժողովը`

ա) նախապատրաստում և հաստատման է ներկայացնում մրցույթների անցկացման ժամանակացույցը.

բ) համաձայն հաստատված ժամանակացույցի` հրապարակայնորեն հայտարարում է մրցույթի անցկացման մասին` ներկայացնեով մրցույթին մասնակցելու մասին սույն կարգով նախատեսված տեղեկատվությունը.

գ) նախապատրաստում է մրցութային փաթեթը և սույն կարգին համապատասխան տրամադրում մրցույթին մասնակցելու ցանկություն հայտնած կազմակերպություններին:

Մրցութային փաթեթն ընդգրկում է հետևյալ փաստաթղթերը`

մրցույթին ներկայացված երթուղիների չվացուցակները,

մրցույթի մասնակցության հայտը,

սույն կարգը` իր հավելվածներով.

դ) կազմակերպում է մրցույթի հայտերի (ձևը կցվում է) ընդունումը, ուսումնասիրում ներկայացված փաստաթղթերի փաթեթը, որոշում դրա համապատասխանությունը սույն կարգի պահանջներին.

ե) մրցույթի անցկացման համար ապահովում է տրանսպորտային միջոցների տեխնիկական վիճակի ստուգման համար անհրաժեշտ հետևյալ պայմանները`

տրանսպորտային միջոցների հավաքատեղի (հրապարակ),

էստակադ կամ զննման փոս,

հրապարակ` արգելակների արդյունավետությունը որոշելու համար,

էկրան կամ սարքեր` լուսարձակների կարգավորումն ստուգելու համար,

արտանետվող գազերի թունայնության և ծխայնության ստուգման սարքեր.

զ) իրականացնում է մրցույթին մասնակցող կազմակերպությունների տրանսպորտային միջոցների և արտադրական բազայի գնահատումը` համաձայն հավելվածի.

է) ամփոփում է մրցույթի արդյունքները և դրանց հիման վրա որոշում մրցույթի հաղթողին (հաղթողներին):

16. Մրցութային հանձնաժողովների նախագահները մրցույթների ժամանակացույցներին համապատասխան պարբերաբար տրանսպորտային համակարգի պետական լիազորված մարմին են ներկայացնում գրավոր ամփոփ տեղեկատվություն մրցույթների արդյունքների մասին:

17. Մրցութային հանձնաժողովի նիստն իրավազոր է, եթե նիստին մասնակցում է հանձնաժողովի առնվազն 5 անդամ: Հանձնաժողովի որոշումներն ընդունվում են նիստին ներկա անդամների ընդհանուր թվի ձայների մեծամասնությամբ:

 

III. Տեղեկատվության հրապարակումը

 

18. Մրցութային հանձնաժողովը մրցույթի անցկացման մասին տեղեկատվությունը հրապարակում է մամուլում և զանգվածային լրատվության մյուս միջոցներով` մրցույթի անցկացման օրվանից առնվազն մեկ ամիս առաջ, նշելով`

մրցույթի անցկացման օրը, ժամը և տեղը,

մրցույթին ներկայացված երթուղիների ցանկը, սպասարկման համար պահանջվող տրանսպորտային միջոցների մակնիշները, սպասարկման ժամկետները, պայմաններն ու պահանջները,

մրցույթի մասնակցության պայմանները,

ներկայացվելիք փաստաթղթերի ցանկը,

հայտը ներկայացնելու վերջին ժամկետը,

հեռախոսահամարը` լրացուցիչ տեղեկություններ ստանալու համար:

 

IV. Մրցույթի մասնակցության պայմանները

 

19. Մրցույթին կարող են մասնակցել սահմանված ժամկետում հայտը և պահանջվող փաստաթղթերը (ցանկը կցվում է) ներկայացրած այն կազմակերպությունները, որոնք գրանցված են Լեռնային Ղարաբաղի Հանրապետությունում և ունեն`

ա) սեփականության և (կամ) Լեռնային Ղարաբաղի Հանրապետության օրենսդրությամբ սահմանված կարգով օգտագործման իրավունքով ձեռք բերված ուղևորատար տրանսպորտային միջոցներ.

բ) մրցույթին ներկայացված տվյալ երթուղու սպասարկման համար անհրաժեշտ թվով տրանսպորտային միջոցներ (սահմանվում է նախատեսված թիվն առնվազն 20 տոկոս համամասնությամբ գերազանցող պահուստային տրանսպորտային միջոցների հաշվարկով).

գ) տրանսպորտային միջոցների տեխնիկական սպասարկումների, ընթացիկ նորոգումների և դրանց պահպանման համար անհրաժեշտ արտադրական բազա կամ նման արտադրական բազա ունեցող մասնագիտացված կազմակերպության հետ կնքված պայմանագիր:

20. Կազմակերպության կողմից մրցույթի անցկացման օրը տրանսպորտային միջոցները չներկայացվելու դեպքում կազմակերպությունը պահպանում է մրցույթին մասնակցելու իրավունքը, եթե`

նախկին պայմանագրով կազմակերպությունն իրականացնում է երթուղու (երթուղիների) սպասարկում,

տրանսպորտային միջոցները չեն ներկայացվել անհաղթահարելի ուժի (ֆորս-մաժոր) պատճառով,

ժամանակավորապես սահմանափակվել կամ դադարեցվել է տրանսպորտային միջոցների երթևեկությունը մրցույթի վայր ժամանման հնարավոր ընթացուղով:

Կազմակերպությունը պարտավոր է մինչև մրցույթի անցկացման օրը նշված հանգամանքների մասին տեղեկացնել մրցութային հանձնաժողովին, որը տվյալ կազմակերպության տրանսպորտային միջոցների գնահատումը պետք է իրականացնի տեղաբաշխման վայրում:

21. Մրցույթի մասնակիցներին ներկայացվում են հետևյալ հիմնական պահանջները`

ա) տրանսպորտային միջոց վարողները պետք է ունենան տվյալ տրանսպորտային միջոցը վարելու համար անհրաժեշտ որակավորում և սահմանված նմուշի հաստատված փաստաթուղթ.

բ) տրանսպորտային միջոցները պետք է համապատասխանեն անվտանգության, աշխատանքի և շրջակա միջավայրի պահպանության պահանջներին:

22. Կազմակերպությունը մրցույթին մասնակցելու համար հանձնաժողովից ստանում է մրցութային փաթեթ:

23. Կազմակերպություններին թույլատրվում է այլ հայտով մրցույթին ներկայացված տրանսպորտային միջոցներով (կամ դրանց մի մասով) մասնակցել նույն մրցույթի այլ երթուղու հատկացման մրցույթին:

24. Կազմակերպությունների կողմից մրցույթին ներկայացված և երթուղու սպասարկման իրավունք շահած տրանսպորտային միջոցներն այլ երթուղիների հատկացման մրցույթին չեն կարող ներկայացվել (մասնակցել):

25. Մրցույթի մասնակցության հայտերի և փաստաթղթերի ընդունումը դադարեցվում է մրցույթի անցկացման օրվանից 3 օր առաջ:

26. Մրցույթի մասնակիցը հայտի հետ միասին փակ ծրարով ներկայացնում է երթուղու սպասարկման համար առաջարկվող մեկ ուղևորի փոխադրման գինը: Ծրարը բացվում է մրցույթի կայացման օրը:

27. Մրցույթին ներկայացված տրանսպորտային միջոցները տեղաբաշխման վայրում գնահատելու դեպքում մրցութային հանձնաժողովի գործունեության տեխնիկական կազմակերպումն իրականացնում է մրցույթին մասնակցող կազմակերպությունը:

 

V. Մրցույթի հաղթողին որոշելու հիմնական սկզբունքները

 

28. Մրցույթում առավելություն է տրվում այն մասնակցին, որի կողմից`

ա) առաջարկվում է առավել բարձր տեխնիկական հատկանիշներ ունեցող տրանսպորտային միջոցներ (որոշվում է հավաքած միավորներով) և սպասարկման նվազագույն փոխադրավարձ.

բ) մրցույթին ներկայացված տրանսպորտային միջոցները կազմակերպությանը պատկանում են սեփականության իրավունքով.

գ) ներկայացվում է ուղևորների ապահովագրության պայմանագիր.

դ) ներկայացված տրանսպորտային միջոցների տեղաբաշխման արտադրական բազան ստացել է գնահատման առավել բարձր միավոր:

 

VI. Մրցույթի արդյունքների ամփոփումը

 

29. Մրցութային հանձնաժողովի մրցույթի արդյունքներն ամփոփում է մրցույթի կայացումից 10 օրվա ընթացքում և ամփոփիչ նիստում որոշում մրցույթի հաղթողին (հաղթողներին) կամ սույն կարգին համապատասխան` մրցույթը համարում է չկայացած:

30. Մրցութային հանձնաժողովը մրցույթը հայտարարում է չկայացած, եթե`

ա) սահմանված ժամկետներում ներկայացված պայմանները բավարարող ոչ մի հայտ չի ստացել.

բ) մրցույթի անցկացման ժամանակ խախտվել են սույն կարգով սահմանված պահանջները.

գ) մրցույթի մասնակիցների կողմից ներկայացված տրանսպորտային միջոցները գնահատման արդյունքներով (առանց լրացուցիչ միավորների) ստացել են հնարավորի 60 տոկոսից ցածր գումարային միավոր:

31. Մրցութային հանձնաժողովը մրցույթի արդյունքները ամփոփում է նիստի արձանագրությամբ: Այն կազմում է 2 օրինակից` ստորագրված մրցութային հանձնաժողովի անդամների կողմից: Արձանագրության մեկ օրինակը մնում է մրցութային հանձնաժողովի մոտ, մյուսն ուղարկվում է ավտոկայարանային (երթակարգավարական) սպասարկում իրականացնող կազմակերպություն:

32. Մրցութային հանձնաժողովի արձանագրությունն ուժի մեջ է մտնում յուրաքանչյուր մրցույթի մասին համապատասխան կառավարման մարմնի որոշմամբ:

33. Մրցութային հանձնաժողովը մրցույթի արդյունքների մասին տեղեկացնում է մրցույթի մասնակիցներին:

34. Մրցույթին վերաբերող բոլոր նյութերն ամրակարվում են, ստորագրվում մրցութային հանձնաժողովի անդամներից կողմից, կնքվում և պահպանվում երթուղու սպասարկման ամբողջ ընթացքում:

35. Երթուղիների սպասարկման ժամկետները սահմանվում են համապատասխան կառավարման մարմնի կողմից` առնվազն 3 տարի ժամկետով:

36. Կազմակերպությունները երթուղիների սպասարկման ամբողջ ժամանակահատվածում ղեկավարվում են ԼՂՀ օրենսդրության, սույն կարգի և ուղևորափոխադրումներին վերաբերող գերատեսչական նորմատիվ ակտերի պահանջներով:

 

VII. Որոշման բողոքարկման կարգը

 

37. Երթուղու հատկացման մասին մրցութային հանձնաժողովի որոշումը մասնակիցների կողմից կարող է բողոքարկվել` օրենքով սահմանված կարգով:

 

 

ՀԱՅՏ N_____

 

Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթին մասնակցելու

 

Հայտատու

 

_____________________________________________________________________________________

                                                (կազմակերպության անվանումը, գտնվելու վայրը, հեռախոսահամարը)

_____________________________________________________________________________________

 

Խնդրում եմ թույլատրել մասնակցել ____  _________________ 200 թ. կայանալիք ավտոբուսային

(միկրոավտոբուսային)_________________________________________________________ մրցույթին:

                                                           (երթուղու անվանումը, համարը)

 

Կից ներկայացնում եմ`

1. Տրանսպորտային միջոցների մասին տվյլները

 

NN ը/կ	Վարորդի անունը, ազգանունը, հայրանունը	Տրանսպորտային միջոցի			Ինչ իրավունքով է պատկանում
		մակնիշը	պետհամա րանիշը	թողարկման տարեթիվը
1
2
3
4
5
6
7
8
9
10

 

2. Պահանջվող փաստաթղթերը

________________________________________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

 

Լրացուցիչ տեղեկություններ _____________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

________________________________________________________________________________________

 

Նախապես ծանոթացել եմ մրցութային կարգի պայմաններին և ուղևորափոխադրումների գործընթացին ներկայացվող պահանջներին ու պարտավորվում եմ ապահովել դրանց կատարումը:

Ներկայացված փաստաթղթերի իսկությունը հավաստում եմ`

                                                                                                                           _____ _______________ 200 թ.

 

Կ.Տ.

            

                                                  Հայտատու_____________ ________________________________________

                                                                       (ստրագրությունը)                     (կազմակերպության ղեկավարի անունը, ազգանունը)

 

                                 Գործերն ընդունեց__________________ _____________________________________

                                                                                               (ստորագրությունը)                    (պատասխանատու անձի անունը, ազգանունը)

 

 

 

Ց Ա Ն Կ

 

Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթին ներկայացվող փաստաթղթերի

 

1.	Հայտ
2.	Պետական գրանցման վկայականը
3.	Կազմակերպությանը սեփականության կամ օգտագործման իրավունքով պատկանող տրանսպորտային միջոցների ցուցակը` հայտում ներկայացված ձևով
4.	Օգտագործման իրավունքով ձեռք բերված տրանսպորտային միջոցների վարձակալության պայմանագրերը
5.	Ուղևորների ապահովագրության պայմանագիրը (եթե առկա է)
6.	Տրանսպորտային միջոցներին ամրակցված վարորդների վարորդական իրավունքի (միջպետական երթուղիների մրցույթի համար` միջազգային ավտոմոբիլային երթևեկության համար նախատեսված) վկայականներ, սահմանված կարգով բժշկական հանձնաժողովի կողմից տրված` առողջական վիճակի մասին տեղեկանքները և տրանսպորտային միջոցների տեխնիկական անձնագրերը
7.	Կարգի հավելվածում նշված` կազմակերպության արտադրական բազայի մասին տվյալները
8.	Տրանսպորտային միջոցն այլ տեսակի վառելիքով շահագործման համար վերասարքավորելու (կահավորելու) օրինականությունը հաստատող փաստաթուղթը
9.	Սեղմված բնական գազով աշխատելու թույլտվությունը:

 

_______________________

 

Ծանոթագրություն:

Ներկայացվում են փաստաթղթերի բնօրինակները և պատճենները: Փաստաթղթերի բնօրինակները մրցութային հանձնաժողովի կողմից ուսումնասիրվելուց հետո վերադարձվում են:

 

Հավելված Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգի

 

Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների տրանսպորտային միջոցների և արտադրական բազայի գնահատման կարգը

 

Տրանսպորտային միջոցների գնահատման ձևը և չափանիշները

 

1. Մրցութային հանձնաժողովի յուրաքանչյուր անդամ մրցույթի ներկայացված ավտոբուսներին (միկրոավտոբուսներին) տված իր գնահատականները լրացնում է մրցութային թերթիկում (N 1 ձևը կցվում է):

2. Տրանսպորտային միջոցների գնահատումը կատարվում է 5 բալանոց թվային համակարգով:

3. Մրցութային թերթիկում գրանցվում են`

ա) 3-5-րդ սյունակներում` տրանսպորտային միջոցը բնութագրող ընդհանուր տվյալները (մակնիշը, պետհամարանիշը, թողարկման տարեթիվը).

բ) 6-10-րդ սյունակներում` տեխնիկական վիճակի (արգելակային և ղեկային կառավարման համակարգերի, լուսաազդանշանային միջոցների, դռների փականքների հուսալիության և ամրության) գնահատականը, ընդ որում, անվտանգության, աշխատանքի և շրջակա միջավայրի պահպանության պահանջները չբավարարելու դեպքում տրանսպորտային միջոցն ստանում է 0 գնահատական և հանվում մրցույթից.

գ) 11-15-րդ սյունակներում` տրանսպորտային միջոցների գնահատականներն ըստ`

արտաքին տեսքի,

ապակիների վիճակի,

ուղևորասրահի կահավորման և հարմարադասման,

անվադոողերի մաշվածության աստիճանի,

կառուցվածքային փոփոխությունների.

դ) 16-րդ սյունակում` տրանսպորտային միջոցների ընդհանուր գնահատականը:

4. Մրցույթին մասնակցող կազմակերպության տրանսպորտային միջոցները գնահատման ընդհանուր հաշվարկով լրացուցիչ ստանում են`

ա) սեփականության իրավունքով պատկանող յուրաքանչյուր մեկ տոկոսի համար` 0,2 միավոր.

բ) ուղևորների ապահովագրության պայմանագրի համար` 5 միավոր.

գ) արտադրական բազայի համար ըստ N 2 ձևով (կցվում է) սահմանված կարգի:

 

Կազմակերպությունների արտադրական բազայի գնահատման ձևը և չափանիշները

 

5. Կազմակերպությունների արտադրական բազան գնահատվում է տրանսպորտային միջոցների տեխնիկապես սարքին վիճակում պահպանելու համար տեխնոլոգիական նախագծման նորմատիվներին համապատասխան սպասարկման ու նորոգման կետերի (պոստեր) և արտադրական տարածքների մակերեսների, ինչպես նաև բնապահպանական նորմերի պահանջների բավարարման համար անհրաժեշտ կառույցների առկայությունը ճշտելու և գնահատելու նպատակով:

6. Կազմակերպության արտադրական բազան բնութագրող հիմնական ցուցանիշներ են ընդունվում`

ա) տեխնիկական սպասարկումների ու ընթացիկ նորոգումների (ՏՍ և ԸՆ) կետերի թիվը.

բ) ՏՍ և ԸՆ գոտու (զոնա) մակերեսը.

գ) արտադրամասերի մակերեսները.

դ) տրանսպորտային միջոցների կայանատեղերի ընդհանուր մակերեսը.

ե) բնապահպանական նորմերի պահանջների կատարման համար անհրաժեշը կառույցների ու համապատասխան փաստաթղթերի առկայությունը:

7. Ուղևորների կանոնավոր փոխադրումների մրցույթին մասնակցող կազմակերպությունները ներկայացնում են կազմակերպության արտադրական բազայի գնահատման անհրաժեշտ տվյալները (կցվում է):

8. Կազմակերպությունների արտադրական բազայի համապատասխանությունն առկա շարժակազմի տեսակին և թվին գնահատվում է ելնելով տվյալ կազմակերպության համար որպես բազային ընտրված ավտոբուսների վերածված թվից:

Բազային մակնիշի վերածված ավտոբուսների թիվը որոշելու համար նախ որոշվում է տվյալ դասի ավտոբուսները մինչև 2 տարի ծառայության ժամկետ ունեցող ավտոբուսների վերածված թիվը (աղյուսակ N 1):

 

Աղյուսակ N 1

N N ը/կ	Ավտոբուսների տարիքային խմբերը	Ավտոբուսի տարիքը հաշվի առնող ուղղիչ գործակիցը	Տվյալ տարիքային խմբի ավտոբուսների թիվը	Ավտոբուսների վերածված թիվը
1.	Մինչև 2 տարի	1,0
2.	2-4 տարի	1,6
3.	4-6 տարի	2,0
4.	6-8 տարի	2,6
5.	8-10 տարի	2,8
6.	10-12 տարի	3,0
7.	12 և ավելի տարի	3.6
	Ընդամենը

 

Բազային մակնիշի վերածված ավտոբուսների թիվը որոշվում է հաշվի առնելով տվյալ դասի ավտոբուսների տեխնիկական սպասարկումների ու ընթացիկ նորոգումների (ՏՍ և ԸՆ) աշխատատարության գործակիցը (աղյուսակ N 2):

 

Աղյուսակ N 2

Ավտոբուսի դասը	ՏՍ և ԸՆ աշխատա-տարության գործակիցը	Վերածված ավտոբուսների թիվը (աղյուսակ N 1)	ՏՍ և ԸՆ աշխատա-տարության գործակցի հարաբերությունը բազային մակնիշի գործակցին	Բազային մակնիշի վերածված ավտոբուսների թիվը
Հատուկ փոքր դասի (մինչև 15 նստատեղ)	0.63
Փոքր դասի (16-30 նստատեղ)	0.81
Միջին դասի (31-40 նստատեղ)	1.0
Բարձր դասի (40-ից բարձր նստատեղ)	1.13
Ընդամենը

 

Արտադրական գոտիների և կայանատեղերի մակերեսների մեծությունների գնահատման համար հաշվի են առնվում նաև տվյալ դասի ավտոբուսների եզրաչափքերը և շրջադարձի արտաքին շառավիղների միջին արժեքները հաշվի առնող K3 գործակիցը (աղյուսակ N 3):

 

Աղյուսակ N 3

Ավտոբուսի դասը	Ավտոբուսի եզրաչափքերը և շրջադարձի շառավիղը հաշվի առնող գործակիցը
Հատուկ փոքր դասի (մինչև 15 նստատեղ)	0,55
Փոքր դասի (16-30 նստատեղ)	0,86
Միջին դասի (31-40 նստատեղ)	1,0
Բարձր դասի (40-ից բարձր նստատեղ)	1,2
Ընդամենը

 

9. Կազմակերպության արտադրական բազայի գնահատումը կատարվում է գնահատման համար սահմանված ցուցանիշներն ավտոտրանսպորտային ձեռնարկությունների տեխնոլոգիական նախագծման նորմատիվային ցուցանիշների հիման վրա սահմանված նորմատիվներով (աղյուսակ N 4) հաշվարկող ցուցանիշների հետ համեմատելու (հարաբերելու) միջոցով (N 2 ձև):

 

Աղյուսակ N 4

 

Տրանսպորտային միջոցների համալիր սպասարկող և պահպանող կազմակերպության արտադրական բազայի նորմատիվային ցուցանիշները 100 միավոր միջին դասի (“ԼԱԶ” մակնիշի) ավտոբուսի համար (տարեկան 45.0 հազ. կմ միջին վազքի դեպքում)

 

N N ը/կ	Ցուցանիշները	Մեծությունը
1.	Արտադրության մեջ աշխատող բանավորների թիվը	59
2.	Բանավորական կետերի թիվը	10,6
3.	ՏՍ և ԸՆ գոտիների ընդհանուր մակերեսը (քառ. մ)	610
4.	Արտադրամասերի ընդհանուր մակերեսը (քառ. մ)	166
5.	Ավտոբուսների կայանատեղի մակերեսը (քառ. մ)	4600
6.	Հողատարածքի մակերեսը (քառ. մ)	15300

10. Եթե կազմակերպության համապատասխան ցուցանիշի փաստացի արժեքի հարաբերությունը նորմատիվայինին ստացվում է մեկից ավելի, ապա ընդունվում է 1.0 գործակիցը, մեկից փոքր ստացվելու դեպքում գործակիցն ընդունվում է նշված հարաբերության մեծությամբ:

11. Արտադրական բազայի գնահատման նպատակով ընդունված յուրաքանչյուր ցուցանիշի համար սահմանվում է առավելագույնը 5 միավոր: Գնահատման միավորը որոշվում է տվյալ ցուցանիշի համապատասխանության գործակցի և 5 առավելագույն միավորի արտադրյալով:

12. Կեղտաջրերի մաքրման կայանի, էկոլոգիական անձնագրի, արտանետվող գազերի վերահսկման-կարգավորման կետի (վԿԿ) և ջրօգտագործման-ջրահեռացման փաստաթղթերի առկայության դեպքում դրանց համապատասխան միավորներն ընդունվում են 1.0, իսկ բացակայության դեպքում` 0, կեղտաջրերի մաքրման կայանի չգործելու դեպքում միավոր չի տրվում:

 

III. Մրցույթի արդյունքների ամփոփման կարգը

 

13. Մրցութային հանձնաժողովի աշխատանքի արդյունքներն ամփոփվում են մրցութային ամփոփիչ թերթիկում (N 3 ձևը կցվում է):

14. Ընդհանուր հաշվարկով առավելագույն միավորներ հավաքած մասնակիցը (մասնակիցները) ճանաչվում է (են) մրցույթի հաղթող (հաղթողներ):

15. Մրցույթի արդյունքներով հավասար միավորներ հավաքելու դեպքում մրցույթի հաղթողը որոշվում է ստորև նշված գործոնների առաջնահերթությամբ:

ա) բարձր է տրանսպորտային միջոցների տեխնիկական վիճակին տրված գնահատականը.

բ) բարձ է կազմակերպության արտադրական բազայի սույն կարգով սահմանված գնահատականը.

գ) բարձր է կազմակերպությանը սեփականության իրավունքով պատկանող տրանսպորտային միջոցների տոկոսային տեսակարար կշիռը.

դ) ներկայացված է ուղևորների ապահովագրության պայմանագիր.

ե) մասնակցի կողմից առաջարկվել է նվազագույն փոխադրավարձ:

16. Մրցույթի արդյունքներով 15-րդ կետում նշված բոլոր գործոնների հաշվառմամբ հավասար միավորներ հավաքելու դեպքում մրցույթի հաղթողը որոշվում է մրցութային հանձնաժողովի քվեարկությամբ: Որորշումն ընդունվում է հանձնաժողովի անդամների ընդհանուր թվի ձայների մեծամասնությամբ:

 

Ձև 1

 

ՄՐՑՈՒԹԱՅԻՆ ԹԵՐԹԻԿ

ներկայացված տրանսպորտային միջոցների գնահատման

 

Մրցութային հանձնաժողովի անդամ____________________________                 ________         ______________200 թ.

 

 

 

*) Լրացվում են միայն 6-10-րդ և 16-րդ սյունակները:

 

_________________________          _________________________________

(ստորագրությունը)                                      (անունը, ազգանունը)

 

Ձև N 2

 

Թ Ե Ր Թ Ի Կ

 

                        _________________________________արտադրական բազայի գնահատման

(կազմակերպության անվանումը)

 

 

NN ը/կ	Ցուցանիշների անվանումները	Գնահատման հաշվարկը
		նորմատիվային	փաստացի	համապատասխանության գործակիցը	գնահատման միավորը
1	Տեխնիկական սպասարկումների և ընթացիկնորոգումների (ՏՍ և ԸՆ) կետերի թիվը
2	ՏՍ և ԸՆ գոտու մակերեսը (քառ. մ)
3	Արտադրամասերի ընդհանուր մակերեսը (քառ. մ)
4	Ավտոմեքենաների կայանատեղի մակերեսը (քառ. մ)
5	Բնապահպանական կառույցների և փաստաթղթերի առկայությունը
ա)	կեղտաջրերի մաքրիչ կայանի առկայությունը և տեխնիկական վիճակը	X		X
բ)	էկոլոգիական անձնագրի առկայությունը	X		X
գ)	արտանետվող գազերի ՎԿԿ առկայությունը	X		X
դ)	ջրօգտագործման-ջրահեռացման վերաբերյալ փաստաթղթերի առկայությունը	X		X
	Ընդհանուր միավոր

 

__________________               _____________________________________

__________________               _____________________________________

__________________               _____________________________________

(ստորագրությունը)                                                   (անունը, ազգանունը)

 

Ձև N 3

 

ՄՐՑՈՒԹԱՅԻՆ ԱՄՓՈՓԻՉ ԹԵՐԹԻԿ

 

_____       _____________200 թ.

 

 

__________________              _____________________________________

__________________              _____________________________________

__________________             _____________________________________

(ստորագրությունը)                                                 (անունը, ազգանունը)

 

 

ՏՎՅԱԼՆԵՐ

 

կազմակերպության արտադրական բազայի գնահատման համար

 

                                                                                1. Արտադրական բազայում սպասարկվող շարժակազմը

 

Մակնիշը (դասը)	Տարիքը	Թիվը	Նախատեսված են բնական գազով աշխատելու համար	Ծանոթագրություն
	Մինչև 2 տարի
	2-4 տարի
	4-6 տարի
	6-8 տարի
	8-10 տարի
	10-12 տարի
	12 և ավելի տարի

 

2. Արտադրական բազայի հողատարածք______________________հա:

3. Արտադրական բազայում կատարվող հիմնական աշխատանքները`

ա) մաքրման-լվացման,

բ) NN 1,2 և սեզոնային տեխնիկական սպասարկում,

գ) ավտոբուսների ընթացիկ նորոգում,

դ) այլ աշխատանքներ (նշել):

4. Սպասարկման և նորոգման կետերի (ամբարձիչներ, զննման առուներ, էստակադներ) թիվ__________________:

5. Սպասարկման և նորոգման գոտիների ընդհանուր մակերեսը`______ քառ. մ:

6. Արտադրամասերը (տեղամասերը):

 

Անվանումը	Մակերեսը (քառ. մ)	Հիմնական սարքավորում ները և թիվը	Ինչպես է իրականացվում		Աշխատող ների թիվը	Ծանոթագրություն
			օդափոխությունը	լուսավորություը
1	2	3	4	5	6	7

 

7. Մաքրման-լվացման աշխատանքների գոտին`

ա) արտադրամասի ընդհանուր մակերեսը`_________ քառ. մ

բ) լվացման աշխատանքների կատարաման եղանակը_________________________________

______________________________________________________________________________

գ) օգտագործվող սարքավորումը__________________________________________________

դ) կեղտաջրերի մաքրման կայանի առկայությունը և տեխնիկական վիճակը________________

______________________________________________________________________________

 

8. Ավտոբուսների կայանատեղերը

 

NN ը/կ	Տեսակը	Մակերեսը (քառ. մ)	Կայանատեղերի թիվը	Կայանող ավտոբուսների թիվը		Ծանոթագրություն
				ընդամենը	գազաբալոնային
1	Բաց հարթակ
2	Փակ կայանտեղ

 

9. Պահեստային, օժանդակ և ծառայողական սենյակներ

 

NN ը/կ	Անվանումը	Թիվը	Ընդհանուր մակերեսը (քառ. մ)	Ծանոթագրություն
1	Պահեստային
2	Օժանդակ
3	Ծառայողական

 

10. Էկոլոգիական անձնագրի առկայությունը և գործողության ժամկետը_________:

11. Արտանետվող գազերի թունավոր բաղադրիչների արտանետման վերահսկման-կարգավորման կետի առկայությունը կամ համապատասխան կազմակերպության անվանումը, որի հետ կնքված պայմանագրով իրականացվում են այդ աշխատանքները_________________________

_____________________________________________________________________:

12. Ջրօգտագործման և ջրահեռացման հաշվարկային փաստաթղթերի առկայությունը և գործողության ժամկետը_________________________________:

13. Վարորդների նախաերթային բժշկական կետի սարքավորումները, աշխատողների որակավորումը և թիվը (բժշկական կետի բացակայության դեպքում կցել մասնագիտացված բժշկական կետ ունեցող այլ կազմակերպություններում ստուգում մասին պայմանագիր պատճենը)

______________________________________________________________________

______________________________________________________________________

______________________________________________________________________

 

14. Տրանսպորտային միջոցների տեխնիկական շահագործումը կազմակերպող անձնակազմը

 

Պաշտոնը	Ազգանունը, անունը	Մասնագիտու թյունը	Ինչ. ուսում. հաստ. է ավարտել, երբ	Աշխ. ստաժը տվյալ բնագավառում	Երբ և վերապատրաստման ինչ դասընթաց է անցել	Ծանոթագրություն
1	2	3	4	5	6	7

Հայտատու____________________                   __________________________________

                         (ստորագրությունը)                                       (անունը, ազգանունը)

 

Կ.Տ