ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ք.Ստեփանակերտ

Ղեկավարվելով «Ավտոմոբիլային տրանսպորտի մասին» ԼՂՀ օրենքի 11-րդ հոդվածի 3-րդ կետի դրույթներով՝ ԼՂՀ կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2002 թվականի նոյեմբերի 26-ի «Լեռնային Ղարաբաղի Հանրապետությունում ընդհանուր օգտագործման ավտոմոբիլային տրանսպորտով ուղևորների կանոնավոր փոխադրումներն իրականացնող կազմակերպությունների ընտրության մրցույթի անցկացման կարգը հաստատելու մասին» թիվ 36 որոշմամբ հաստատված կարգում կատարել հետևյալ լրացումն ու փոփոխությունը՝

ա) 19-րդ կետը լրացնել հետևյալ բովանդակությամբ նոր «ե» ենթակետով.

«ե) ընդհանուր օգտագործման ուղևորատար ավտոմոբիլային տրանսպորտով կանոնավոր փոխադրումների կազմակերպման գործունեության իրականացման լիցենզիա և լիցենզիայի ներդիր(ներ)»:

բ) 54-րդ կետի առաջին պարբերությունը շարադրել հետևյալ նոր խմբագրությամբ.

«Երթուղիների սպասարկման ժամկետները սահմանվում են համապատասխան կառավարման մարմնի կողմից 1 տարի ժամկետով:

Մրցույթում հաղթած կազմակերպության համար սպասարկման ժամկետը լրանալուց 45 օր առաջ հայտարարվում է հերթական մրցույթի անցկացման մասին՝ համաձայն սույն կարգի 18-րդ կետի պահանջների»:

2. Սույն որոշումն ուժի մեջ է մտնում պաշտոնական հրապարակման պահից: