Ղեկավարվելով Լեռնային Ղարաբաղի Հանրապետության Սահմանադրության 75-րդ հոդվածի 1-ին կետով և հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածի 5-րդ մասը, Լեռնային Ղարաբաղի Հանրապետության Նախագահի 2007 թվականի դեկտեմբերի 30-ի ՆՀ-53 հրամանագրով հաստատված Լեռնային Ղարաբաղի Հանրապետության Նախագահի աշխատակազմի կանոնադրության 17-րդ կետի 2-րդ ենթակետը` ո ր ո շ ու մ եմ.

1. Լեռնային Ղարաբաղի Հանրապետության Նախագահի աշխատակազմի կանոնադրության մեջ կատարել հետևյալ լրացումները.

1) 14-րդ կետի 1-ին, 17-րդ կետի 3-րդ ենթակետերում, 18-րդ և 33-րդ կետերում «ԼՂՀ Նախագահի խորհրդականները,» բառերից հետո լրացնել «հատուկ հանձնարարություններով դեսպանը,» բառերը` համապատասխան հոլովաձևերով.

2) 25⁵-րդ կետից հետո լրացնել հետևյալ բովանդակությամբ 25⁶-րդ կետ.

«25⁶. Հատուկ հանձնարարություններով դեսպանի պաշտոնը համարժեք է ԼՂՀ Նախագահի խորհրդականի պաշտոնին։»։

2. Հրամանագրի 2-րդ կետով հաստատված Լեռնային Ղարաբաղի Հանրապետության Նախագահի աշխատակազմի կառուցվածքը լրացնել հետևյալ բովանդակությամբ 6¹-րդ կետով.

«6¹. Հատուկ հանձնարարություններով դեսպան»։

3. Սույն հրամանագիրն ուժի մեջ է մտնում պաշտոնական հրապարակման պահից։