ք.Ստեփանակերտ

Հիմք ընդունելով Լեռնային Ղարաբաղի Հանրապետության կառավարության 2006թ. հունվարի 24-ի «Լեռնային Ղարաբաղի Հանրապետության կառավարության գործավարության կարգը հաստատելու մասին» թիվ 44 որոշումը և առաջնորդվելով ԼՂՀ ընտրական օրենսգրքի 42-րդ հոդվածի 1-ին կետի 7-րդ ենթակետով` ԼՂՀ կենտրոնական ընտրական հանձնաժողովը ո ր ո շ ու մ է.

Հաստատել ԼՂՀ կենտրոնական ընտրական հանձնաժողովում և հանձնաժողովի աշխատակազմում գործավարության կարգը` համաձայն հավելվածի:

1. Սույն կարգով սահմանվում է ԼՂՀ կենտրոնական ընտրական հանձնաժողովում (այսուհետ` հանձնաժողով) և հանձնաժողովի աշխատակազմում (այսուհետ` աշխատակազմ) գործավարության կարգը:

2. ԼՂՀ կենտրոնական ընտրական հանձնաժողովի գործավարությունն իրականացնում է աշխատակազմի ավագ ռեֆերենտը:

3. Գործավարության միասնական կարգի ապահովման վերահսկողությունն իրականացնում է ԼՂՀ կենտրոնական ընտրական հանձնաժողովի քարտուղարը (աշխատակազմի ղեկավարը):

4. Աշխատակազմի աշխատողները պատասխանատու են սույն կարգով նախատեսված գործավարության կանոնների պահպանման համար:

5. Գաղտնի գործավարությունն իրականացնում է ԼՂՀ կենտրոնական ընտրական հանձնաժողովի քարտուղարը «Պետական ծառայողական գաղտնիքի մասին» ԼՂՀ օրենքով և ՀՀ կառավարության 1997թ. դեկտեմբերի 30-ի թիվ 626 որոշմամբ հաստատված հրահանգի պահանջներին համապատասխան:

6. Հանձնաժողովում և աշխատակազմում ստացված ամբողջ պաշտոնական և ոչ պաշտոնական թղթակցությունն ընդունում և գրանցում է աշխատակազմի ավագ ռեֆերենտը` ապարատածրագրային միջոցներով, զուգահեռ նաև մատյանների օգնությամբ, որտեղ արտացոլվում են ստացված փաստաթղթի համառոտ բովանդակությունը, շարժը և կատարման ընթացքը:

7. Ավագ ռեֆերենտի կողմից բացվում են ստացված բոլոր ծրարները (նաև էլեկտրոնային), բացառությամբ «Անձամբ» մակագրությամբ ծրարներից  և անձնական էլեկտրոնային ստորագրությամբ փակված փաստաթղթերի էլեկտրոնային օրինակներից (ֆայլերից), որոնք չեն գրանցվում և փակ վիճակում հանձնվում են հասցեատիրոջը:

8. Մտից փաստաթղթերը գրանցվում են ստանալու օրը, ելից և ներքին փաստաթղթերը` ստորագրման օրը:

9. Ստացվող փաստաթղթի առաջին էջի ներքևի աջ անկյունում դրվում է մուտքագրման դրոշմակնիքը, որի վրա նշվում են մտից գրանցման համարը և ամսաթիվը:

10. Սույն կարգի թիվ 1 հավելվածում նշված չգրանցվող փաստաթղթերի (բացառությամբ բացիկների, թերթերի) կամ դրանց ֆայլերի վրա դրվում է դրոշմակնիք` նշելով միայն մուտքի ամսաթիվը, որից հետո դրանք հանձնվում են հասցեատերերին:

11. Գործավարության համար պատասխանատու աշխատողը պարտավոր է ստուգել ծրարների ամբողջականությունը և դրանցում ներդրված փաստաթղթերի, կից ուղարկված հավելվածների առկայությունը` առդիր թերթերի քանակը, փաստաթղթերի համարները համեմատել ծրարի վրա նշվածների հետ:

Փաստաթղթերի կամ ֆայլերի բացակայության կամ վնասված լինելու դեպքում կազմվում է արձանագրություն` համաձայն թիվ 2 հավելվածի` 2 օրինակից, որոնցից մեկը կցվում է փաստաթղթին, մյուսը ուղարկվում է փաստաթուղթն առաքող կազմակերպությանը:

Եթե ծրարում կամ ֆայլում հայտնաբերվում է սխալմամբ դրված փաստաթուղթ, այն նոր ծրարով կամ համակարգչային ցանցով ուղարկվում է ըստ պատկանելության` փաստաթղթին կցելով այն ծրարը (նաև` էլեկտրոնային). որով դա ստացվել է` անհրաժեշտության դեպքում տեղյակ պահելով ուղարկող կազմակերպությանը:

12. Ծրարները (նաև` էլեկտրոնային), որոնցով ստացվել է թղթակցությունը, պահպանվում և փաստաթղթերին են կցվում այն դեպքում, երբ միայն ծրարի միջոցով կարելի է պարզել ուղարկողի հասցեն կամ ծրարի վրայի փոստային դրոշմակնիքի ամսաթիվը նշանակություն ունի տվյալ նյութի ուղարկման և ստացման ժամանակը որոշելու համար: Մյուս բոլոր ծրարները (նաև` էլեկտրոնային) ոչնչացվում են:

13. Մտից փաստաթղթերը, որոնք սաացվել են թղթի կրիչի վրա, ֆաքսիմիլային, էլեկտրոնային ձևերով, ապարատածրագրային միջոցների օգնությամբ ենթակա են վերափոխման` հետագայում տվյալների շտեմարանում գրանցելու համար:

14. Լեռնային Ղարաբաղի Հանրապետության Նախագահի աշխատակզմից, Լեռնային Ղարաբաղի Հանրապետության Ազգային ժողովից, Լեռնային Ղարաբաղի Հանրապետության կառավարությունից, Լեռնային Ղարաբաղի Հանրապետության վարչապետից ստացված թղթակցությունը և «Շտապ» մակագրությամբ փաստաթղթերը գրանցվում և ներկայացվում է հանձնաժողովի նախագահին անհապաղ:

Մյուս թղթակցությունը հասցեատերերին է տրվում աշխատանքային մեկ օրվա ընթացքում` սույն կարգին համապատասխան:

15. Ամենօրյա փոստը և թղթակցությունները, բացառությամբ սույն կարգի 14-րդ կետում նշված փաստաթղթերի, աշխատակազմի ավագ ռեֆերենտը հանձնաժողովի նախագահին է զեկուցում ժամը 16°°-ին:

16. Փաստաթղթերին ընթացք տալու համար հանձնաժողովի նախագահը կատարում է մակագրություն:

Եթե փաստաթղթի կատարման հանձնարարությունը տրվում է միաժամանակ մի քանի անձանց, ապա կատարման համար պատասխանատու է այն անձը, որն առաջինն է նշված մակագրության մեջ:

17. Փաստաթղթերի բնօրինակները հանձնվում են կատարման համար պատասխանատու անձին, իսկ մյուսների համար աշխատակազմի ավագ ռեֆերետները բազմացնում և պատճենները նրանց է հանձնում նույն օրը:

18. Համապատասխան մակագրությունից հետո փաստաթղթերը հասցեատերերին է հանձնում աշխատակազմի ավագ ռեֆերենտը:

Աշխատողներն իրենց մակագրած փաստաթղթերը ստանում են աշխատակազմի ավագ ռեֆերենտից` անձամբ:

19. Մակագրված փաստաթղթերի փոխանցումը մեկ աշխատողից մյուսին կատարվում է աշխատակազմի ավագ ռեֆերետների միջոցով` հանձնաժողովի նախագահի հանձնարարությամբ:

20. Ստացված փաստաթղթերին ընթացք տալու համար սահմանվում է մինչև 5 օր ժամկետ, եթե այլ ժամկետ սահմանված չէ:

Լրացուցիչ ուսումնասիրություններ, քննարկումներ կամ ստուգումներ պահանջող փաստաթղթերին ընթացք տալու համար սահմանվում է մինչև 15 օր ժամկետ:

Հսկողության վերցված փաստաթղթերի վերին աջ անկյունում նշագրվում է «Հսկողական» բառը և նշվում է կատարման ժամկետը:

21. Փաստաթղթերի հանձնարարականների կատարման համար սահմանված ժամկետները կարող են փոփոխվել հանձնաժողովի նախագահի համաձայնությամբ:

22. Ընտրական հանձնաժողովների որոշումների և գործողությունների վերաբերյալ ստացված դիմումներն ու բողոքները քննարկվում և պատասխանվում են Լեռնային Ղարաբաղի Հանրապետության ընտրական օրենսգրքով սահմանված կարգով և ժամկետներում:

23. Հաձնարարությունը համարվում է կատարված առաջադրված հարցերի լուծումից և շահագրգիռ անձանց ու կազմակերպություններին պատշաճ ձևով պատասխանելուց հետո:

Միջանկյալ պատասխանը, ինչպես նաև կատարման հարցումը հիմք չի հանդիսանում փաստաթղթի հանձնարարականը կատարված համարելու համար:

24. Փաստաթղթի հետ աշխատանքն ավարտելուց հետո բնօրինակը և դրան կից ներկայացված համապատասխան հիմնավորումը հանձնաժողովի նախագահի` «Գործին» մակագրությամբ վերադարձվում է աշխատակազմի ավագ ռեֆերենտին:

25. Աշխատակազմի աշխատողները պատասխանատու են իրենց մոտ գտնվող փաստաթղթերի պահպանության համար և պարտավոր են խնամքով վերաբերվել դրանց:

Արգելվում է ստացված փաստաթղթի բնօրինակում կամ ֆայլում որևէ նշում կամ փոփոխություն կատարելը:

26. Արձակուրդի, գործուղման կամ այլ պատճառներով բացակայելու դեպքում աշխատողը պարտավոր է իր մոտ գտնվող անավարտ գործերի փաստաթղթերը հանձնել փոխարինողին կամ անմիջական ղեկավարին:

27. Ելից փաստաթղթերը ստորագրվում են հանձնաժողովի նախագահի կողմից, ինչպես նաև հանձնաժողովի քարտուղարի կողմից` ԼՂՀ ընտրական օրենսգրքով սահմանված դեպքերում:

Հանձնաժողովի նախագահի բացակայության դեպքում ելից փաստաթղթերը ստորագրում է նրա տեղակալը:

28. Առաքվող ելից փաստաթուղթը կազմվում է 2 օրինակից: Առաջինն ուղարկվում է հասցեատիրոջը, երկրորդ օրինակը` անմիջական կատարողի ստորագրությամբ, կատարման հիմքերով մնում է աշխատակազմի ավագ ռեֆերենտի կողմից պահպանվող գործերում:

29. Փաստաթղթին լրացուցիչ նյութեր կցելու դեպքում տեքստի տակ նշվում է դրանց անվանումն ու թերթերի քանակը:

30. Աշխատակազմի ավագ ռեֆերենտի կողմից ստուգվում է փաստաթղթերի ամբողջականությունը և դրանց հավելվածների առկայությունը: Սխալ ձևակերպված փաստաթղթերը վերադարձվում են կատարողներին:

31. Ելից փաստաթղթերի երկրորդ օրինակի վերջին էջի ներքևի ձախ մասում նշվում է կատարողի ազգանունը և հեռախոսի համարը:

Այն դեպքերում, երբ նամակներն ուղարկվում են ստացված գրություններին որպես ի պատասխան, հասցեատիրոջ անվան տակ, վերևի ձախ անկյունում նշվում են այդ գրության ամսաթիվը և համարը:

32. Ինչպես շտապ, այնպես էլ սովորական թղթակցությունը հասցեատերերին է առաքվում հանձնաժողովի նախագահի կամ քարտուղարի կողմից որոշվող սուրհանդակի միջոցով, քաղաքացիների դիմում ֊բողոքների պատասխանները` փոստային ծառայության միջոցով:

33. Հարցի լուծումն արագացնելու անհրաժեշտության դեպքում կազմվում է հեռագիր:

Հեռագրերը կազմվում են` թղթի մեջտեղում մեծատառերով գրելով «Հեռագիր» և փոխանցվում են հեռատիպ: Հեռագրի տեքստը պետք է լինի հակիրճ և չգերազանցի 30-35 բառը, պետք է շարադրվի առանց շաղկապների ու նախածանցների, եթե դրանով չի աղավաղվում բովանդակությունը, առանց բառերը տողադարձելու:

Պատասխան հեռագրի տեքստը սկսվում է այն փաստաթղթի համարով, որին պատասխանվում է:

34. Հեռագրերը տպագրվում են երկու օրինակից, բնօրինակը պահվում է Ելից փաստաթղթերի գործում: Հեռագրերը նույնպես գրանցվում և հաշվառվում են, դրանց ելքի համարները դրվում են սույն կարգով սահմանված ձևով:

35. Հրատապ տեղեկատվություն հաղորղելու համար, մի շարք դեպքերում` գրության կամ հեռագրի փոխարեն, կարող են օգտագործվել հեռախոսագրերը: Դրանք պետք է կազմվեն պարզ և համառոտ տեսքով` խուսափելով դժվար արտասանվող բառերի և բառակապակցությունների օգտագործումից:

Հեռախոսագրերը ստորագրվում են հանձնաժողովի նախագահի կամ նրա հանձնարարությամբ քարտուղարի (աշխատակազմի ղեկավարի) կողմից:

Հեռախոսագրի վրա դրվում է ելքի համարը նշվում են հաղորդող և ընդունող անձանց ազգանունները, հեռախոսների համարները, ինչպես նաև հաղորդման ընդունման ամսաթիվն ու ժամը:

36. Ելից փաստաթղթի համարը կազմված է կենտրոնական ընտրական հանձնաժողովի գործերի անվանացանկով սահմանված պայմանանիշից և հերթական ելից համարից:

37. Կենտրոնական ընտրական հանձնաժողովի քարտուղարը և աշխատակազմի ավագ ռեֆերենտը ապահովում են փաստաթղթերի պահպանությունը և ԼՂՀ օրենսդրությամբ սահմանված կարգով արխիվացումը:

38. Քաղաքացիների կողմից ստացված դիմումների, բողոքների ու առաջարկությունների (այսուհետ` դիմում) գրանցման ու հաշվառման համար վարվում է աոանձին մատյան, որտեղ արտացոլվում են մուտքագրման հերթական համարը, ստացման ամսաթիվը, դիմողի տվյալները (անուն, ազգանուն, բնակության հասցեն), ստացված դիմումի համառոտ բովանդակությունը, թերթերի թիվը, շարժը, կատարման ընթացքը, ելից համարը:

Կոլեկտիվ դիմումի ստացման դեպքում գրանցվում է ընդգրկված ազգանունը, իսկ դրա բացակայության դեպքում առաջին ազգանունը:

39. Բանավոր դիմումներն ու բողոքները նույնպես ենթակա են գրանցման` կենտրոնական ընտրական հանձնաժողովի կողմից սահմանված կարգով:

40. Գրավոր դիմումը պետք է լինի ստորագրված դիմողի կողմից, պարունակի նրա անունը, ազգանունը, հայրանունը, բնակության կամ աշխատանքային հասցեն, տրման օրը, ամիսը և տարեթիվը:

41. Դիմումատուի անվան (անուն, ազգանուն) և բնակության կամ աշխատանքային հասցեի մասին տեղեկություններ չպարունակող դիմումը համարվում է անանուն, չի գրանցվում և օրենքով սահմանված կարգով ոչնչացվում է:

42. Դիմումների պատասխանները կազմվում և առաքվում են սույն կարգով և ԼՂՀ ընտրական օրենսգրքով սահմանված ժամկետներում:

43. Դիմումի պատասխանի ելից համարը կազմված է կենտրոնական ընտրական հանձնաժողովի գործերի անվանացանկով սահմանված պայմանանիշից և գրանցման հերթական համարից:

44. Նամակների քննարկման արդյունքների մասին գրավոր կամ, դիմողի համաձայնությամբ, բանավոր տեղեկացվում է դրանց հեղինակներին: Այդ նպատակով պատասխանը նախապատրաստվում է 2 օրինակից: Առաջին օրինակը` կենտրոնական ընտրական հանձնաժողովի նախագահի ստորագրությամբ, ուղարկվում է դիմողին, երկրորդ օրինակը` համապատասխան աշխատողի նշագրումով, կցվում է գործին:

45. Ոսումնասիրությունից և վերջնական քննարկումից հետո դիմումները` իրենց բոլոր նյութերի հետ միասին, վերադարձվում են աշխատակազմի ավագ ռեֆերենտին` «Գործին» մակագրությամբ:

46. Քաղաքացիների դիմումների քննարկման ընթացքի վերահսկողությունն իրականացնում է հանձնաժողովի քարտուղարը (աշխատակազմի ղեկավարը):

1. Նիստերի, խորհրդակցությունների և օրակարգերի ծանուցումներ

2. Գովազդային ծանուցումներ, ազդագրեր, խորհրդակցությունների, համաժողովների ծրագրեր

3. Շնորհավորական բացիկներ և հրավերներ

4. Տպագիր հրատարակություններ (գրքեր, ամսագրեր, տեղեկագրեր, թերթեր):

200 թ. _____________«____»-ին այն մասին, որ__________________________________________

_________________________________________________________________________________

                                             (անունը և հասցեն կրող ծրարի (փաթեթի)

_________________________________________________________________________________

_________________________________________________________________________________

բացման ժամանակ չի եղել (հայտնաբերվել է)______________________________________________

_________________________________________________________________________________

Այն գրանցվել է մտից___________________համարով______________________________ամսաթվով: