ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՕՐԵՆՔԸ

Ընդունված է 2016 թվականի

դեկտեմբերի 22-ին

Հոդված 1. «Արտոնագրային վճարների մասին» Լեռնային Ղարաբաղի Հանրապետության 2011 թվականի դեկտեմբերի 27-ի ՀՕ-91-Ն օրենքի (այսուհետ` Օրենք) 5-րդ հոդվածի 3-րդ և 4-րդ մասերից հանել «վերցնելու և հարկային հաշվառումից հանելու» բառերը:

Հոդված 2. Օրենքի N 1 հավելվածում`

1) 4-րդ տողում «35,0» թիվը փոխարինել «18,0» թվով.

2) 12-րդ տողից հետո լրացնել հետևյալ բովանդակությամբ 13-16-րդ տողեր.

Հոդված 3. Օրենքի N 2 հավելվածում`

1) 7-րդ տողը «նորոգում» բառից հետո լրացնել «, այդ թվում` մետաղադրամով շահագործվող ավտոմատների միջոցով ավտոմեքենաների լվացում» բառերով.

2) 10-րդ տողից հետո լրացնել հետևյալ բովանդակությամբ 11-13-րդ տողեր.

Հոդված 4. Օրենքի N 3 հավելվածի երկրորդ աղյուսակը 12-րդ տողից հետո լրացնել հետևյալ բովանդակությամբ 13-16-րդ տողերով.

Հոդված 5. Օրենքի N 5 հավելվածի աղյուսակը 12-րդ տողից հետո լրացնել հետևյալ բովանդակությամբ 13-16-րդ տողերով.

Հոդված 6. ««Արտոնագրային վճարների մասին» Լեռնային Ղարաբաղի Հանրապետության օրենքում լրացում կատարելու մասին» Լեռնային Ղարաբաղի Հանրապետության 2016 թվականի հունիսի 30-ի ՀՕ-21-Ն օրենքի 2-րդ հոդվածի 2-րդ մասում «2016 թվականի դեկտեմբերի 31-ը» բառերը փոխարինել «2017 թվականի դեկտեմբերի 31-ը» բառերով:

Հոդված 7.

1. Սույն օրենքն ուժի մեջ է մտնում 2017 թվականի հունվարի 1-ից:

2. Սույն օրենքն ուժի մեջ մտնելուց հետո տասնօրյա ժամկետում կատարվում է Օրենքի N 1 հավելվածի 4-րդ մասով նախատեսված գործունեություն իրականացնողների 2017 թվականի (եռամսյակ, կիսամյակ, ինն ամիս, տարի) համար հաշվարկված արտոնագրային վճարի վերահաշվարկ և ավել վճարված գումարն ուղղվում է հարկ վճարողի ապագայում առաջացող արտոնագրային վճարի մարմանը և (կամ) վերադարձվում:

3. Սույն օրենքն ուժի մեջ մտնելուց հետո Օրենքի N 1 հավելվածի 13-16-րդ և N 2 հավելվածի 11-13-րդ տողերով նախատեսված գործունեության տեսակներ իրականացնողներն արտոնագրային վճար վճարող համարվելու համար առաջին անգամ դիմում-հայտարարությունները իրենց հաշվառման վայրի հարկային մարմին են ներկայացնում և արտոնագրային վճարը վճարում սույն օրենքն ուժի մեջ մտնելուց հետո` 20 օրվա ընթացքում: