ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝ Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2007 թվականի դեկտեմբերի 25-ի «Չաշխատող անձին մայրության նպաստ, մայրության նպաստ նշանակելու և վճարելու կարգը սահմանելու մասին» N 722 որոշմամբ հաստատված հավելվածում՝

1) 2-րդ կետը լրացնել հետևյալ բովանդակությամբ 2.1-ին ենթակետով.

«2.1) մինչև հղիության և ծննդաբերության արձակուրդի իրավունք ունենալու ժամանակահատվածի առաջին օրը ձեռնարկատիրական գործունեությունը ժամանակավորապես դադարեցրած անհատ ձեռնարկատիրոջը.».

2) լրացնել հետևյալ բովանդակությամբ 5.1-ին կետ.

«5.1. Սույն կարգի 2-րդ կետի 2-րդ ենթակետում նշված դեպքում ներկայացվում է նաև Լեռնային Ղարաբաղի Հանրապետության ֆինանսների նախարարության կողմից անհատ ձեռնարկատիրոջը տրված` արտոնագրային վճար վճարող հանդիսանալու մասին արտոնագիրը և դրա պատճենը:».

3) 6-րդ կետի 1-ին ենթակետում «նպաստ և» բառերը փոխարինել «նպաստի և» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը, իսկ 1-ին կետի 1-ին ենթակետի գործողությունը տարածվում է 2017 թվականի հունվարի 1-ից հետո ծագած իրավահարաբերությունների (այն դեպքերի, երբ հղիության և ծննդաբերության արձակուրդի իրավունքն առաջացել է 2017 թվականի հունվարի 1-ից հետո) վրա: