ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ Ո Ւ Մ

ք. Ստեփանակերտ

ՁԵՎ ԹԻՎ 21-ԿԱՊ (ՏԱՐԵԿԱՆ) «ՓՈՍՏԱՅԻՆ ԿԱՊԻ ՄԱՍԻՆ» ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ԼՂՀ օրենքի 10-րդ հոդվածի երրորդ մասի ե) կետով Լեռնային Ղարաբաղի Հանրապետության վիճակագրության պետական խորհուրդը որոշում է՝

հաստատել՝ Ձև թիվ 21-Կապ (տարեկան) «Փոստային կապի մասին» պետական վիճակագրական հաշվետվության ձևը և լրացման հրահանգը (կցվում է):

Հ Ր Ա Հ Ա Ն Գ

«ՓՈՍՏԱՅԻՆ ԿԱՊԻ ՄԱՍԻՆ» ՁԵՎ ԹԻՎ 21-ԿԱՊ (ՏԱՐԵԿԱՆ)

ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1.1. Սույն հրահանգը սահմանում է ՝ «ՓՈՍՏԱՅԻՆ ԿԱՊԻ ՄԱՍԻՆ» ՁԵՎ ԹԻՎ 21-ԿԱՊ (ՏԱՐԵԿԱՆ) պետական վիճակագրական հաշվետվության (այսուհետ՝ հաշվետվություն) լրացման կարգը:

1.2. Հաշվետվությունը ներկայացնում են կապի ծառայություններ մատուցող կազմակերպությունները, հիմնարկները և անհատ ձեռնարկատերերը, որոնք այդ մասին նախապես տեղեկացվում են:

1.3. Հաշվետվությունը լրացվում է տվյալ տարվա համար:

1.4. Վիճակագրական տեղեկությունների ներկայացման հետ կապված այլ հարցերը կարգավորվում են ԼՂՀ օրենսդրությամբ:

2. ԼՐԱՑՄԱՆ ԿԱՐԳԸ

Հաշվետվությունը կազմված է 4 բաժնից. Փոստային կապի բաժանմունքների քանակը (բաժին 1), Ազգային փոստի և փոստի տեղափոխում կազմակերպության շարժակազմով (բաժին 2), Փոստային կապի միջոցների քանակը (բաժին 3), Ազգային փոստի և փոստային ծառայություններ մատուցող կազմակերպությունների փոստատարների թվաքանակը (բաժին 4):

2.1. 1-ին բաժնի 110 տողում ցույց է տրվում փոստային կապի բաժանմունքների քանակը տարվա վերջի դրությամբ, իսկ 120 տողում՝ առաքման տեղամասերի քանակը:

2.2. 2-րդ բաժնի 210 և 211 տողերում լրացվում են օդային տրանսպորտով փոստային առաքումների փաստացի ծավալները (կիլոգրամ), որոնց լրացման համար հիմք են հանդիսանում փոստային առաքումների բեռնագրերը և ավիաընկերությունների հետ կնքված պայմանագրերը:

2.3. Հաշվետվության 220 տողում՝ «Շահագործվող փոստային վագոններ», լրացվում է կապի կազմակերպությունների հաշվեկշռում առկա փոստային վագոնների (ներառյալ վերանորոգման մեջ գտնվող վագոնների) քանակը, որոնք օգտագործվում են փոստային առաքումներ իրականացնելու համար: Այս ցուցանիշում չեն ներառվում փոստային այն վագոնները, որոնք օգտագործվում են կապի կազմակերպությունների կողմից արտադրական ծառայությունների, ինչպես նաև փոստային առաքումների հետ կապ չունեցող այլ կարիքների համար:

2.4. «Կազմակերպության ավտոմեքենաներ փոստի տեղափոխման համար» (տող 230) ցուցանիշում ներառվում են կազմակերպությունների հաշվեկշռում առկա ավտոմեքենաները, մոտոցիկլետները (ներառյալ նորոգման մեջ գտնվող), որոնք շահագործվում են փոստային առաքումների համար:

2.5. 240 տողում լրացվում է փոստային փոխադրումներ իրականացնող փոստային վագոնների վազքը: Այդ ցուցանիշի մեջ ներառվում է նաև ըստ կապի կազմակերպությունների հայտերի՝ փոստային լրացուցիչ վագոնների և վերանորոգման ուղարկվող փոստային վագոնների վազքը: Փոստային վագոնների վազքը որոշվում է ուղիղ և հետադարձ գծի երկարության (որը նշված է փոստային պայմանագրերում) և հաշվետու տարվա ընթացքում կատարված երթերի փաստացի քանակի արտադրյալով:

2.6. 241 տողի ցուցանիշում ցույց է տրվում տեղական հաղորդակցության փոստային վագոնների վազքը:

2.7. 250 տողի ցուցանիշում լրացվում է քաղաքային, շրջանային երթուղիներով փոստային առաքումներ իրականացնող կազմակերպության ավտոմեքենաների (ներառյալ մոտոցիկլետներ) վազքը:

Վազքի ցուցանիշի մեծությունն ըստ ուղիղ երթուղու, որոշվում է երթուղիների երկարության կրկնապատիկի (ուղիղ և հետադարձ ուղղություններ) և հաշվետու տարվա երթերի քանակի արտադրյալով, իսկ ըստ օղակաձև երթուղիների՝ ամբողջ երթուղու երկարության և կատարված երթերի թվի արտադրյալով:

Ավտոմեքենաների վազքի մեջ չի ներառվում ավտոպարկից մինչև կապի կազմակերպության և հետադարձ՝ մինչև ավտոպարկ ընկած հեռավորությունը:

Երթուղիների երկարության տվյալները վերցվում են միջշրջանային, ներշրջանային քաղաքային երթուղիներով փոստի շարժման չվացուցակից:

Կատարված երթերի քանակը հաշվետու ժամանակաշրջանի համար որոշվում է փոստային փոխադրումների ապրանքատրանսպորտային բեռնագրերի հիման վրա:

2.8. 3-րդ բաժնի 310 տողում ցույց է տրվում շահագործման մեջ գտնվող փոստարկղերի, ներառյալ շենքի (կապի կազմակերպություններ, ֆաբրիկաներ, գործարաններ, զինվորական տեղամասեր, հանգստյան տներ, առողջարաններ, կայաններ և այլն) ներսում տեղադրված փոստարկղերի քանակը:

2.9. 3-րդ բաժնի 311 տողում լրացվում է փոստարկղերի քանակը՝ տեղադրված կապի կազմակերպության գյուղական բնակավայրերում գտնվող սպասարկման տարածքում:

2.10. 311-380 տողերում ցույց են տրվում շահագործման մեջ, ինչպես նաև վերանորոգման նպատակով պահեստում գտնվող տեխնիկական միջոցների քանակը՝ հիմնված գույքագրման և հաշվապահական հաշվառման փաստաթղթերի տվյալների վրա:

2.11. Հաշվետվության 4-րդ բաժնում լրացվում է հաստիքային և ոչ հաստիքային փոստատարների թվաքանակը, որոնք իրականացնում են միայն Լեռնային Ղարաբաղի Հանրապետության տարածքային կառավարման և ենթակառուցվածքների զարգացման նախարարության համակարգի փոստափոխադրումները: 410 տողում ցույց է տրվում փոստատարների ընդհանուր թվաքանակը, իսկ 411 և 412 տողերում համապատասխանաբար՝ քաղաքային և գյուղական բնակավայրերի փոստատարների թվաքանակը:

Ոչ լրիվ աշխատանքային շաբաթ կամ աշխատանքային օր աշխատող փոստատարների թվաքանակը 4-րդ բաժնում հաշվի են առնվում որպես լրիվ միավոր: Այդ բաժինը լրացնելու համար հիմք են հանդիսանում կապի կազմակերպության հաստիքային ցուցակները:

ԼՂՀ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ                     ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ
Ներկայացվում է համաձայն՝ «Պետական վիճակագրության մասին» ԼՂՀ օրենքի, օրենքով սահմանված կարգով՝ ԼՂՀ Վիճակագրության պետական խորհրդի կողմից հաստատված «Պետական վիճակագրական աշխատանքների ծրագրի» և «Պետական վիճակագրական աշխատանքների իրականացման համար վիճակագրական տեղեկությունների ներկայացման» կարգի
ՏՐԱՄԱԴՐՎԱԾ ՏԵՂԵԿՈՒԹՅՈՒՆՆԵՐԻ ԳԱՂՏՆԻՈՒԹՅԱՆ ՊԱՀՊԱՆՈՒՄԸ ԵՐԱՇԽԱՎՈՐՎՈՒՄ Է ՕՐԵՆՔՈՎ
Ներկայացվում է	Ներկայացնում են	Հաշվետվության ներկայացման ժամկետը՝
ԼՂՀ Ազգային վիճակագրական ծառայություն (ԼՂՀ ԱՎԾ) կամ ԼՂՀ ԱՎԾ տարածքային բաժին	Կապի ծառայություններ մատուցող կազմակերպությունները, հիմնարկները և անհատ ձեռնարկատերերը	մինչև հաշվետու ժամանակաշրջանին հաջորդող ամսվա 30-ը
Ում է ներկայացվում (անվանումը) ______________________________ Ով է ներկայացնում (անվանումը կամ Ա.Ա.Հ)______________________ Փաստացի գործունեության հիմնական տեսակը ____________________ _________________________________________________________ Գտնվելու վայրը____________________________________________ ___________________________________________I   I   I   I   I   I  I Շրջանը___________________համայնքը_______________________ Պետական ռեգիստրում գրանցման (հաշվառման) համարը I  I  I I  I  I  I  I I I I Նույնականացման (իդենտիֆիկացիոն) ծածկագիրը      I  I  I  I  I  I  I  I  I Հարկ վճարողի հաշվառման համարը                         I  I  I  I  I  I  I  I  I Պետական ռեգիստրում գրանցման (հաշվառման) համարը և նույնականացման (իդենտիֆիկացիոն) ծածկագիրը լրացվում է ԼՂՀ արդարադատության նախարարության պետական ռեգիստրի բաժնի կողմից տրված գրանցման (հաշվառման) վկայականից		Ձև թիվ 21-ԿԱՊ   (տարեկան)     Հաստատված է ԼՂՀ վիճակագրության պետական խորհրդի 22 հունիսի 2006 թվականի թիվ 13 որոշմամբ
		Չլրացնել
		ՏԳՏԴ         I   I   I   I   I    Շրջանը            I   I   I   Համայնքը   I   I   I   I
Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն՝ օրենքով սահմանված կարգով:

ՓՈՍՏԱՅԻՆ ԿԱՊԻ ՄԱՍԻՆ

200___թ. համար

1. Փոստային կապի բաժանմունքների քանակը

2. Ազգային փոստի և փոստի տեղափոխում կազմակերպության շարժակազմով

3. Փոստային կապի միջոցների քանակը, հատ

4. Ազգային փոստի և փոստային ծառայություններ մատուցող կազմակերպությունների փոստատարների թվաքանակը