| |
Գրանցված է
Լեռնային Ղարաբաղի Հանրապետության արդարադատության նախարարության կողմից «04» հոկտեմբերի 2006թ.
Պետական գրանցման թիվ 601 |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ
ԸՆՏՐԱԿԱՆ ՀԱՆՁՆԱԺՈՂՈՎ
|
«27» սեպտեմբերի 2006թ. |
Թիվ 19/54 |
ք.Ստեփանակերտ
Ո Ր Ո Շ ՈՒ Մ
ՏԵՂԱՄԱՍԱՅԻՆ ԿԵՆՏՐՈՆՈՒՄ ՄԵԿԻՑ ԱՎԵԼԻ ՔՎԵԱՏՈՒՓԵՐ ՕԳՏԱԳՈՐԾԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության ընտրական օրենսգրքի 42-րդ հոդվածի 1-ին կետի 7-րդ ենթակետով` Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ է.
Սահմանել տեղամասային կենտրոնում մեկից ավելի քվեատուփեր օգտագործելու կարգը` համաձայն հավելվածի:
|
ԼՂՀ կենտրոնական ընտրական
հանձնաժողովի նախագահ` |
Ս. Նասիբյան |
| |
Հավելված
ԼՂՀ ԿԸՀ 2006թ. սեպտեմբերի 27-ի
թիվ 19/54 որոշման |
Կ Ա Ր Գ
Տեղամասային կենտրոնում մեկից ավելի քվեատուփեր օգտագործելու
1. Նույն օրը տարբեր ընտրություններ (ընտրություն և հանրաքվե) անցկացվելու դեպքում, յուրաքանչյուր ընտրության (հանրաքվեի) համար` քվեարկությունը կազմակերպելու նպատակով, տեղամասային կենտրոնում տեղադրվում է առնվազն մեկ քվեատուփ:
2. Հաշվի առնելով քվեաթերթիկի չափերը և ընտրական տեղամասում ընտրողների թիվը, 1000-ից ավելի ընտրող ունեցող ընտրական տեղամասում քվեարկությունը կազմակերպելու նպատակով, մեկ ընտրության համար կարող է օգտագործվել մեկից ավելի քվեատուփեր` տեղադրելով դրանք իրար վրա:
3. Քվեարկության օրը տեղամասային ընտրական հանձնաժողովի նախագահը ստուգում է քվեատուփի (քվեատուփերի) դատարկ լինելը, փակում, կնքում է (հատուկ կապիչներով փակում է) քվեատուփը (քվեատուփերը) և տեղադրում տեղամասային կենտրոնում գտնվելու իրավունք ունեցող անձանց համար տեսանելի տեղում:
4. Միևնույն ընտրության համար նախատեսված` իրար վրա դասավորված քվեատուփերից առաջինը լցվելուց հետո, տեղամասային ընտրական հանձնաժողովի նախագահը փակում, կնքում է (հատուկ կապիչներով փակում է) քվեատուփի ճեղքը և փոխում քվեատուփերի դասավորվածությունը` լցված քվեատուփը տեղադրելով ներքևում:
5. Տեղամասային կենտրոնում միևնույն ընտրության համար մեկից ավելի քվեատուփեր օգտագործելու դեպքում քվեարկության արդյունքների ամփոփման ժամանակ հաջորդ քվեատուփը բացվում է առաջին քվեատուփում առկա բոլոր քվեաթերթիկները սահմանված կարգով տեսակավորելուց հետո:
|
ԼՂՀ կենտրոնական ընտրական
հանձնաժողովի քարտուղար` |
Ռ. Նազարյան |