ք.Ստեփանակերտ

Ղեկավարվելով Լեռնային Ղարաբաղի Հանրապետության ընտրական օրենսգրքի 58-րդ հոդվածի 1-ին կետով` ԼՂՀ կենտրոնական ընտրական հանձնաժողովը ո ր ո շ ու մ է.

1. Քվեարկության ընթացքում քվեաթերթիկում ընտրողի կողմից կատարվող որպես միատեսակ նշագրում սահմանել V (վեաձև) նշանը:

2. Ընտրողը քվեաթերթիկում նշում է կատարում այն թեկնածուի կամ կուսակցության (կուսակցությունների դաշինքի) անվան դիմացի` նշումի համար նախատեսված դատարկ քառանկյունում, որին կողմ է քվեարկում: Մեկ թեկնածու քվեարկելու դեպքում` եթե կողմ է քվեարկելու, նշում է կատարում «Կողմ եմ» բառերի, եթե դեմ` «Դեմ եմ» բառերի դիմացի` նշումի համար նախատեսված դատարկ քառանկյունում: Քվեաթերթիկը վավեր է, եթե պարունակում է սույն որոշման 1-ին կետով սահմանված կամ դրան նմանվող նշում, և կատարված նշումը հստակ ու աներկբա արտահայտում է ընտրողի մտադրությունը:

3. Ուժը կորցրած ճանաչել ԼՂՀ կենտրոնական ընտրական հանձնաժողովի 2005թ. փետրվարի 25-ի «Քվեաթերթիկում ընտրողի կողմից միատեսակ նշում կատարելու մասին» թիվ 3/9 որոշումը: