ք. Ստեփանակերտ

Ղեկավարվելով «Քաղաքացիական ծառայության մասին» ԼՂՀ օրենքի 37-րդ հոդվածի 6-րդ մասով և 44-րդ հոդվածի 2-րդ մասով` ԼՂՀ քաղաքացիական ծառայության խորհուրդը ո ր ո շ ու մ է.

ԼՂՀ քաղաքացիական ծառայության խորհրդի 2004թ. փետրվարի 23-ի «ԼՂՀ քաղաքացիական ծառայության խորհրդի կանոնադրությունը հաստատելու մասին» թիվ 1 որոշման մեջ կատարել հետևյալ լրացումներն ու փոփոխությունները.

որոշմամբ հաստատված հավելվածի`

1) 8-րդ կետի «բ» ենթակետի «ներկայացմամբ» բառը փոխարինել «առաջարկությամբ» բառով.

2) 8-րդ կետի «է» ենթակետը շարադրել հետևյալ խմբագրությամբ.

«է) մասնագիտական գիտելիքների և աշխատանքային ունակությունների կատարելագործման նպատակով քաղաքացիական ծառայողների մեկ տարուց ավելի ժամկետով գործուղման դեպքում տալիս է համաձայնություն.».

3) 8-րդ կետի «ը» ենթակետը ուժը կորցրած ճանաչել.

4) 8-րդ կետի «թ» ենթակետից հանել «քաղաքացիական ծառայողի հետ» բառերը.

5) 8-րդ կետի «թգ» ենթակետը շարադրել հետևյալ խմբագրությամբ.

«թգ) օրենքի հիման վրա սահմանում է քաղաքացիական ծառայողների վերապատրաստման, մասնագիտական գիտելիքների և աշխատանքային ունակությունների կատարելագործման նպատակով գործուղելու կարգը.».

6) 8-րդ կետի «թե» ենթակետը ուժը կորցրած ճանաչել.

7) 8-րդ կետի «ժզ» ենթակետը շարադրել հետևյալ խմբագրությամբ.

«ժզ) համաձայնություն է տալիս քաղաքացիական ծառայողի նկատմամբ Օրենքի 32-րդ հոդվածի 1-ին կետի «գ» և (կամ) «դ» կամ «գ» և «զ» կամ «դ» և «զ» ենթակետերով նախատեսված կարգապահական տույժերը մեկ տարվա ընթացքում կիրառելու, ինչպես նաև Օրենքի 32-րդ հոդվածի 1-ին կետի «ե» ենթակետով նախատեսված կարգապահական տույժը կիրառելու դեպքերում.».

8) 10-րդ կետի «ժա» ենթակետից հանել «,2-րդ և 3-րդ» բառերը, իսկ «աստիճաններ» բառը փոխարինել «աստիճան» բառով.

9)10-րդ կետի «ժե» ենթակետը շարադրել հետևյալ խմբագրությամբ.

«ժե) մասնագիտական գիտելիքների և աշխատանքային ունակությունների կատարելագործման նպատակով Խորհրդի աշխատակազմի բարձրագույն, ինչպես նաև գլխավոր պաշտոնների 1-ին ենթախմբի պաշտոններ զբաղեցնող քաղաքացիական ծառայողների գործուղման դեպքում թույլատրում է պահպանել վարձատրությունը.».

10) 10-րդ կետի «ժթ» ենթակետի «եռօրյա ժամկետում» բառերը փոխարինել «երեք աշխատանքային օրվա ընթացքում» բառերով.

11) 10-րդ կետի «ժէ¹» ենթակետը ուժը կորցրած ճանաչել: