|
|
Գրանցված է
Լեռնային Ղարաբաղի Հանրապետության
արդարադատության նախարարության կողմից
«09» հունիսի 2007թ.
Պետական գրանցման թիվ 691 |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ
ԸՆՏՐԱԿԱՆ ՀԱՆՁՆԱԺՈՂՈՎ
Ո Ր Ո Շ ՈՒ Մ
|
«30» մայիսի 2007թ. |
Թիվ 35/133 |
ք. Ստեփանակերտ
ՔՎԵԱԹԵՐԹԻԿՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
Ղեկավարվելով Լեռնային Ղարաբաղի Հանրապետության ընտրական օրենսգրքի 501-րդ հոդվածի 9-րդ կետով՝ Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ո ւ մ է.
1. Քվեաթերթիկները թողարկելուց հետո թեկնածուի կամ կուսակցության կամ կուսակցությունների դաշինքի ընտրական ցուցակի գրանցումը Լեռնային Ղարաբաղի Հանրապետության ընտրական օրենսգրքով սահմանված կարգով ուժը կորցրած կամ անվավեր ճանաչվելու, ինչպես նաև կուսակցությունների դաշինքի լուծարման դեպքերում տեղամասային ընտրական հանձնաժողովը, մինչև քվեաթերթիկն ընտրողին հանձնելը, այդ թեկնածուի անունը կամ կուսակցության կամ կուսակցությունների դաշինքի անվանումը պարունակող տողի վրա՝ գրիչով, գիծ քաշելով քվեաթերթիկից հանում է թեկնածուի անունը կամ կուսակցության կամ կուսակցությունների դաշինքի անվանումը:
2. Տեղամասային ընտրական հանձնաժողովի կողմից քվեաթերթիկում սույն որոշման 1-ին կետին համապատասխան կատարված նշումը լրացուցիչ նշում չի համարվում և չի կարող քվեաթերթիկն անվավեր ճանաչելու հիմք հանդիսանալ:
3. Ուժը կորցրած ճանաչել ԼՂՀ ԿԸՀ 2006թ. մայիսի 26-ի «Քվեաթերթիկում փոփոխություն կատարելու մասին» թիվ 17/42 որոշումը:
|
ԼՂՀ կենտրոնական ընտրական
հանձնաժողովի նախագահ՝ |
Ս. Նասիբյան |