ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ

ՆԱԽԱՐԱՐՈՒԹՅՈՒՆ

 

Հ Ր Ա Մ Ա Ն

 

«15» հունվարի 2009թ.

թիվ 02-Ն

 ք. Ստեփանակերտ

 

ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ԼԻՑԵՆԶԱՎՈՐՄԱՆ ՀԱՆՁՆԱԺՈՂՈՎԻ ԿԱԶՄԸ, ԿԱՆՈՆԱԴՐՈՒԹՅՈՒՆԸ ԵՎ ԵԶՐԱԿԱՑՈՒԹՅԱՆ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Լիցենզավորման մասին» Լեռնային Ղարաբաղի Հանրապետության օրենքի 8-րդ հոդվածի 4-րդ մասը և ղեկավարվելով Լեռնային Ղարաբաղի Հանրապետության կառավարության 2004 թվականի մարտի 16-ի թիվ 90 որոշմամբ հաստատված Լեռնային Ղարաբաղի Հանրապետության առողջապահության նախարարության կանոնադրության 8-րդ կետի «բ» և «իա» ենթակետերով, ելնելով այն հանգամանքից, որ նախարարության աշխատակազմը 2008 թվականից համալրված է լիցենզիայի գծով մասնագետով, որը համաձայն «Լիցենզավորման մասին» Լեռնային Ղարաբաղի Հանրապետության օրենքի, որպես լիազորված պաշտոնատար անձ, ապահովում է առողջապահական տարբեր կազմակերպությունների կողմից լիցենզավորման համար նախարարությանը ներկայացված փաստաթղթերի և դրանց հիման վրա արձանագրված եզրակացությունների իրավական վավերությունը, հաշվի առնելով հանրապետությունում աճող լիցենզավորման ենթակա սուբյեկտների թիվը, ձգտելով ապահովել լիցենզավորված սուբյեկտների գործունեության ստուգումների և ուսումնասիրությունների մասնագիտացված և արդյունավետ իրականացումը, տվյալ գործունեությունն իրականացնելու համար պարտադիր պահանջների և պայմանների պահպանման նկատմամբ վերահսկողության կատարելագործման նպատակով`

 

Հ Ր Ա Մ Ա Յ ՈՒ Մ ԵՄ

 

1. Հաստատել`

1) Առողջապահության ոլորտում լիցենզավորման հանձնաժողովի կազմը` համաձայն թիվ 1 հավելվածի.

2) Առողջապահության ոլորտում լիցենզավորման հանձնաժողովի կանոնադրությունը` համաձայն թիվ 2 հավելվածի.

3) Բժշկական օգնության և սպասարկման համար կազմակերպության կողմից ներկայացված լիցենզավորման հայտի փաստաթղթային ուսումնասիրության լիցենզավորման հանձնաժողովի եզրակացության ձևը` համաձայն թիվ 3 հավելվածի.

4) Դեղատնային գործունեության համար կազմակերպության կողմից ներկայացրած լիցենզավորման հայտի փաստաթղթային ուսումնասիրության լիցենզավորման հանձնաժողովի եզրակացության ձևը` համաձայն թիվ 4 հավելվածի:

2. Լեռնային Ղարաբաղի Հանրապետության առողջապահության նախարարության աշխատակազմի ընդհանուր բաժնի գլխավոր մասնագետ-իրավաբան Հ.Բ.Գասպարյանին` սույն հրամանն օրենսդրությամբ սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

3. Սույն հրամանի կատարման հսկողությունը ստանձնում եմ ինքս:

4. Ուժը կորցրած ճանաչել Լեռնային Ղարաբաղի Հանրապետության առողջապահության նախարարի 2003 թվականի մարտի 15-ի թիվ 20 հրամանը:

 

 

ՆԱԽԱՐԱՐ

Ա.Ռ.ԽԱՉԱՏՐՅԱՆ

 

 

Հավելված թիվ 1 Լեռնային Ղարաբաղի Հանրապետության առողջապահության նախարարության «15» հունվարի 2009թ. թիվ 02-Ն հրամանի

 

Կ Ա Զ Մ

 

ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ԼԻՑԵՆԶԱՎՈՐՄԱՆ ՀԱՆՁՆԱԺՈՂՈՎԻ

 

ՆԱԽԱԳԱՀ`

 

Լեռնային Ղարաբաղի Հանրապետության առողջապահության նախարարության աշխատակազմի ընդհանուր բաժնի առաջատար մասնագետ լիցենզիայի գծով

 

ՔԱՐՏՈՒՂԱՐ `

 

Լեռնային Ղարաբաղի Հանրապետության առողջապահության նախարարության աշխատակազմի բժշկական օգնության կազմակերպման և վիճակագրական-վերլուծական բաժնի առաջատար մասնագետ-դեղագետ

 

ԱՆԴԱՄՆԵՐ `

 

1. Լեռնային Ղարաբաղի Հանրապետության առողջապահության նախարարության աշխատակազմի ընդհանուր բաժնի վարիչ

2. Լեռնային Ղարաբաղի Հանրապետության առողջապահության նախարարության աշխատակազմի պետական հիգիենիկ և հակահամաճարակային տեսչության պետ

3. Լեռնային Ղարաբաղի Հանրապետության առողջապահության նախարարության աշխատակազմի բժշկական օգնության կազմակերպման և վիճակագրական-վերլուծական բաժնի վարիչ

4. Լեռնային Ղարաբաղի Հանրապետության առողջապահության նախարարության աշխատակազմի ընդհանուր բաժնի գլխավոր մասնագետ-իրավաբան

5. Լեռնային Ղարաբաղի Հանրապետության առողջապահության նախարարության աշխատակազմի պետական առողջապահական գործակալություն պետ

6. Լեռնային Ղարաբաղի Հանրապետության առողջապահության նախարարության «Ստոմատոլոգիա» փակ բաժնետիրական ընկերություն գործադիր տնօրեն:

 

 

Հավելված թիվ 2 Լեռնային Ղարաբաղի Հանրապետության առողջապահության նախարարության «15» հունվարի 2009թ. թիվ 02-Ն հրամանի

 

ԿԱՆՈՆԱԴՐՈՒԹՅՈՒՆ

 

ԱՌՈՂՋԱՊԱՀՈՒԹՅԱՆ ՈԼՈՐՏՈՒՄ ԼԻՑԵՆԶԱՎՈՐՄԱՆ ՀԱՆՁՆԱԺՈՂՈՎԻ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Լեռնային Ղարաբաղի Հանրապետության առողջապահության ոլորտի լիցենզավորման հանձնաժողովը ստեղծվում է Լեռնային Ղարաբաղի Հանրապետության առոջապահության նախարարի հրամանով:

2. Հանձնաժողովն իր գործունեության ընթացքում ղեկավարվում է Լեռնային Ղարաբաղի Հանրապետության օրենսդրությամբ և սույն կանոնադրությամբ:

3. Հանձնաժողովը ձևավորվում է Լեռնային Ղարաբաղի Հանրապետության առողջապահության նախարարության աշխատակիցներից:

4. Հանձնաժողովի նախագահը ի պաշտոնե Լեռնային Ղարաբաղի Հանրապետության առողջապահության նախարարության աշխատակազմի ընդհանուր բաժնի առաջատար մասնագետն է լիցենզիայի գծով:

5. Հանձնաժողովի քարտուղարն ի պաշտոնե Լեռնային Ղարաբաղի Հանրապետության առողջապահության նախարարության աշխատակազմի բժշկական օգնության կազմակերպման և վիճակագրական-վերլուծական բաժնի առաջատար մասնագետ-դեղագետն է:

 

2. ՀԱՆՁՆԱԺՈՂՈՎԻ ԽՆԴԻՐՆԵՐՆ ՈՒ ԳՈՐԾԱՌՈՒՅԹՆԵՐԸ

 

6. Հանձնաժողովի հիմնական խնդիրը Լեռնային Ղարաբաղի Հանրապետության առողջապահության ոլորտում լիցենզավորման գործընթացի իրականացումն է:

7. Հանձնաժողովն իր առջև դրված հիմնական խնդիրներին համապատասխան իրականացնում է հետևյալ գործառույթները`

1) քննարկում է լիցենզիա ստանալու համար դիմած կազմակերպության կողմից ներկայացված փաստաթղթերը և կայացնում է լիցենզիա տալու կամ այն մերժելու վերաբերյալ եզրակացություններ, որոնք ներկայացվում են Լեռնային Ղարաբաղի Հանրապետության առողջապահության նախարարին.

2) քննության է առնում լիցենզավորված կազմակերպությունների կողմից լիցենզիայի գործողության կասեցման կամ լիցենզիայի ուժը կորցրած ճանաչման համար հիմք հանդիսացող խախտում կատարելու դեպքում նրանց հանդեպ պատասխանատվության միջոցների կիրառման հարցերը: Կայացնում է համապատասխան պատասխանատվության միջոցների կիրառման վերաբերյալ եզրակացություններ, որոնք ներկայացվում են Լեռնային Ղարաբաղի Հանրապետության առողջապահության նախարարին.

3) առաջարկություններ է ներկայացնում լիցենզավորող մարմնին լիցենզավորման բնագավառի օրենսդրության կատարելագործման վերաբերյալ:

 

3. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԿԱԶՄԱԿԵՐՊՈՒՄԸ

 

8. Հանձնաժողովը հարցերը քննարկում է իր նիստերում, որոնք հրավիրվում են ըստ անհրաժեշտության:

9. Հանձնաժողովի նիստերն իրավազոր են, եթե դրանց մասնակցում են հանձնաժողովի անդամների կեսից ավելին:

10. Հանձնաժողովի որոշումներն ընդունվում են նիստին մասնակցող անդամների ձայների պարզ մեծամասնությամբ` փակ գաղտնի քվեարկությամբ: Ձայների հավասարության դեպքում որոշումը համարվում է ընդունված` հօգուտ հայտատուի կամ լիցենզավորվող անձի (այսուհետև` հրավիրված անձ):

11. Հարցերի քննարկման մասին հրավիրված անձին պատշաճ ձևով հայտնվում է քննարկումից ոչ ուշ, քան 7 /յոթ/ օր առաջ` տեղեկացնելով նրան քննարկման վայրի (հասցեի), ամսաթվի ու ժամի մասին:

12. Հանձնաժողովի նիստի նախագահողը հարցերը քննարկելիս հայտարարում է թե ինչ հարց է քննվելու, ովքեր են հրավիրվել քննարկմանը, հարցերի քննարկմանը մասնակցող անձանց բացատրում է նրանց իրավունքներն ու պարտականությունները, հրապարակում է հայտի, ինչպես նաև քննարկվող այլ փաստաթղթի բովանդակությունը:

13. Հարցերի քննարկմանը հրավիրված անձանց չմասնակցելը հիմք չի հանդիսանում հարցերը չքննարկելու կամ այն մերժելու համար, եթե հրավիրված անձը չի խնդրել քննարկումն անցկացնել այլ ժամկետում: Հրավիրված անձի սույն խնդրանքը կարող է բավարարվել, եթե նա քննարկմանը չի կարող մասնակցել հարգելի պատճառով և, եթե քննարկումը հետաձգելիս չեն խախտվի օրենքով նախատեսված քննարկման ժամկետները:

14. Հրավիրված անձը իրավունք ունի քննարկմանը մասնակից դարձնել մասնագետի, փորձագետի, աուդիտորի, իրավաբանի կամ թարգմանչի: Հրավիրված անձը կամ նրա շահերի պաշտպաններն իրավունք ունեն ելույթներ ունենալ, պատասխանել հանձնաժողովի անդամների հարցերին, միջնորդություններ հարուցել:

15. Հարցերի քննարկումները կատարվում են դռնբաց: Դռնփակ են քննարկվում այն հարցերը, որոնք վերաբերվում են պետական, ծառայողական կամ բանկային գաղտնիք պարունակող տեղեկություններին:

Հրավիրված անձի պահանջով քննարկումը կարող է կատարվել դռնփակ, եթե հարցերի քննարկման ժամանակ բացահայտվելու են առևտրային գաղտնիք պարունակող տեղեկություններ:

Դռնբաց քննարկվող հարցերի քննարկմանը կարող են մասնակցել լրագրողներ, մասնագետներ, պաշտոնատար այլ անձինք:

16. Հանձնաժողովի որոշումը կայացվում է հարցի քննության ավարտից հետո առանձին սենյակում` դռնփակ: Հանձնաժողովի կողմից որոշման կայացման ժամանակ այդ սենյակում կարող են գտնվել միայն հանձնաժողովի անդամները:

17. Հանձնաժողովի եզրակացությունները հրապարակվում են և պատշաճ ձևով հանձնվում կամ ուղարկվում են հրավիրված անձին:

18. Հանձնաժողովի եզրակացությունն այն կայացնելու օրը հանձնվում է լիցենզավորող մարմնի ղեկավարին:

19. Հանձնաժողովում հարցերի քննարկման ժամանակ կազմվում է արձանագրություն, որտեղ նշվում է`

1) հանձնաժողովի նիստի անցկացման ամսաթիվը և տեղը.

2) հանձնաժողովի տեսակը և կազմը.

3) քննարկվող հարցի բովանդակությունը.

4) տեղեկություններ քննարկմանը մասնակցող անձանց մասին.

5) հարցի քննարկմանը մասնակցող անձանց բացատրությունները, նրանց միջնորդությունները և դրանց քննարկման արդյունքները.

6) հարցի քննարկման ընթացքում հետազոտված փաստաթղթերը և այլ ապացույցները.

7) հանձնաժողովի եզրակացության բովանդակությունը.

8) տեղեկություններ ընդունված եզրակացության հրապարակման մասին:

Հանձնաժողովի նիստերի արձանագրությունները ստորագրում են նիստի նախագահողը և քարտուղարը:

20. Հանձնաժողովի նախագահը`

1) հրավիրում է հանձնաժողովի նիստեր և նախագահում դրանք.

2) կազմակերպում է հանձնաժողովի աշխատանքները և վերահսկողություն իրականացնում հանձնաժողովի կողմից ընդունված որոշումների կատարման համար.

3) ստորագրում է հանձնաժողովի որոշումները, նիստերի արձանագրությունները և դրանց գործունեության հետ առնչվող մյուս փաստաթղթերն ու գրանցամատյանները.

4) մշակում և հանձնաժողովի քննարկմանն է ներկայացնում վերջինիս բնագավառին վերաբերող նյութերն ու ընթացիկ տեղեկությունները, նախապատրաստում առաջարկություններ դրանց վերաբերյալ.

5) կազմում է միջոցառումների ծրագիր, նախապատրաստում է առաջարկություններ հանձնաժողովի աշխատանքային պլանների կազմման և կատարման վերաբերյալ.

6) իրականացնում է Լեռնային Ղարաբաղի Հանրապետության օրենսդրությամբ և սույն կանոնադրությամբ իրեն վերապահված այլ լիազորություններ:

21. Հանձնաժողովի քարտուղարը`

1) նախապատրաստում է հանձնաժողովի նիստերը.

2) ստորագրում է հանձնաժողովի նիստերի արձանագրությունները.

3) կազմում է հանձնաժողովի որոշումները և կազմակերպում դրանց տարածումը.

4) վերլուծում է հանձնաժողովի գործունեության բնագավառին վերաբերող հարցերը և արդյունքների մասին զեկուցում հանձնաժողովի նախագահին:

22. Հանձնաժողովի անդամները

1) մասնակցում են հանձնաժողովի նիստերին, հանձնաժողովի աշխատանքային պլանների մշակման և դրանց իրականացման հետ կապված աշխատանքներին.

2) հանձնաժողովի նիստերին հարգելի պատճառով չմասնակցելու դեպքում նախապես տեղեկացնում են հանձնաժողովի նախագահին կամ քարտուղարին:

 

4. ՀԱՆՁՆԱԺՈՂՈՎԻ ԳՈԾՈՒՆԵՈՒԹՅԱՆ ԴԱԴԱՐՈՒՄԸ

 

23. Հանձնաժողովի գործունեությունը դադարում է Լեռնային Ղարաբաղի Հանրապետության օրենսդրությամբ սահմանված կարգով:

24. Հանձնաժողովի գործունեության դադարումից հետո հանձնաժողովի գործունեությանն առնչվող և այլ նյութերն ենթակա են պահպանման Լեռնային Ղարաբաղի Հանրապետության օրենսդրությամբ սահմանված կարգով:

 

 

Հավելված թիվ 3 Լեռնային Ղարաբաղի Հանրապետության առողջապահության նախարարության «15» հունվարի 2009թ. թիվ 02-Ն հրամանի

 

ԼԻՑԵՆԶԱՎՈՐՄԱՆ ՀԱՆՁՆԱԺՈՂՈՎԻ

ԵԶՐԱԿԱՑՈՒԹՅՈՒՆ N

 

Բժշկական օգնության և սպասարկման համար կազմակերպության կողմից ներկայացրած լիցենզավորման հայտի փաստաթղթային ուսումնասիրության մասին

 

ք.Ստեփանակերտ

«____»__________ 200_թ.

 

Համաձայն _________________________________________________________________

                                       կազմակերպության /անհատ ձեռնարկատիրոջ/ անունը

 

կողմից ներկայացրած հայտի, իրականացվել է փաստաթղթային ուսումնասիրություն:

Ուսումնասիրության արդյունքում պարզվել է, որ հիշյալ կազմակերպության /անհատ ձեռնարկատիրոջ/ գործառութային, տեխնիկա-տեխնոլոգիական, գույքային և կադրային հագեցվածությունը

 

Համապատասխանում է, չի համապատասխանում

 

Լեռնային Ղարաբաղի Հանրապետությունում ընդունված բժշկական օգնության և սպասարկման համար անհրաժեշտ պարտադիր պահանջներին և պայմաններին:

Ելնելով ուսումնասիրության արդյունքից տրվում է դրական, բացասական եզրակացություն

 

______________________________________________________հասցեում իրականացնելու

 

Բժշկական օգնության և սպասարկման ձևը_________________________________________

                                                                          (հիվանդանոցային, արտահիվանդանոցային)

 

Բժշկական օգնության և կազմակերպման տեսակները_________________________________

__________________________________________________________________________

__________________________________________________________________________

__________________________________________________________________________

Հատուկ նշումներ ____________________________________________________________

__________________________________________________________________________

__________________________________________________________________________

__________________________________________________________________________

__________________________________________________________________________

 

Լիցենզավորման հանձնաժողովի նախագահ ________________________________________

                                                                                /անուն, ազգանուն, ստորագրություն/

 

Լիցենզավորման հանձնաժողովի անդամներ`

_____________________                                            _________________

_____________________                                            _________________

_____________________                                            _________________

_____________________                                            _________________

 

 

Հավելված թիվ 4 Լեռնային Ղարաբաղի Հանրապետության առողջապահության նախարարության «15» հունվարի 2009թ. թիվ 02-Ն հրամանի

                                    

ԼԻՑԵՆԶԱՎՈՐՄԱՆ ՀԱՆՁՆԱԺՈՂՈՎԻ

ԵԶՐԱԿԱՑՈՒԹՅՈՒՆ N

 

Դեղատնային գործունեության համար կազմակերպության կողմից ներկայացրած լիցենզավորման հայտի փաստաթղթային ուսումնասիրության մասին

 

ք.Ստեփանակերտ

«____»__________200_թ.

 

Համաձայն

_______________________________________________________________________

                             կազմակերպության /անհատ ձեռնարկատիրոջ/ անունը

 

կողմից ներկայացրած հայտի, իրականացվել է փաստաթղթային ուսումնասիրություն:

Ուսումնասիրության արդյունքում պարզվել է, որ հիշյալ կազմակերպության /անհատ ձեռնարկատիրոջ/ գործառութային, տեխնիկա-տեխնոլոգիական, գույքային և կադրային հագեցվածությունը

 

Համապատասխանում է, չի համապատասխանում

 

Լեռնային Ղարաբաղի Հանրապետությունում ընդունված բժշկական օգնության և սպասարկման համար անհրաժեշտ պարտադիր պահանջներին և պայմաններին:

Ելնելով ուսումնասիրության արդյունքից տրվում է դրական, բացասական եզրակացություն

 

___________________________________________________հասցեում իրականացնելու

 

Դեղատնային գործունեության ձևը _____________________________________________

                                                                (դեղատնային կամ դեղատնային կրպակներում դեղերի մանրածախ վաճառք)

________________________________________________________________________

________________________________________________________________________

 

Դեղատնային գործունեության տեսակները________________________________________

 

Հատուկ նշումներ __________________________________________________________

________________________________________________________________________

________________________________________________________________________

________________________________________________________________________

________________________________________________________________________

 

 

Լիցենզավորման հանձնաժողովի նախագահ  _____________________________________

                                                                              /անուն,ազգանուն,ստորագրություն/

Լիցենզավորման հանձնաժողովի անդամներ`

_____________________                                        _________________

_____________________                                        _________________

_____________________                                        _________________