Ղեկավարվելով «Դատական ակտերի հարկադիր կատարման մասին» Լեռնային Ղարաբաղի Հանրապետության օրենքի 40-րդ հոդվածի 3-րդ և 6-րդ մասերով.

Հաստատել Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի կողմից Լեռնային Ղարաբաղի Հանրապետության արդարադատության նախարարության դատական ակտերի հարկադիր կատարումն ապահովող ծառայությանը պարտապանի գույքի և գույքային իրավունքների վերաբերյալ տեղեկատվություն տրամադրելու կարգը` համաձայն հավելվածի:

1. Սույն կարգով սահմանվում են Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի (այսուհետ` Պետական կոմիտե) կողմից Լեռնային Ղարաբաղի Հանրապետության արդարադատության նախարարության դատական ակտերի հարկադիր կատարումն ապահովող ծառայությանը (այսուհետ` ԴԱՀԿԱ ծառայություն) կատարողական վարույթներով պարտապանի գույքի հետախուզման նպատակով տեղեկատվություն տրամադրելու կարգը:

2. Կատարողական վարույթներով պարտապանի գույքի հետախուզման նպատակով տեղեկատվություն ստանալու համար ԴԱՀԿԱ ծառայությունը դիմում է Պետական կոմիտեի աշխատակազմի Տեղեկատվական կենտրոն ստորաբաժանմանը հարցումով` համաձայն N 1 ձևի:

3. Պետական կոմիտեն ԴԱՀԿԱ ծառայությունից հարցումը ստանալուց հետո Պետական կոմիտեի տեղեկատվական բազայում առկա տեղեկատվության հիման վրա յոթ աշխատանքային օրվա ընթացքում կազմում և ԴԱՀԿԱ ծառայություն է ուղարկում հարցման պատասխանը` համաձայն N 2 ձևի:

4. Պարտապանի անվամբ գրանցված գույքի առկայության դեպքում Պետական կոմիտեի աշխատակազմի Տեղեկատվական կենտրոնը ծանուցում է համապատասխան տարածքային ստորաբաժանմանը, մինչև գույքի վրա արգելանք դնելու մասին որոշում ստանալը, գործառույթներ կատարելուց ձեռնպահ մնալու վերաբերյալ:

5. ԴԱՀԿԱ ծառայությունը ապահովում է պետական կոմիտեից պարտապանի գույքի և գույքային իրավունքների նկատմամբ ստացված տեղեկատվության ըստ պատկանելության օգտագործումը և բացառում է տեղեկատվության ոչ նպատակային տարածումը:

Ղեկավարվելով «Դատական ակտերի հարկադիր կատարման մասին» ԼՂՀ oրենքի 40-րդ հոդվածի 3-րդ և

6-րդ մասերով` խնդրում եմ հայտնել ______________________________________________

                                                            ֆիզիկական անձի անունը, ազգանունը, հայրանունը, անձնագրային

__________________________________________________________________________

                 տվյալները, բնակության (հաշվառման) վայրը (իրավաբանական անձի անվանումը և ՀՎՀՀ)

անվամբ Լեռնային Ղարաբաղի Հանրապետությունում սեփականություն գրանցված է, թե ոչ: Գրանցված լինելու դեպքում տրամադրել տեղեկատվություն և ծանուցել համապատասխան տարածքային ստորաբաժանմանը, մինչև գույքի վրա արգելանք դնելու մասին որոշում ստանալը, գործառույթներ կատարելուց ձեռնպահ մնալու վերաբերյալ:

Միաժամանակ խնդրում եմ տեղեկություններ տրամադրել նշված անձին սեփականության իրավունքով պատկանած, սակայն վերջին վեց ամսվա ընթացքում օտարված անշարժ գույքի մասին:

ՀԱՐՑՄԱՆ ՊԱՏԱՍԽԱՆ __________________________