ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան` Լեռնային Ղարաբաղի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2014 թվականի դեկտեմբերի 23-ի «Ֆինանսավարկային կազմակերպությունների կողմից Լեռնային Ղարաբաղի Հանրապետության անժամկետ զինվորական հաշմանդամություն ունեցող երկրորդ և երրորդ խմբի հաշմանդամներին, Լեռնային Ղարաբաղի Հանրապետության պաշտպանության ժամանակ ծառայողական պարտականությունները կատարելիս զոհված զինծառայողների զավակներին, փախստականներին և բազմազավակ, միածնող ընտանիքներին հիփոթեքային վարկավորմամբ բնակարաններ, բնակելի տներ գնելու կամ բնակելի տներ կառուցելու և (կամ) վերանորոգելու նպատակով պետական ֆինանսական աջակցություն տրամադրելու մասին» N 889-Ն որոշման մեջ կատարել հետևյալ փոփոխությունն ու լրացումները.

1) որոշմամբ հաստատված կարգի 4-րդ կետի 5-րդ ենթակետը շարադրել հետևյալ խմբագրությամբ.

«5) փախստական՝ 1988-1992 թվականներին Ադրբեջանի Հանրապետությունից բռնագաղթած, Լեռնային Ղարաբաղի Հանրապետությունում մշտական բնակություն հաստատած, Լեռնային Ղարաբաղի Հանրապետության օրենսդրությամբ սահմանված կարգով որպես փախստական հաշվառված անձ, այդ թվում՝ վերջինիս փախստականի վկայականում կամ տեղեկանքում (համաձայն N 3 ձևի) նշված ընտանիքի անդամ.».

2) որոշմամբ հաստատված կարգի 38-րդ կետի 1-ին ենթակետում «պատճենը» բառից հետո լրացնել «կամ պետական լիազոր մարմնի կողմից տրված` Լեռնային Ղարաբաղի Հանրապետության օրենսդրությամբ սահմանված կարգով փախստականի հաշվառման վկայական չստացած փաստացի փախստական ընտանիքներին տրվող տեղեկանքը» բառերը.

3) որոշմամբ հաստատված կարգում լրացնել N 3 ձև` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: