| |
Գրանցված է
Լեռնային Ղարաբաղի Հանրապետության
արդարադատության նախարարության կողմից
«30» մարտի 2011թ.
պետական գրանցման համարը 1011134 |
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ
ԱՌՈՂՋԱՊԱՀՈՒԹՅԱՆ ՆԱԽԱՐԱՐ
Հ Ր Ա Մ Ա Ն
|
«24» մարտի 2011թ. |
թիվ 54-Ն |
ք.Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ
ՆԱԽԱՐԱՐԻ 2009 ԹՎԱԿԱՆԻ ԱՊՐԻԼԻ 3-Ի ԹԻՎ 57-Ն ՀՐԱՄԱՆՈՒՄ
ԼՐԱՑՈՒՄ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան.
ՀՐԱՄԱՅՈՒՄ ԵՄ`
1. Լեռնային Ղարաբաղի Հանրապետության առողջապահության նախարարի 2009 թվականի ապրիլի 3-ի «Լեռնային Ղարաբաղի Հանրապետության շրջանների բժշկական կազմակերպություններ ժամանակավոր ուղեգրված բժիշկ-մասնագետների կողմից իրականացված բժշկական օգնության դիմաց փոխհատուցման կարգը և պայմանները հաստատելու մասին» թիվ 57-Ն հրամանում կատարել հետևյալ լրացումը և փոփոխությունը`
1) հրամանով հաստատված թիվ 1 հավելվածը լրացնել հետևյալ բովանդակությամբ նոր` 13-րդ կետով.
«13. Լեռնային Ղարաբաղի Հանրապետության առողջապահության նախարարության արտահաստիքային գլխավոր մասնագետներին, եռամսյակային կտրվածքով, համաձայն վերջիններիս կողմից կատարված աշխատանքների վերաբերյալ ներկայացված գրավոր հաշվետվության, վճարվում են փոխհատուցում մասնագիտացված կաբինետի բժշկի 0.5 հաստիքի դրույքաչափով:»:
2) հրամանով հաստատված թիվ 2 հավելվածը շարադրել նոր խմբագրությամբ` համաձայն հավելվածի:
2. Սույն հրամանը սահմանված կարգով ներկայացնել Լեռնային Ղարաբաղի Հանրապետության ֆինանսների նախարարություն` համաձայնեցման, Լեռնային Ղարաբաղի Հանրապետության արդարադատության նախարարություն` պետական գրանցման:
3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Համաձայնեցված է
ԼՂՀ փոխվարչապետ,
ֆինանսների նախարար
Ս.Ա. Թևոսյան
«24» մարտի 2011թ. |
|
Հաստատված է
ԼՂՀ առողջապահության նախարար
Ս.Մովսեսյան
«24» մարտի 2011թ. |
| |
Հավելված
ԼՂՀ առողջապահության նախարարի
«24» մարտի 2011թ. թիվ 54-Ն հրամանի |
| |
«Հավելված 2
ԼՂՀ առողջապահության նախարարի
«3» ապրիլի 2009թ. թիվ 57-Ն հրամանի |
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ԼԵՌՆԱՅԻՆ ՂԱՐԱԲԱՂԻ
ՀԱՆՐԱՊԵՏՈՒԹՅՈՒՆ ԺԱՄԱՆԱԿԱՎՈՐ ՈՒՂԵԳՐՎԱԾ ԲԺԻՇԿ-
ՄԱՍՆԱԳԵՏՆԵՐԻ ԿՈՂՄԻՑ ԻՐԱԿԱՆԱՑՎԱԾ ԲԺՇԿԱԿԱՆ
ՕԳՆՈՒԹՅԱՆ ԿԱՐԳԸ ԵՎ ՊԱՅՄԱՆՆԵՐԸ
1. Սույն կարգով սահմանվում է Հայաստանի Հանրապետությունից Լեռնային Ղարաբաղի Հանրապետության բժշկական կազմակերպություններում համալրման նպատակով բժիշկ-մասնագետների ուղեգրման կարգը:
2. Լեռնային Ղարաբաղի Հանրապետությունում գործող բժշկական կազմակերպությունները Լեռնային Ղարաբաղի Հանրապետության առողջապահության նախարարություն (այսուհետ` Նախարարություն) են ներկայացնում բժիշկ-մասնագետների համալրման հայտեր:
3. Նախարարությունը Հայաստանի Հանրապետության առողջապահության նախարարության և Երևան քաղաքի խոշոր, բազմապրոֆիլ բժշկական կազմակերպությունների հետ (այսուհետ` Բազային կազմակերպություն) համաձայն նախարարության կողմից հրավիրված համապատասխան մասնագետների` ուղեգրման միջոցով կազմակերպում է ժամանակավոր համալրման գործընթաց` մեկ մասնագետի ուղեգրման առավելագույն ժամկետը սահմանվում է մինչև 15 օր:
4. Նախարարությունը պարտավորվում է Բազային կազմակերպությունից ուղեգրված բժիշկ-մասնագետներին ապահովելու կացարանային պայմանները (հյուրանոցի գիշերավարձի ծախսեր), համապատասխան ներկայացուցչական (սննդի) և տրանսպորտային (վառելիքի) ծախսերը` կապված շրջաններում բաց դռների կազմակերպման հետ:
5. Բազային կազմակերպությունում պահպանվում է բժիշկ-մասնագետի հիմնական աշխատատեղը և միջին աշխատավարձը:»: