ք.Ստեփանակերտ

Հիմք ընդունելով «Հարկերի մասին» Լեռնային Ղարաբաղի Հանրապետության օրենքում լրացումներ և փոփոխություններ կատարելու մասին» Լեռնային Ղարաբաղի Հանրապետության 2007 թվականի դեկտեմբերի 12-ի ՀՕ-91 օրենքը

Հաստատել Լեռնային Ղարաբաղի Հանրապետության հարկային պետական վարչության 2004 թվականի հունվարի 7-ի թիվ 1/Ղ հրամանում կատարվող փոփոխությունները և լրացումները` համաձայն հավելվածի:

Լեռնային Ղարաբաղի Հանրապետության հարկային պետական վարչության 2004 թվականի հունվարի 7-ի «Հարկային տեսչություններում, խոշոր հարկ վճարողների սպասարկման բաժնում հարկ վճարողների անձնական հաշվի քարտերի վարման առանձին հարցերի վերաբերյալ» կարգը հաստատելու մասին» թիվ 1/Ղ հրամանում կատարել հետևյալ փոփոխությունները և լրացումները.

ա/ հրամանի`

վերնագրում, 1-ին կետի «ա» ենթակետում «Հարկային տեսչություններում, խոշոր հարկ վճարողների սպասարկման բաժնում» բառերը փոխարինել «Հարկ վճարողներին սպասարկող ստորաբաժանումներում» բառերով.

նախաբանը շարադրել հետևյալ խմբագրությամբ.

«Հիմք ընդունելով «Հարկերի մասին» Լեռնային Ղարաբաղի Հանրապետության օրենքի 17-րդ հոդվածը, «Ավտոմոբիլային ճանապարհների շինարարության, նորոգման և պահպանման համար կատարվող հատկացումների (մասհանումների) մասին» ԼՂՀ օրենքի 12-րդ հոդվածը, «Բնապահպանական և բնօգտագործման վճարների մասին» ԼՂՀ օրենքի 19-րդ հոդվածը և «Պարտադիր սոցիալական ապահովության վճարների մասին» ԼՂՀ օրենքի 8-րդ հոդվածը».

1-ին կետի «բ» ենթակետը շարադրել հետևյալ խմբագրությամբ.

«բ/ հարկ վճարողի անձնական հաշվի քարտի ձևերը` համաձայն հավելվածներ 2-ի և 3-ի:».

1-ին կետից հետո ավելացնել հետևյալ բովանդակությամբ 1¹ կետ.

«1¹. Սահմանել, որ գույքահարկ վճարողներին հաշվառող տեղական ինքնակառավարման մարմինների կողմից գույքահարկի հաշվառումը իրականացվում է սույն հրամանով հաստատված կարգով:».

բ/ հրամանով հաստատված կարգի`

1.1 կետում «հարկային տեսչություն, խոշոր հարկ վճարողների սպասարկման բաժին» բառերը փոխարինել «հարկ վճարողներին սպասարկող ստորաբաժանում» բառերով.

1.2 կետը շարադրել հետևյալ խմբագրությամբ.

«1.2. Սույն կարգի իմաստով հարկեր և պարտադիր վճարներ են համարվում «Հարկերի մասին» Լեռնային Ղարաբաղի Հանրապետության օրենքի 12-րդ հոդվածով սահմանված հարկերը, այդ հարկատեսակներից մեկին կամ խմբին փոխարինող հաստատագրված վճարները, առևտրի հարկը (այդ թվում` թաքցված կամ պակաս ցույց տրված հարկվող օբյեկտի համար նախատեսված) «Ավտոմոբիլային ճանապարհների շինարարության, նորոգման և պահպանման համար կատարվող հատկացումների (մասհանումների) մասին» ԼՂՀ օրենքի 3-րդ հոդվածով սահմանված հատկացումները (մասհանումները), «Բնապահպանական և բնօգտագործման վճարների մասին» Լեռնային Ղարաբաղի Հանրապետության օրենքի 4-րդ և 5-րդ հոդվածներով սահմանված վճարները, ինչպես նաև «Պարտադիր սոցիալական ապահովության վճարների մասին» ԼՂՀ օրենքով սահմանված պարտադիր սոցիալական ապահովության վճարները (այսուհետ` հարկեր):».

2.4 կետում «ամսվա» բառը փոխարինել «եռամսյակի» բառով.

2.5 կետում «հաշվետու ամսվան» բառերը փոխարինել «հաշվետու եռամսյակին» բառերով.

2.7 կետում «ՀՎՍՏՄՀ բաժնի պետը (ԽՀՎՍ բաժնում՝ քարտերը վարողը) ներկայացնում է զեկուցագիր հարկային տեսչության պետին (ԽՀՎՍԲ պետին)» բառերը փոխարինել «հաշվառման գործառույթներ իրականացնող բաժնի պետը (պատասխանատու անձը) ներկայացնում է զեկուցագիր հարկային տեսչության պետին (համակարգող անձին)» բառերով.

2.8 կետում «դրամներով» բառը փոխարինել «հազար դրամներով» բառերով.

3-րդ բաժնի վերնագրում «հարկային տեսչություն» բառերը փոխարինել «հաշվառող մարմին» բառերով.

3.1 կետի`

- առաջին պարբերությունում «համայնքը սպասարկող հարկային տեսչություն» բառերը փոխարինել «հողի հարկ և գույքահարկ վճարողներին հաշվառող մարմին» բառերով,

- երկրորդ պարբերությունում հանել «այդ թվում` Լեռնային Ղարաբաղի Հանրապետության հարկային պետական վարչության խոշոր հարկ վճարողների սպասարկման բաժնում հաշվառված վճարողները» բառերը, իսկ «համայնքը սպասարկող հարկային տեսչություն» բառերը փոխարինել «հաշվառող մարմին» բառերով.

3.2 կետի`

- առաջին պարբերությունում «հարկային տեսչություններում» բառերը փոխարինել «հաշվառող մարմիններում» բառերով.

- երկրորդ պարբերությունը շարադրել հետևյալ խմբագրությամբ.

«Գույքահարկի և հողի հարկի գծով քարտ վարող ստորաբաժանումները սույն կարգի N 1 ձևով տեղեկությունները տրամադրում են գույքահարկ և հողի հարկ վճարողներին հաշվառող ստորաբաժանումներին յուրաքանչյուր եռամսյակ մինչև տվյալ եռամսյակին հաջորդող երկրորդ ամսվա 15-ը կամ գրավոր պահանջի դեպքում 5-օրյա ժամկետում: Այդ տեղեկությունների մասով գույքահարկ և հողի հարկ վճարողներին հաշվառող ստորաբաժանումները իրենց կողմից վարվող քարտերում գրանցումներ չեն կատարում:».

3.3 կետը շարադրել հետևյալ խմբագրությամբ.

«3.3. ԼՂՀ ԿԱ ՀՊԾ կառուցվածքային ստորաբաժանումների կողմից իրականացված ստուգումների ստուգման ակտերից սույն կարգի N 2 ձևով քաղվածքները` կազմված ըստ հողամասի կամ շինության գտնվելու վայրի (իսկ փոխադրամիջոցի մասով հարկ վճարողի գտնվելու վայրի) համայնքների, հարկ վճարողներին սպասարկող ստորաբաժանումների կողմից տրամադրվում են գույքահարկ և հողի հարկ վճարողներին հաշվառող մարմնին (հաշվառող ստորաբաժանմանը), ստուգման ակտը սպասարկող ստորաբաժանում մուտքագրվելուց հետո 5-օրյա ժամկետում:

Սույն կետում նշված քաղվածքներում արտացոլված տեղեկությունները համապատասխան հաշվառող մարմինները (հաշվառող ստորաբաժանումները), գրանցում են իրենց կողմից վարվող քարտերում՝ սույն կարգի դրույթներին համապատասխան:».

օրինակ 1-ից հետո ավելացնել հետևյալ բովանդակությամբ օրինակ 1.1.

«Օրինակ 1.1. Հարկ վճարողը 2008 թվականի ապրիլի 19-ին ներկայացնում է 2008 թվականի 1-ին եռամսյակի ԱԱՀ-ի հաշվարկ` 500.0 հազ. դրամ հաշվարկված ԱԱՀ-ի գումարով, իսկ վճարումը իրականացնում է 2008 թվականի հոկտեմբերի 20-ին: Քարտ վարողի կողմից հաշվարկվում է տույժ 80.3 հազ. դրամի չափով (500.0 x 90օր x 0.075% + 500.0 x 93 օր x 0.1%): 2008 թվականի հոկտեմբերի 25-ին ներկայացվում է 2008 թվականի 1-ին եռամսյակի ԱԱՀ-ի ճշգրտված հաշվարկ, որի համաձայն 1-ին եռամսյակում հաշվարկման ենթակա գումարը կազմում է 300.0 հազ. դրամ: Տվյալ դեպքում քարտում կկատարվի վերահաշվարկ, սկսած 2008 թվականի ապրիլի 20-ից, որի արդյունքում պակասեցվում է տույժը 32.1 հազ. դրամի չափով (80.3 – (300.0 x 90 օր x 0.075% + 300.0 x 93օր x 0.1% ):».

ուժը կորցրած ճանաչել օրինակ 13-ը.

Ձև 1-ում «ՀՏ (ԽՀՎՍ բաժին)» բառերը փոխարինել «սպասարկող ստորաբաժանում» բառերով:

200__թ. բյուջե կատարվող վճարման տեսակը ______________________                       Կ.Տ.

Հարկ վճարողի անվանումը (անունը) ____________________________

Կազմակերպաիրավական տեսակը ___________________                      Հաշվարկային հաշիվ ___________ թիվ

________

Գրանցման հասցեն __________________________ հեռ. _____________

»