ք.Ստեփանակերտ

 Ղեկավարվելով Լեռնային Ղարաբաղի Հանրապետության ընտրական օրենսգրքի 42-րդ հոդվածի 1-ին կետի 15-րդ ենթակետով, 50²-րդ հոդվածի 6-րդ կետով և 63-րդ հոդվածի 3-րդ կետով` Լեռնային Ղարաբաղի Հանրապետության կենտրոնական ընտրական հանձնաժողովը ո ր ո շ ու մ է.

(նախաբանը փոփ. 23.05.2007 թիվ 34/128)

1. Սահմանել տեղամասային ընտրական հանձնաժողովներին տրված կնիքները հետ վերադարձնելու կարգը` համաձայն հավելվածի:

 2. Ուժը կորցրած ճանաչել Լեռնային Ղարաբաղի Հանրապետության կենտրոնական ընտրական հանձնաժողովի 2005թ. մարտի 4-ի «Տեղամասային ընտրական հանձնաժողովներին տրված կնիքները հետ վերադարձնելու կարգը սահմանելու մասին» թիվ 4/35 որոշումը:

Կ Ա Ր Գ

Տեղամասային ընտրական հանձնաժողովներին տրված կնիքները հետ վերադարձնելու

 1. Քվերակությունն անցկացնելու համար տեղամասային ընտրական հանձնաժողովներին հատկացվում են ծրարներում փաթեթավորված կնիքներ:

 2. Քվեարկության ավարտից հետո, տեղամասային ընտրական հանձնաժողովում` Լեռնային Ղարաբաղի Հանրապետության ընտրական օրենսգրքով սահմանված գործողությունների կատարումն ավարտելուց հետո, տեղամասային ընտրական հանձնաժողովի նախագահը և քարտուղարը` քվեարկության ավարտից հետո` ոչ ուշ, քան 12 ժամվա ընթացքում հանձնաժողովին հատկացված կնիքը` ընտրական փաստաթղթերի հետ, ներկայացնում են համապատասխան տարածքային ընտրական հանձնաժողով:

(2-րդ կետը փոփ. 23.05.2007 թիվ 34/128)

 3. Տարածքային ընտրական հանձնաժողովը համեմատում է կնիքի համարը տեղամասային ընտրական հանձնաժողովի արձանագրության կնիքի համարի հետ, որից հետո տարածքային ընտրական հանձնաժողովի գործավարության մատյանում կատարում է գրառում տեղամասային ընտրական հանձնաժողովի կնիքի ստացման մասին:

 Տարածքային ընտրական հանձնաժողովը տեղամասային ընտրական հանձնաժողովների կնիքները հավաքում և պահպանում է հանձնաժողովի ընտրական փաստաթղթերի պահպանման համար նախատեսված չհրկիզվող պահարանում:

(3-րդ կետը փոփ. 23.05.2007 թիվ 34/128)

 4. Ընտրատարածքում (համայնքում) ընդգրկված բոլոր տեղամասերից կնիքները ստանալուց հետո տարածքային ընտրական հանձնաժողովը դրանք փաթեթավորում է (տեղադրում է պարկում), այնուհետև փաթեթը (պարկը) կնքում` այդ մասին գրառում կատարելով հանձնաժողովի գործավարության մատյանում: Փաթեթը (պարկը) կնքելու համար դրան սոսնձված թղթի վրա կարող են ստորագրել հանձնաժողովի անդամները:

(4-րդ կետը փոփ. 23.05.2007 թիվ 34/128)

 5. Տարածքային ընտրական հանձնաժողովի նախագահը, քվեարկության ավարտից 24 ժամ հետո տեղամասային ընտրական հանձնաժողովների կնիքների կնքված փաթեթը (պարկը), փաթեթում (պարկում) առկա կնիքների քանակի վերաբերյալ կից գրությամբ, վերադարձնում է կենտրոնական ընտրական հանձնաժողովի աշխատակազմ:

(5-րդ կետը փոփ. 23.05.2007 թիվ 34/128)

 6. Վերադարձված կնիքները կենտրոնական ընտրական հանձնաժողովում հաշվառվում են, ստուգվում նրանց պիտանելիությունը, փաթեթավորվում և դրվում դրանց համար նախատեսված հատուկ պարկում (պարկերում): Պարկը փակվում և կնքվում է կենտրոնական ընտրական հանձնաժողովի կնիքով, որի վերաբերյալ կնիքների հանձնման-ընդունման արձանագրությունների մատյանում կազմում է արձանագրություն:

(Հավելվածը փոփ. 23.05.2007 թիվ 34/128)