ք. Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի 3-րդ մասի ե) կետով` Լեռնային Ղարաբաղի Հանրապետության վիճակագրության պետական խորհուրդը որոշում է.

Հաստատել «Անասնաբուծության դրության մասին» Ձև N 24-ԳՏ (ամսական) պետական վիճակագրական հաշվետվության ձևը և լրացման հրահանգը` համաձայն հավելվածի:

1. Սույն հրահանգը սահմանում է «Անասնաբուծության դրության մասին» Ձև N 24-ԳՏ (ամսական) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացվում է համաձայն «Պետական վիճակագրության մասին» Լեռնային Ղարաբաղի Հանրապետության օրենքի, օրենքով սահմանված կարգով` Լեռնային Ղարաբաղի Հանրապետության վիճակագրության պետական խորհրդի կողմից հաստատված «Պետական վիճակագրական աշխատանքների ծրագրի» և Լեռնային Ղարաբաղի Հանրապետության վիճակագրության պետական խորհրդի 2003 թվականի հոկտեմբերի 17-ի «Վիճակագրական տեղեկությունների ներկայացման կարգը հաստատելու մասին» N 5 որոշման:

3. Տրամադրված տեղեկությունների գաղտնիությունը երաշխավորվում է Լեռնային Ղարաբաղի Հանրապետության օրենսդրությամբ:

4. Հաշվետվությունը ներկայացնում են իրավաբանական անձինք, հիմնարկները, գյուղական և քաղաքային համայնքները, անհատ ձեռնարկատերերը, որոնք այդ մասին նախօրոք տեղեկացվում են:

5. Հաշվետվությունը ներկայացվում է Լեռնային Ղարաբաղի Հանրապետության ազգային վիճակագրական ծառայության տարածքային բաժին` հաշվետվության ձևի վրա նշված պարբերականությամբ և ժամկետներում:

6. Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

7. Վիճակագրական տեղեկությունների ներկայացման հետ կապված այլ խնդիրները կարգավորվում են Լեռնային Ղարաբաղի Հանրապետության օրենսդրությամբ:

8. Հրահանգը կազմված է հաշվետվության սյունակների ու տողերի հերթականությանը համապատասխան:

9. 100-130.1-րդ տողերում ցույց է տրվում հաշվետու ժամկետում տնտեսությունում առկա բոլոր հասակի անասունների և թռչունների գլխաքանակը:

10. Հաշվետվության, անասնաբուծական մթերքի արտադրության վերաբերյալ, բոլոր տվյալները ցույց են տրվում հաշվետու ամսվա կտրվածքով և աճողական` տարվա սկզբից:

11. «Ընդամենը իրացվել է սպանդի համար անասուն և թռչուն` կենդանի քաշով» 200-րդ տողում լրացվում է տնտեսությունից սպանդի համար իրացված, ինչպես նաև տնտեսությունում մորթված և օգտագործված անասունի ու թռչնի կենդանի քաշը, ընդ որում 200.1-րդ տողում՝ տավարի, 200.2-րդ տողում՝ խոզի, 200.3-րդ տողում՝ ոչխարի և այծի, 200.4-րդ տողում՝ թռչնի կենդանի քաշը:

12. «Կթված է կաթ` կովի և մատակի» 210-րդ տողում լրացվում է տնտեսությանը պատկանող բոլոր կովերից, ծնած երինջներից, ինչպես նաև գոմեշներից կթված կաթի քանակը: Այդ տվյալներում ներառվում է նաև հորթերին խմեցնելու համար ծախսված կաթը և խեժը: Անմիջապես կովերից հորթերի ծծած կաթը հաշվի չի առնվում:

13. «Ստացված է հավի ձու» 220-րդ տողում լրացվում է տնտեսությանը պատկանող հավերից ստացված ձուն:

14. «Խուզված է ոչխարի բուրդ (ֆիզիկական քաշով)» 230-րդ տողում լրացվում է բնական խուզված բուրդը այսինքն, տարվա սկզբից մինչև հաշվետու ժամկետը խուզից ստացված ոչխարի ամբողջ բուրդը ֆիզիկական քաշով, ներառյալ ներտնտեսային կարիքների համար օգտագործածը:

15. «Աշխատողների միջին ցուցակային թվաքանակը հաշվետու տարվա վերջի դրությամբ» 300-րդ տողով ցույց է տրվում տարվա վերջի դրությամբ կազմակերպության ցուցակային կազմի աշխատողների թվաքանակը հաշվետու տարվա դեկտեմբերի 31-ի դրությամբ, ներառյալ այդ  օրն աշխատանքի ընդունվածների և աշխատանքից դուրս եկածների թվաքանակի տարբերությունը:

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ
Ներկայացվում է	Ներկայացնում են	Հաշվետվության ներկայացման ժամկետը՝
ԼՂՀ ազգային վիճակա-  գրական ծառայության տարածքային բաժին	իրավաբանական անձինք, հիմ-  նարկները, գյուղական և քաղաքային  համայնքները, անհատ ձեռնարկատերերը	մինչև հաշվետու  ժամանակաշրջանին հաջորդող ամսվա 15-ը
Ում է ներկայացվում (անվանումը) _____________________   Ով է ներկայացնում (անվանումը կամ Ա.Ա.Հ.) ____________   Փաստացի գործունեության հիմնական տեսակը ___________ ________________________________________________   Գտնվելու վայրը ___________________________________ _________________________________________I  I  I   I     Շրջանը_________________ համայնքը _______________   Պետական ռեգիստրում գրանցման (հաշվառման) համարը I  I     Նույնականացման (իդենտիֆիկացիոն) ծածկագիրը    I  I  I  I   Էլեկտրոնային փոստի հասցեն _______________________		Ձև N 24-ԳՏ  (ամսական)   Հաստատված է   Լեռնային Ղարաբաղի Հանրապետության վիճակագրության պետական խորհրդի 25 դեկտեմբերի 2012 թվականի N 27-Ն որոշմամբ

առ __________________20__ թվականի