ք.Ստեփանակերտ

Ղեկավարվելով «Պետական վիճակագրության մասին» Լեռնային Ղարաբաղի Հանրապետության օրենքի 10-րդ հոդվածի 3-րդ մասի «ե» կետով` Լեռնային Ղարաբաղի Հանրապետության վիճակագրության պետական խորհուրդը որոշում է.

1. Հաստատել «Անասնաբուծության դրության մասին» Ձև թիվ 24-ԳՏ (ամսական) պետական վիճակագրական հաշվետվության ձևը՝ համաձայն հավելված 1-ի:

2. Հաստատել «Անասնաբուծության դրության մասին» Ձև թիվ 24-ԳՏ (ամսական) պետական վիճակագրական հաշվետվության ձևի լրացման հրահանգը ՝ համաձայն հավելված 2-ի:

3. Ուժը կորցրած ճանաչել Լեռնային Ղարաբաղի Հանրապետության վիճակագրության պետական խորհրդի 2012 թվականի դեկտեմբերի 25-ի «Անասնաբուծության դրության մասին» Ձև N 24-ԳՏ (ամսական) պետական վիճակագրական հաշվետվության ձևը և լրացման հրահանգը հաստատելու մասին» N 27-Ն որոշումը:

ԱՆԱՍՆԱԲՈՒԾՈՒԹՅԱՆ ԴՐՈՒԹՅԱՆ ՄԱՍԻՆ

20    թ.___________

         (ամիս)

Հ Ր Ա Հ Ա Ն Գ

1. Հրահանգը սահմանում է «Անասնաբուծության դրության մասին» Ձև 24-ԳՏ (ամսական) պետական վիճակագրական հաշվետվության լրացման կարգը:

2. Հաշվետվությունը ներկայացնում են իրավաբանական անձինք և անհատ ձեռնարկատերերը, որոնք այդ մասին նախօրոք տեղեկացվում են:

3. Հաշվետվությունը ներկայացվում է Ազգային վիճակագրական ծառայության Ստեփանակերտ քաղաքի և շրջանային բաժիններ` հաշվետվության ձևում նշված ժամկետում:

4. Տրամադրված տեղեկությունների գաղտնիությունը երաշխավորվում է Լեռնային Ղարաբաղի Հանրապետության օրենսդրությամբ:

5. Լեռնային Ղարաբաղի Հանրապետության պետական ռեգիստրում գրանցման (հաշվառման) համարը և նույնականացման (իդենտիֆիկացիոն) ծածկագիրը լրացվում է Լեռնային Ղարաբաղի Հանրապետության արդարադատության նախարարության աշխատակազմի իրավաբանական անձանց պետական ռեգիստրի գործակալության կողմից տրված գրանցման (հաշվառման) վկայականից:

6. Պետական վիճակագրության մասին օրենսդրության խախտումը վիճակագրական տեղեկություններ տրամադրողների, ինչպես նաև պետական վիճակագրություն իրականացնող մարմնի պաշտոնատար անձանց համար առաջացնում է պատասխանատվություն` օրենքով սահմանված կարգով:

7. Հաշվետվության, անասնաբուծական մթերքի արտադրության վերաբերյալ տվյալները ցույց են տրվում ըստ համապատասխան սյունակների՝ ամսվա կտրվածքով և աճողական` տարվա սկզբից:

8.100-130.1-րդ տողերում ցույց է տրվում հաշվետու ժամկետում տնտեսությունում առկա բոլոր հասակի կենդանիների և թռչունների գլխաքանակը:

9. 200-րդ տողում լրացվում է տնտեսությունից սպանդի համար իրացված բոլոր տեսակի կենդանիների և թռչունների կենդանի քաշը:

10. 210-րդ տողում լրացվում է տնտեսությանը պատկանող բոլոր կովերից, ծնած երինջներից, ինչպես նաև գոմեշներից կթված կաթի քանակը: Այդ տվյալներում ներառվում է նաև հորթերին խմեցնելու համար ծախսված կաթը և խեժը: Անմիջապես կովերից հորթերի ծծած կաթը հաշվի չի առնվում:

11. 220-րդ տողում լրացվում է տնտեսությանը պատկանող հավերից ստացված ձուն:

12. 230-րդ տողում լրացվում է բնական խուզված բուրդը այսինքն, տարվա սկզբից մինչև հաշվետու ժամկետը խուզից ստացված ոչխարի ամբողջ բուրդը ֆիզիկական քաշով, ներառյալ ներտնտեսային կարիքների համար օգտագործածը: