ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

  ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝ Արցախի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2004 թվականի մարտի 16-ի ««Արցախի Հանրապետության աշխատանքի, սոցիալական հարցերի և վերաբնակեցման նախարարության աշխատակազմ» պետական կառավարչական հիմնարկ ստեղծելու, Արցախի Հանրապետության աշխատանքի, սոցիալական հարցերի և վերաբնակեցման նախարարության կանոնադրությունը, նախարարության աշխատակազմի կառուցվածքը, նախարարության աշխատակազմին հանձնվող գույքի կազմը և չափը հաստատելու մասին» N 84 որոշմամբ հաստատված թիվ 1 հավելվածի 10-րդ կետում լրացնել հետևյալ բովանդակությամբ 10.1-ին ենթակետ.

«10.1) պետական ֆինանսական աջակցությամբ ծրագրերի իրականացում.»:

2. Լեռնային Ղարաբաղի Հանրապետության կառավարության 2015 թվականի հունիսի 8-ի «Լեռնային Ղարաբաղի Հանրապետության գյուղական կամ քաղաքային՝ բացառությամբ Ստեփանակերտ և Շուշի քաղաքների, բնակավայրերում մշտապես բնակվող երիտասարդ ընտանիքներին բնակելի տներ կառուցելու նպատակով անհատույց պետական ֆինանսական աջակցություն տրամադրելու մասին» N 353-Ն որոշման մեջ կատարել հետևյալ փոփոխությունները և լրացումը.

1) որոշման վերնագրում, 1-ին կետի 1-2-րդ ենթակետերում, որոշմամբ հաստատված N 1 հավելվածի վերնագրում, 1-3-րդ կետերում, 4-րդ կետի 1-ին, 4-րդ ենթակետերում, 10-11-րդ, 14-15-րդ կետերում, 22-րդ կետի 1-ին ենթակետում, 27-րդ կետի 4-րդ, 9-րդ ենթակետերում, որոշմամբ հաստատված N 2 հավելվածում «Լեռնային Ղարաբաղի Հանրապետության» բառերը փոխարինել «Արցախի Հանրապետության» բառերով.

2) որոշմամբ հաստատված N 1 հավելվածի՝

ա. 4-րդ կետի 6-րդ ենթակետում «սույն կարգով սահմանված ձևով անհատույց պետական ֆինանսական աջակցություն իրագործող լիազոր մարմին» բառերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման նախարարություն» բառերով,

բ. 16-րդ կետում «ղեկավարի» բառից առաջ լրացնել «աշխատակազմի» բառը, իսկ «Լիազոր մարմնի» բառերը փոխարինել «Պետական ֆինանսական աջակցություն ապահովող մարմնի աշխատակազմի» բառերով,

գ. 30-րդ կետն ուժը կորցրած ճանաչել,

դ. 32-րդ կետում «վերահսկողության մեխանիզմները սահմանում է» բառերը փոխարինել «վերահսկողությունն իրականացնում է» բառերով:

3. Լեռնային Ղարաբաղի Հանրապետության կառավարության 2017 թվականի փետրվարի 15-ի «Արցախի Հանրապետության զինվորական հաշմանդամություն ունեցող 1-ին, 2-րդ խմբերի հաշմանդամներին, Արցախի Հանրապետության Մարտակերտի շրջանի Թալիշ, Մատաղիս, Տոնաշեն գյուղական համայնքներում փաստացի բնակվող անձանց օգտագործված էլեկտրաէներգիայի և (կամ) բնական գազի դիմաց պետական ֆինանսական աջակցության տրամադրման կարգը հաստատելու մասին» N 80-Ն որոշման մեջ կատարել հետևյալ փոփոխությունները.

1) որոշման`

ա. 2-րդ կետում «Արցախի սոցիալական ծրագրերի հիմնադրամին» բառերը փոխարինել «Արցախի Հանրապետության աշխատանքի, սոցիալական հարցերի և վերաբնակեցման նախարարությանը» բառերով,

բ. 4-րդ կետում «2018» թիվը փոխարինել «2019» թվով.

2) որոշմամբ հաստատված հավելվածի՝

ա. 3-րդ կետի 9-րդ ենթակետում «Արցախի սոցիալական ծրագրերի հիմնադրամ (այսուհետ՝ հիմնադրամ)» բառերը փոխարինել «նախարարություն» բառով,

բ. 15-րդ, 20-21-րդ կետերում «հիմնադրամ» բառը և դրա հոլովաձևերը փոխարինել «նախարարություն» բառով և դրա հոլովաձևերով,

գ. 16-րդ, 22-րդ կետերն ուժը կորցրած ճանաչել,

դ. 17-րդ կետը շարադրել հետևյալ խմբագրությամբ.

«17. Նախարարությունը մինչև յուրաքանչյուր ամսվա՝

1) 12-ը նախորդ ամսվա հաստատված ցուցակները ներկայացնում է ընկերություն.

2) 13-ը սույն կարգի 15-րդ կետում նշված ցուցակների հիման վրա Արցախի Հանրապետության ֆինանսների նախարարություն է ներկայացնում հայտ:»,

ե. 18-րդ կետում «Հիմնադրամը» բառը փոխարինել «Նախարարությունը» բառով:

4. Արցախի Հանրապետության աշխատանքի, սոցիալական հարցերի և վերաբնակեցման նախարարին՝ սույն որոշումն ուժի մեջ մտնելու պահից մեկամսյա ժամկետում.

1) սահմանել Լեռնային Ղարաբաղի Հանրապետության կառավարության 2015 թվականի հունիսի 8-ի N 353-Ն որոշմամբ հաստատված N 1 հավելվածի 24-րդ կետով նախատեսված անհատույց պետական ֆինանսական աջակցություն տրամադրելու մասին պայմանագրի և դրա անբաժանելի մասը կազմող ծավալաթերթ-նախահաշվի ձևերը.

2) ապահովել՝

ա. Լեռնային Ղարաբաղի Հանրապետության կառավարության 2017 թվականի փետրվարի 15-ի N 80-Ն որոշմամբ հաստատված հավելվածի 21-րդ կետով նախատեսված ծառայությունների մատուցման պայմանագրերի կնքումը,

բ. Լեռնային Ղարաբաղի Հանրապետության կառավարության 2017 թվականի փետրվարի 15-ի N 80-Ն որոշման 2-րդ կետով նախատեսված պահանջի կատարումը՝ 2019 թվականի մարտ ամսվա պետական ֆինանսական աջակցությունը փաստացի տրամադրելուց հետո:

5. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը, իսկ դրա գործողությունը տարածվում է 2019 թվականի հունվարի 1-ից հետո ծագած հարաբերությունների վրա: