ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք.Ստեփանակերտ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը և ղեկավարվելով Արցախի Հանրապետության Նախագահի 2017 թվականի սեպտեմբերի 25-ի ՆՀ-108-Ն հրամանագրով սահմանված կարգի 6-րդ և 92-րդ կետերով` Արցախի Հանրապետության կառավարությունը ո ր ո շ ու մ  է.

1. Լեռնային Ղարաբաղի Հանրապետության կառավարության 2015 թվականի փետրվարի 24-ի «Գործող գներով շինարարական աշխատանքների արժեքի հաշվարկման կարգը հաստատելու մասին» N 87-Ն որոշմամբ հաստատված կարգում կատարել հետևյալ փոփոխությունները`

1) 3-րդ, 13-րդ, 16-րդ և 28-րդ կետերում «Լեռնային Ղարաբաղի Հանրապետության քաղաքաշինության» բառերը փոխարինել «Արցախի Հանրապետության քաղաքաշինության» բառերով.

2) 3-րդ կետի 2-րդ ենթակետում «Լեռնային Ղարաբաղի Հանրապետության ֆինանսների և էկոնոմիկայի» բառերը փոխարինել «Արցախի Հանրապետության ֆինանսների» բառերով.

3) 21-րդ և 22-րդ կետերում «Լեռնային Ղարաբաղի» բառերը փոխարինել «Արցախի» բառով.

4) «VI. ՆՅՈՒԹԵՐԻ ԱՐԺԵՔԻ ՀԱՇՎԱՐԿ» բաժինը շարադրել հետևյալ խմբագրությամբ.

«VI. ՆՅՈՒԹԵՐԻ ԱՐԺԵՔԻ ՀԱՇՎԱՐԿ

14. Նյութերի արժեքը հաշվարկվում է`

Ան=(Ն1xԳն1 +Ն2xԳն2  +….....+ ՆnxԳնn) x 1.01 x 1.01 x Գտրանսպ                                           (6)

որտեղ`

Ան` նյութերի արժեք

Ն1, Ն2, Նn` նյութերի ծախսը` ըստ նախահաշվային նորմերի

Գն1, Գն2, Գնn` նյութերի, պատրաստվածքների և կոնստրուկցիաների արժեքները` գործող գներով: Գործող գների համար հիմք է հանդիսանում ինֆորմացիոն տեղեկագիրը: Ինֆորմացիոն տեղեկագրում չներառված նյութերի գները համաձայնեցվում են պատվիրատուի հետ:

1,01 (1%) - այլ նյութեր հաշվի առնող գործակից (այն նյութերն են, որոնք ընդգրկված չեն նախահաշվի նյութերի ցանկում և չեն համարվում հիմնական շինարարական նյութեր, բայց օգտագործվում են շինարարության պրոցեսում), բացառությամբ ճանապարհաշինության օբյեկտների, ինժեներական գծային կառույցների

1,01 (1%) -փաթեթավորման-պահեստավորման գործակից

Գտրանսպ – տրանսպորտային ծախսի գործակից։

15. Արցախի Հանրապետության Ստեփանակերտ, իսկ Քաշաթաղի շրջանում` Բերձոր քաղաքներից մինչև 20 կմ հեռավորության վրա գտնվող բնակավայրերի համար Գտրանսպ գործակիցը կազմում է 1.02 (2%):

Արցախի Հանրապետության այն բնակավայրերի համար, որոնց հեռավորությունը Արցախի Հանրապետության Ստեփանակերտ, իսկ Քաշաթաղի շրջանում` Բերձոր քաղաքներից սկսած գերազանցում է 20 կմ, Գտրանսպ գործակիցը հաշվարկվում է`

Գտրանսպ =1+S x 0.1%

որտեղ`

S - հեռավորությունը Արցախի Հանրապետության Ստեփանակերտ, իսկ Քաշաթաղի շրջանում` Բերձոր քաղաքներից մինչև տվյալ բնակավայրը:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: