ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

Հիմք ընդունելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածը` Արցախի Հանրապետության կառավարությունը ո ր ո շ ու մ  է.

1. Լեռնային Ղարաբաղի Հանրապետության կառավարության 2000 թվականի հուլիսի 31-ի «ԼՂՀ տարածք ներմուծվող և արտահանվող ապրանքանյութական արժեքների հաշվառման միջոցառումների մասին» N152 որոշման մեջ կատարել հետևյալ փոփոխությունները.

1) որոշման վերնագրում, նախաբանում, 2-4-րդ կետերում և որոշմամբ հաստատված կարգի 1-ին, 4-րդ, 9-11-րդ կետերում «ԼՂՀ» հապավումները փոխարինել «Արցախի Հանրապետության» բառերով.

2) որոշման 1-ին կետը շարադրել հետևյալ խմբագրությամբ.

«1. Ստեղծել հետևյալ հսկիչ կետերը և սահմանել դրանց տեղակայման վայրերը.

1) «Աղավնո» հսկիչ կետ` տեղակայման վայրը` Քաշաթաղի շրջան, Աղավնո համայնք, կամրջի մոտ.

2) «Խարխափուտ» հսկիչ կետ` տեղակայման վայրը` Շահումյանի շրջան, Նոր Խարխափուտ համայնք, կամրջի մոտ.

3) «Միջնաբերդ» հսկիչ կետ` տեղակայման վայրը` Շահումյանի շրջան, Քարվաճառ համայնք, Քարվաճառ-Վարդենիս նոր ճանապարհահատվածի առաջին կիլոմետր.

4) «Սանասար» հսկիչ կետ` տեղակայման վայրը` Քաշաթաղի շրջան, Հակարի համայնք, 2 կիլոմետր հեռավորությամբ` մինչև Հայաստանի Հանրապետության Սյունիքի մարզի Ներքին Խնձորեսկ գյուղի խաչմերուկը:».

3) որոշումը լրացնել հետևյալ բովանդակությամբ 1.1-ին կետով.

«1.1. Սահմանել, որ ապրանքների ներմուծումն Արցախի Հանրապետության տարածք և արտահանումն Արցախի Հանրապետության տարածքից, ինչպես նաև Արցախի Հանրապետության սահմանով ուղևորների տեղափոխումը կատարվում է սույն որոշման 1-ին կետով ստեղծված հսկիչ կետերով:».

4) որոշման 3-րդ, 4-րդ կետերում և որոշմամբ հաստատված կարգի 4-րդ, 10-րդ ու 11-րդ կետերում «հարկային պետական վարչություն» բառերը և դրանց համապատասխան հոլովաձևերը փոխարինել «հարկային մարմին» բառերով և դրանց համապատասխան հոլովաձևերով.

5) որոշմամբ հաստատված կարգի`

ա. վերնագրում «Լեռնային Ղարաբաղի» բառերը փոխարինել «Արցախի» բառով,

բ. նախաբանում «ԼՂՀ տարածք» բառերը փոխարինել «Արցախի Հանրապետության տարածք» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2019 թվականի հունիսի 1-ից հետո ծագած հարաբերությունների վրա: