Հիմք ընդունելով «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 9-րդ հոդվածը և «Իրավական ակտերի մասին» Լեռնային Ղարաբաղի Հանրապետության օրենքի 13-րդ և 71-րդ հոդվածները՝ Արցախի Հանրապետության կառավարությունը ո ր ո շ ու մ է.

1. Հաստատել Արցախի Հանրապետության 2018-2019 ուսումնական տարվա պետական հանրակրթական, մանկապատանեկան արտադպրոցական և նախադպրոցական, բարձրագույն, միջին մասնագիտական և արհեստագործական ուսումնական հաստատությունների ցանցը` համաձայն հավելվածի:

2. Արցախի Հանրապետության Շահումյանի շրջանի «Քնարավանի Ք. Հարությունյանի անվան հիմնական դպրոց» պետական ոչ առևտրային կազմակերպությունը վերանվանել «Քնարավանի Ք. Հարությունյանի անվան միջնակարգ դպրոց» պետական ոչ առևտրային կազմակերպություն:

3. Արցախի Հանրապետության Ասկերանի շրջանի «Սարուշենի Գր.Այվազյանցի անվան միջնակարգ դպրոց» և Մարտակերտի շրջանի «Մոխրաթաղի Գ. Պողոսյանի անվան միջնակարգ դպրոց» պետական ոչ առևտրային կազմակերպություններում բացել մեկական նախադպրոցական խումբ՝ շաբաթական հնգօրյա և օրական ութժամյա տևողությամբ:

3.1 Արցախի Հանրապետության Մարտունու շրջանի «Քերթի Կ.Հակոբյանի անվան միջնակարգ դպրոց» պետական ոչ առևտրային կազմակերպությունում բացել երկու նախադպրոցական խումբ՝ շաբաթական հնգօրյա և օրական ութժամյա տևողությամբ։

(3.1-ին կետը լրաց. 05.04.19 N 233-Ն)

4. Արցախի Հանրապետության Ասկերանի շրջանի վարչակազմի ղեկավարին՝ սույն որոշումն ուժի մեջ մտնելուց հետո տասնօրյա ժամկետում՝

1) հաստատել Ասկերանի շրջանի «Սարուշենի Գր.Այվազյանցի անվան միջնակարգ դպրոց» պետական ոչ առևտրային կազմակերպությանը սեփականության և անհատույց օգտագործման իրավունքով հանձնվող գույքի կազմը.

2) Ասկերանի շրջանի «Սարուշենի Գր.Այվազյանցի անվան միջնակարգ դպրոց» պետական ոչ առևտրային կազմակերպությանը կից նախադպրոցական խմբի գործունեությունն ապահովել Լեռնային Ղարաբաղի Հանրապետության կրթության և գիտության նախարարի 2013 թվականի օգոստոսի 27-ի «Լեռնային Ղարաբաղի Հանրապետության ուսումնական հաստատությունների նախապատրաստական խմբերի օրինակելի հաստիքացուցակը հաստատելու մասին» N 188/Մ հրամանին համապատասխան և այդ խմբում ընդգրկել կրտսեր, միջին և ավագ տարիքային խմբերի երեխաներին:

5. Արցախի Հանրապետության Մարտակերտի շրջանի վարչակազմի ղեկավարին՝ սույն որոշումն ուժի մեջ մտնելուց հետո տասնօրյա ժամկետում՝

1) հաստատել Մարտակերտի շրջանի «Մոխրաթաղի Գ. Պողոսյանի անվան միջնակարգ դպրոց» պետական ոչ առևտրային կազմակերպությանը սեփականության և անհատույց օգտագործման իրավունքով հանձնվող գույքի կազմը.

2) Մարտակերտի շրջանի «Մոխրաթաղի Գ. Պողոսյանի անվան միջնակարգ դպրոց» պետական ոչ առևտրային կազմակերպությանը կից նախադպրոցական խմբի գործունեությունն ապահովել Լեռնային Ղարաբաղի Հանրապետության կրթության և գիտության նախարարի 2013 թվականի օգոստոսի 27-ի «Լեռնային Ղարաբաղի Հանրապետության ուսումնական հաստատությունների նախապատրաստական խմբերի օրինակելի հաստիքացուցակը հաստատելու մասին» N 188/Մ հրամանին համապատասխան և այդ խմբում ընդգրկել կրտսեր, միջին և ավագ տարիքային խմբերի երեխաներին:

6. Արցախի Հանրապետության ֆինանսների նախարարությանը՝ «Արցախի Հանրապետության 2018 թվականի պետական բյուջեի մասին» Արցախի Հանրապետության օրենքի N 1 հավելվածի 09 բաժնի 2 խմբի 1 դասի «03 Պետական աջակցություն Արցախի Հանրապետության շրջանների պետական հանրակրթական ուսումնական հաստատությունների տնօրենություններին» ծրագրով նախատեսված գումարից Արցախի Հանրապետության Ասկերանի և Մարտակերտի շրջանների վարչակազմերին հատկացնել համապատասխանաբար 1 935 000 (մեկ միլիոն ինը հարյուր երեսունհինգ հազար) ՀՀ դրամ գումար՝ Ասկերանի շրջանի «Սարուշենի Գր.Այվազյանցի անվան միջնակարգ դպրոց» և 1 288 000 (մեկ միլիոն երկու հարյուր ութսունութ հազար) ՀՀ դրամ գումար՝ Մարտակերտի շրջանի «Մոխրաթաղի Գ. Պողոսյանի անվան միջնակարգ դպրոց» պետական ոչ առևտրային կազմակերպություններին՝ դպրոցին կից նախադպրոցական խմբերի 2018 թվականի նոյեմբեր-դեկտեմբեր ամիսների պահպանման ծախսերն իրականացնելու համար:

7. Հիմնադրման միջոցով ստեղծել Արցախի Հանրապետության Հադրութի շրջանի «Հայկավանի հիմնական դպրոց» պետական ոչ առևտրային կազմակերպություն:

8. Սահմանել, որ Արցախի Հանրապետության Հադրութի շրջանի «Հայկավանի հիմնական դպրոց» պետական ոչ առևտրային կազմակերպության գործունեության առարկան և նպատակը հանրակրթական բնույթի գործառույթների իրականացումն է:

9. Արցախի Հանրապետության Հադրութի շրջանի «Հայկավանի հիմնական դպրոց» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Լեռնային Ղարաբաղի Հանրապետության օրենքի 13-րդ հոդվածի երկրորդ մասի «գ», «դ», «ե», «է» կետերով և 14-րդ հոդվածով նախատեսված լիազորությունները վերապահել Արցախի Հանրապետության Հադրութի շրջանի վարչակազմին:

10. Թույլատրել Արցախի Հանրապետության Հադրութի շրջանի «Հայկավանի հիմնական դպրոց» պետական ոչ առևտրային կազմակերպությանն իրականացնելու ձեռնարկատիրական գործունեության հետևյալ տեսակները՝

1) լրացուցիչ հանրակրթական ծրագրերի իրականացում.

2) արտադպրոցական դաստիարակության կազմակերպում.

3) համակարգչային ծրագրերի և լեզուների ուսուցման կազմակերպում.

4) սովորողների սննդի կազմակերպում.

5) ուսումնաարտադրական գործունեության ծավալում և արտադրանքի իրացում:

11. Հադրութի շրջանի «Մարիամաձորի Ն. Սայիյանի անվան միջնակարգ դպրոց» և Մարտունու շրջանի «Ճարտարի Հ. Պողոսյանի անվան հ. 5 միջնակարգ դպրոց» պետական ոչ առևտրային կազմակերպություններում բացել մեկական նախադպրոցական խումբ:

12. Լեռնային Ղարաբաղի Հանրապետության կառավարության 2006 թվականի նոյեմբերի 28-ի «Լեռնային Ղարաբաղի Հանրապետության պետական հանրակրթական ուսումնական հաստատություններ» պետական հիմնարկները վերակազմակերպելու, «Լեռնային Ղարաբաղի Հանրապետության պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրությունը հաստատելու մասին» N 575 որոշմամբ հաստատված N 1 հավելվածի մեջ կատարել հետևյալ փոփոխությունները և լրացումը՝

1) 134-րդ տողի «Խանձաձորի Հ. Այվազյանի անվան հիմնական դպրոցի Հայկավանի մասնաճյուղ» բառերը հանել.

2) 134-րդ տողից հետո լրացնել նոր 134.1-ին տողով՝ «134.1 Հայկավանի հիմնական դպրոց».

3) 164-րդ տողի «Քնարավանի Ք. Հարությունյանի անվան հիմնական դպրոց» բառերը փոխարինել «Քնարավանի Ք. Հարությունյանի անվան միջնակարգ դպրոց» բառերով:

13. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2018 թվականի սեպտեմբերի 1-ից հետո ծագած հարաբերությունների վրա:

2. ՀԱՆՐԱԿՐԹԱԿԱՆ ԴՊՐՈՑՆԵՐԻ ԴԱՍԱՐԱՆ - ԼՐԱԿԱԶՄԵՐԻ ՔԱՆԱԿԸ

3. ՀԱՆՐԱԿՐԹԱԿԱՆ ԴՊՐՈՑՆԵՐԻ ՍՈՎՈՐՈՂՆԵՐԻ ԹԻՎԸ

4. ԱՐՏԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ

5. ԵՐԱԺՇՏԱԿԱՆ ԵՎ ԱՐՎԵՍՏԻ ԴՊՐՈՑՆԵՐ

6. ՆԱԽԱԴՊՐՈՑԱԿԱՆ ՀԻՄՆԱՐԿՆԵՐ

* Թալիշի մանկապարտեզի գործունեությունը կվերսկսի 2019 թվականի սեպտեմբերի 1-ից

7. ԴՊՐՈՑԻՆ ԿԻՑ ՆԱԽԱԴՊՐՈՑԱԿԱՆ ԽՄԲԵՐ

8. ԱՐՑԱԽԻ ՊԵՏԱԿԱՆ ՀԱՄԱԼՍԱՐԱՆ

9. ՇՈՒՇԻԻ ՏԵԽՆՈԼՈԳԻԱԿԱՆ ՀԱՄԱԼՍԱՐԱՆ

10. ՇՈՒՇԻԻ ՏԵԽՆՈԼՈԳԻԱԿԱՆ ՀԱՄԱԼՍԱՐԱՆԻ ՄԻՋԻՆ ՄԱՍՆԱԳԻՏԱԿԱՆ ԿՐԹԱԿԱՆ ԾՐԱԳՐԵՐ

11. ՄԻՋԻՆ ՄԱՍՆԱԳԻՏԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐ

12. ԱՐՀԵՍՏԱԳՈՐԾԱԿԱՆ ՈՒՍՈՒՄՆԱՐԱՆՆԵՐ

Ծանոթություն`

ա) Ստեփանակերտ քաղաքում գործում է Երևանի պետական համալսարանին առընթեր Ա. Շահինյանի անվան ֆիզմաթ դպրոցի Ստեփանակերտի մասնաճյուղը` 12 դասարանով, 309 սովորողների ընդգրկմամբ և Արցախի Հանրապետության պաշտպանության նախարարության ռազմամարզական վարժարանը` 9 դասարանով, 127 սովորողների ընդգրկմամբ:

բ) Շուշի քաղաքում գործում է Դանիել Ղազարյանի անվան հանրակրթական երաժշտական մասնագիտացված ոչ պետական դպրոցը` 12 դասարանով, 194 սովորողների և դպրոցին կից նախադպրոցական 1 խմբի` 14 երեխայի ընդգրկմամբ:

(Հավելվածը փոփ. 05.04.19 N 233-Ն)