ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք.Ստեփանակերտ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2012 թվականի մարտի 28-ի «Դատական կարգադրիչի համազգեստի, տարբերանշանների և խորհրդանշանների նկարագրերը սահմանելու մասին» N 165-Ն որոշման (այսուհետ՝ Որոշում) նախաբանում «Լեռնային Ղարաբաղի Հանրապետության դատական օրենսգրքի 147-րդ հոդվածի առաջին մասը» բառերը փոխարինել «Արցախի Հանրապետության դատական օրենսգրքի 167-րդ հոդվածի առաջին մասը» բառերով:

2. Որոշման հավելվածի՝

1) 1-ին կետի 12-րդ ենթակետում և 2-րդ կետի 10-րդ ենթակետում «ԼԵՌՆԱՅԻՆ ՂԱՐԱԲԱՂԻ» բառերը փոխարինել «ԱՐՑԱԽԻ» բառերով.

2) 3-րդ կետում «Լեռնային Ղարաբաղի» բառերը փոխարինել «Արցախի» բառով.

3) 4-րդ բաժնի 4-րդ կետը շարադրել հետևյալ խմբագրությամբ.

«4. Դատական կարգադրիչների գլխավոր և առաջատար խմբերի գլխարկանշանները ոսկեզօծ մետաղյա փարթամ դափնեճյուղերով մեծ գլխարկանշաններ են` 70x38մմ չափսերով, որոնց մեջտեղում ատամնավոր էլիպսաձև շրջանակի մեջ պատկերված են դատական կարգադրիչների ծառայության խորհրդանշանի սուրը, վահանը և կշեռքը (Ձև N 13):».

4) 5-րդ բաժնի՝

ա. 9-րդ կետից հետո լրացնել հետևյալ բովանդակությամբ 9.1-ին կետ.

«9.1. Դատական կարգադրիչների գլխավոր խմբի պաշտոնների լամբակների ներքևի և վերևի եզրագծերից 8 մմ հեռավորությամբ անցնում է 6 մմ լայնությամբ, իրարից 7 մմ հեռավորության վրա գտնվող երկու նարնջագույն լուսաշերտ՝

1) արդարադատության փոխգնդապետի լամբակների երկու լուսաշերտերի վրա, հավասարաչափ հեռավորությամբ, ներքևի աջ անկյունից ուղղահայաց՝ 11 մմ դեպի վերև (Ձև 17.2), ամրացվում է երկու ոսկեզօծ ութանկյուն աստղ՝ 15մմ տրամագծով (Ձև 17.1).

2) արդարադատության մայորի լամբակների երկու լուսաշերտերի մեջտեղում, ներքևի աջ անկյունից ուղղահայաց՝ 23 մմ դեպի վերև (Ձև 17.3), ամրացվում է մեկ ոսկեզօծ ութանկյուն աստղ՝ 15 մմ տրամագծով:».

բ. 10-րդ կետի 2-րդ և 11-րդ կետի 1-ին ենթակետերում «երեք ոսկեզօծ ութանկյուն աստղ» բառերից հետո լրացնել «՝ 10 մմ տրամագծով» բառերը.

գ. 10-րդ կետի 3-րդ և 11-րդ կետի 2-րդ ենթակետերում «երկու ոսկեզօծ ութանկյուն աստղ» բառերից հետո լրացնել «՝ 10 մմ տրամագծով» բառերը:

3. Որոշումը լրացնել Ձև 17.1, Ձև 17.2 և Ձև 17.3-ով՝ համաձայն հավելվածի:

4. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը: