ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

Հիմք ընդունելով Արցախի Հանրապետության դատական օրենսգրքի 167-րդ հոդվածի առաջին մասը` Լեռնային Ղարաբաղի Հանրապետության կառավարությունը ո ր ո շ ու մ է.

(նախաբանը փոփ. 06.08.19 N 638-Ն)

1. Սահմանել դատական կարգադրիչի համազգեստի, տարբերանշանների և խորհրդանշանների նկարագրերը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ա. ՀԱՐՈՒԹՅՈՒՆՅԱՆ

 

 

Հավելված  Լեռնային Ղարաբաղի Հանրապետության կառավարության «28» մարտի 2012թ. N 165-Ն որոշման

 

ԴԱՏԱԿԱՆ ԿԱՐԳԱԴՐԻՉԻ ՀԱՄԱԶԳԵՍՏԻ, ՏԱՐԲԵՐԱՆՇԱՆՆԵՐԻ ԵՎ ԽՈՐՀՐԴԱՆՇԱՆՆԵՐԻ ՆԿԱՐԱԳՐԵՐԸ ՍԱՀՄԱՆԵԼՈՒ ՄԱՍԻՆ

 

1. ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ԱՐԱԿԱՆ ՍԵՌԻ ԱՆՁՆԱԿԱԶՄԻ ՀԱՄԱԶԳԵՍՏԸ

 

1. Դատական կարգադրիչների ծառայության արական սեռի անձնակազմի համազգեստը կազմված է`

1) գլխարկ (կեպի)` մուգ կապույտ կիսաբրդյա կտորից, գլխարկաբոլորքով և հովհարով (Ձև N 1): Գլխարկաբոլորքի վրա` առջևի կենտրոնական մասում ամրացվում է գլխարկանշան.

2) բաճկոն` մուգ կապույտ կիսաբրդյա կտորից, ուրվագիծը` ուղիղ: Լանջափեշերի կրծքամասում մշակված են շերտակարով, կոճկվող կափույրով վրադիր գրպաններ: Գոտկատեղում մշակված է էլաստիկ ժապավենով գոտի: Բաճկոնի օձիքը` շրջվող (լածկանով), թևքերը` երկկարանի, հետևամասը` վերին կտրվածքով, որի միջով անցնում է 2մմ լայնությամբ նարնջագույն եզրաքուղ: Բաճկոնը կոճկվում է լանջափեշերի տակ ներկարված շղթայով, աստառը` մետաքսյա, ձախ կողմում` ծոցագրպան (Ձև N 2).

3) տաբատ` մուգ կապույտ կիսաբրդյա կտորից, ուրվագիծը` ուղիղ, կողքի կարի միջով անցնում է 2մմ լայնությամբ նարնջագույն եզրաքուղ, կողքի գրպանները` ուղիղ, հետևամասի աջ կողմում` կոճակով կոճկվող կափույրով գրպան: Տաբատն ունի մետաքսյա աստառ, գոտկատեղում մշակված է գոտին` կամրջակներով, կոճկվում է շղթայով և կոճակով (Ձև N 3).

4) վերնաշապիկ` երկարաթև և կարճաթև` բաց կապույտ և սպիտակ կտորից, օձիքը` կանգունակով` ծալովի, լանջափեշերի կրծքամասում` կոճակով կոճկվող կափույրով վրադիր գրպաններ, հետևամասը` վերին կտրվածքով, կարճ թևքերը` ուղիղ թևքածալով, ուսերին` կտորից ուսադիրներ, երկար թևքերն ավարտվում են բազկակալով, որոնք փակվում են կոճակով: Երկարաթև վերնաշապիկները կրում են բոլոր կոճակները կոճկված, փողկապով, իսկ կարճաթև վերնաշապիկները՝ առանց փողկապի, լամբակներով, վերևի կոճակն արձակված: Վերնաշապիկը կոճկվում է 7 կոճակով: Ձախ լանջափեշը` շերտակարով (Ձև N 4).

5) փողկապ` մուգ կապույտ կիսաբրդյա կտորից, լայնացած ուրվագծով, ավարտվում է սուր անկյունով, վերևում մշակված է հանգույց, ամրանում է էլաստիկ ժապավենով և ամրակով.

6) կաշնե` մուգ կապույտ տրիկոտաժե գործվածքից, լայնությունը` 24սմ, երկարությունը` 120սմ.

7) գոտի` կաշվից, 50մմ լայնքով, երկանցք, հատուկ միջոցների համար նախատեսված գրպանիկներով, ոսկեգույն մետաղյա քառանկյուն ճարմանդով.

8) կոշիկ` սև կաշվից, երեսամասը` ամբողջական առաջամասով, հետևամասի միացումն առաջամասին` էլաստիկ ժապավենով, ներբանը` պադոշից.

9) կիսաճտքավոր կոշիկ` սև կաշվից, երեսամասը` ամբողջական կամ կտրված քթամասով, երկարացված ձևավոր հետևամասերով, ճտքերի վերնամասերը ծալված աստառի հետ միացված են փափուկ մեջդիրով, լեզվակը միացված է առաջամասին.

10) ձմեռային բաճկոն` մուգ կապույտ անջրանցիկ կտորից, ուրվագիծը` ուղիղ: Ձախ լանջափեշի կրծքամասում ներկարված է գրպան, որը փակվում է շղթայով, լանջափեշերի ներքևի մասերում ներկարված են կտրվածքով գրպաններ: Գոտկատեղում մշակված է էլաստիկ ժապավենով գոտի: Բաճկոնի օձիքը` շրջվող, թևքերը ներկարված են, ավարտվում են էլաստիկ ժապավենով մշակված թևքածալերով, հետևամասը` վերին կտրվածքով: Բաճկոնը կոճկվում է շղթայով: Բաճկոնը մշակված է տաք ներդիրով և մետաքսյա աստառով, ձախ կողմում` ծոցագրպան (Ձև N 5): Բաճկոնն ունի անջատվող կրկնակի տաք ներդիր.

11) կոճակներ` ոսկեգույն մետաղյա շրջանակ, որոնց ներքևից դափնեճյուղեր են, մեջտեղում պատկերված է դատական կարգադրիչների ծառայության խորհրդանշանի սուրը, վահանը և կշեռքը: Օգտագործվում են մեծ` 22մմ և փոքր` 14մմ տրամաչափով կոճակներ (Ձև N 6).

12) աջ թևքի թևքանշան` համազգեստի աջ թևքին` ուսակարից 80մմ ներքև կարվող 80x100մմ չափսերով` դատական կարգադրիչների ծառայության խորհրդանիշ: Թևքանշանի մեջտեղում պատկերված է դատական կարգադրիչների ծառայության խորհրդանշանը, վերևում ոսկեգույն (դեղնավուն) տառերով գրված են «ԱՐՑԱԽԻ ՀԱՆՐԱՊԵՏՈՒԹՅԱՆ ԴԱՏԱԿԱՆ ԴԵՊԱՐՏԱՄԵՆՏ» բառերը (Ձև N 7).

13) ներքնազգեստ` ամառային և ձմեռային.

14) կիսագուլպա` տրիկոտաժե, սև մուգ մոխրագույն` ամառային և ձմեռային.

15) փողկապի ամրակ:

(1-ին կետը փոփ. 06.08.19 N 638-Ն)

 

2. ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ԻԳԱԿԱՆ ՍԵՌԻ ԾԱՌԱՅՈՂՆԵՐԻ ՀԱՄԱԶԳԵՍՏԸ

 

2. Դատական կարգադրիչների ծառայության իգական սեռի ծառայողների համազգեստը կազմված է`

1) պիլոտկա` մուգ կապույտ կիսաբրդյա կտորից, ճակատային մասում ամրացված է գլխարկանշան (Ձև N 8).

2) կիտել` մուգ կապույտ կիսաբրդյա կտորից, ուրվագիծը` նստած, հետևամասի և լանջափեշերի վրա վերևից ներքև` ռելիեֆային կարեր, լանջափեշերի ներքևի մասում ներկարված կափույրով գրպաններ, աստառը` մետաքսյա ձախ կողմում` ծոցագրպան (Ձև N 9).

3) կիսաշրջազգեստ` մուգ կապույտ կիսաբրդյա կտորից, ուրվագիծը` նստած, հետևամասի և առաջամասի տապակները գոտկատեղում` սեղմոններով, հետևամասը` երկտապակ, ներքևի մասում` բացվածքով, գոտկատեղում մշակված է գոտի, որը կոճկվում է շղթայով և կոճակով: Կիսաշրջազգեստի կողքի կարի միջով անցնում է 2մմ լայնությամբ նարնջագույն եզրաքուղ (Ձև N 10).

4) վերնաշապիկ` երկարաթև և կարճաթև` բաց կապույտ և սպիտակ կտորից, օձիքը` կանգունակով` ծալովի, լանջափեշերի կրծքամասում` կոճակով կոճկվող կափույրով վրադիր գրպաններ, հետևամասը` վերին կտրվածքով, կարճ թևքերը` ուղիղ թևքածալով, ուսերին` կտորից ուսադիրներ, երկար թևքերն ավարտվում են բազկակալով, որոնք փակվում են կոճակով: Երկարաթև վերնաշապիկները կրում են բոլոր կոճակները կոճկված, փողկապով, իսկ կարճաթև վերնաշապիկները՝ առանց փողկապի, լամբակներով, վերևի կոճակն արձակված: Վերնաշապիկը կոճկվում է 7 կոճակով: Ձախ լանջափեշը` շերտակարով (Ձև N 4).

5) փողկապ` մուգ կապույտ կիսաբրդյա կտորից, լայնացած ուրվագծով, ավարտվում է սուր անկյունով, վերևում մշակված է հանգույց, ամրանում է էլաստիկ ժապավենով և ամրակով.

6) ձմեռային վերարկու` մուգ կապույտ կիսաբրդյա կտորից, ուրվագիծը` կիսանստած, հետևամասի և լանջափեշերի վրա վերևից ներքև` ռելիեֆային կարեր, լանջափեշերի գրպանատեղում ներկարված են կտրվածքով գրպաններ, թևքերը ներկարված են, ուղիղ, օձիքը` ծալվող: Վերարկուն մշակված է տաք ներդիրով և մետաքսե աստառով: Վերարկուի հետևամասի ներքևը մշակված է կտրվածքով (Ձև N 11).

7) կոշիկ` սև կաշվից, կրունկը` մինչև 5սմ բարձրությամբ.

8) կիսաճտքավոր կոշիկ` սև կաշվից, կրունկը` մինչև 5.5սմ բարձրությամբ.

9) կոճակներ` ոսկեգույն մետաղյա շրջանակ, որոնց ներքևից դափնեճյուղեր են, մեջտեղում պատկերված է դատական կարգադրիչների ծառայության խորհրդանշանի սուրը, վահանը և կշեռքը: Օգտագործվում են մեծ` 22մմ և փոքր` 14մմ տրամաչափով կոճակներ (Ձև N 6).

10) աջ թևքի թևքանշան` համազգեստի աջ թևքին` ուսակարից 80մմ ներքև կարվող 80x100մմ չափսերով` դատական կարգադրիչների ծառայության խորհրդանիշ: Թևքանշանի մեջտեղում պատկերված է դատական կարգադրիչների ծառայության խորհրդանշանը, վերևում ոսկեգույն (դեղնավուն) տառերով գրված են «ԱՐՑԱԽԻ ՀԱՆՐԱՊԵՏՈՒԹՅԱՆ ԴԱՏԱԿԱՆ ԴԵՊԱՐՏԱՄԵՆՏ» բառերը (Ձև N 7).

11) ներքնազգեստ` ամառային և ձմեռային.

12) զուգագուլպա` կիսաբրդյա, կապրոնե` ամառային և ձմեռային.

13) փողկապի ամրակ:

(2-րդ կետը փոփ. 06.08.19 N 638-Ն)

 

3. ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ԽՈՐՀՐԴԱՆՇԱՆԸ

 

3. Արցախի Հանրապետության դատական դեպարտամենտի դատական կարգադրիչների ծառայության խորհրդանշանը ոլորապտույտ շրջանակ է, որի ներսում գրված են «ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅՈՒՆ» բառերը: Շրջանակի կենտրոնական մասում պատկերված են սուր և վահան` պատված դափնեճյուղերով (սուրը խորհրդանշում է կարգադրիչների` հատուկ միջոցներ կիրառելու լիազորությունը, իսկ վահանը` անձանց կյանքի, առողջության և արժանապատվության, իրավունքների ու ազատությունների պաշտպանությունը հանցավոր և այլ հակաիրավական ոտնձգություններից, դափնեճյուղերը` կարգադրիչների ծառայության կառուցվածքը): Վահանի միջով անցնող սուրը խորհրդանշանի վրա երևում է իր ծայրով և բռնակով:

Վահանի վրա առկա է կշեռքը, որը խորհրդանշում է արդարադատությունը (Ձև N 12):

(3-րդ կետը փոփ. 06.08.19 N 638-Ն)

 

4. ԴԱՏԱԿԱՆ ԿԱՐԳԱԴՐԻՉՆԵՐԻ ԳԼԽԱՐԿԱՆՇԱՆԸ

 

4. Դատական կարգադրիչների գլխավոր և առաջատար խմբերի գլխարկանշանները ոսկեզօծ մետաղյա փարթամ դափնեճյուղերով մեծ գլխարկանշաններ են` 70x38մմ չափսերով, որոնց մեջտեղում ատամնավոր էլիպսաձև շրջանակի մեջ պատկերված են դատական կարգադրիչների ծառայության խորհրդանշանի սուրը, վահանը և կշեռքը (Ձև N 13):

(4-րդ կետը խմբ. 06.08.19 N 638-Ն)

5. Դատական կարգադրիչների կրտսեր խմբի ավագ դատական կարգադրիչների գլխարկանշանը ոսկեզօծ մետաղյա դափնեճյուղերով միջին գլխարկանշան է` 53x40մմ չափսերով, որի մեջտեղում` ատամնավոր էլիպսաձև շրջանակի մեջ պատկերված են դատական կարգադրիչների ծառայության խորհրդանշանի սուրը, վահանը և կշեռքը (Ձև N 14):

6. Դատական կարգադրիչների կրտսեր խմբի դատական կարգադրիչների գլխարկանշանը ոսկեզօծ մետաղյա փոքր գլխարկանշան է` 28x35մմ չափսերով, որի մեջտեղում` ատամնավոր էլիպսաձև շրջանակի մեջ պատկերված են դատական կարգադրիչների ծառայության խորհրդանշանի սուրը, վահանը և կշեռքը (Ձև N 15):

 

 5. ԴԱՏԱԿԱՆ ԿԱՐԳԱԴՐԻՉՆԵՐԻ ԾԱՌԱՅՈՒԹՅԱՆ ՏԱՐԲԵՐԱՆՇԱՆՆԵՐԸ

 

7. Դատական կարգադրիչների ծառայության տարբերանշաններ են լամբակները:

8. Լամբակները պատրաստված են մուգ և բաց կապույտ գույնի շախմատային գործվածքից, շեղանկյուն` երկարությունը` 70մմ, լայնությունը` 35մմ:

9. Լամբակների մեջտեղի հատվածում` վերևի աջ անկյունից ուղղահայաց 12մմ դեպի ներքև հեռավորության վրա ամրացվում է դատական կարգադրիչների ծառայության խորհրդանշանի ոսկեզօծ վահանը և կշեռքը` 8.6x10մմ չափսերով (Ձև N 16):

9.1. Դատական կարգադրիչների գլխավոր խմբի պաշտոնների լամբակների ներքևի և վերևի եզրագծերից 8 մմ հեռավորությամբ անցնում է 6 մմ լայնությամբ, իրարից 7 մմ հեռավորության վրա գտնվող երկու նարնջագույն լուսաշերտ՝

1) արդարադատության փոխգնդապետի լամբակների երկու լուսաշերտերի վրա, հավասարաչափ հեռավորությամբ, ներքևի աջ անկյունից ուղղահայաց՝ 11 մմ դեպի վերև (Ձև 17.2), ամրացվում է երկու ոսկեզօծ ութանկյուն աստղ՝ 15մմ տրամագծով (Ձև 17.1).

2) արդարադատության մայորի լամբակների երկու լուսաշերտերի մեջտեղում, ներքևի աջ անկյունից ուղղահայաց՝ 23 մմ դեպի վերև (Ձև 17.3), ամրացվում է մեկ ոսկեզօծ ութանկյուն աստղ՝ 15 մմ տրամագծով:

(9.1-ին կետը լրաց. 06.08.19 N 638-Ն)

10. Դատական կարգադրիչների ծառայության առաջատար խմբի պաշտոնների լամբակների մեջտեղով անցնում է 6մմ լայնությամբ նարնջագույն լուսաշերտ`

1) արդարադատության կապիտանի լամբակներին ամրացվում է չորս ոսկեզօծ ութանկյուն աստղ` 10մմ տրամագծով (Ձև N 17), որոնցից երկուսը` լուսաշերտի երկու կողմում` հավասարաչափ հեռավորությամբ, ներքևի աջ անկյունից ուղղահայաց 6մմ դեպի վերև հեռավորության վրա, երկուսը` լուսաշերտի վրա, աստղերի կենտրոնները միացնող գծից 15-ական մմ հեռավորության վրա (Ձև N 18):

2) արդարադատության ավագ լեյտենանտի լամբակներին ամրացվում է երեք ոսկեզօծ ութանկյուն աստղ՝ 10 մմ տրամագծով, որոնցից երկուսը` լուսաշերտի երկու կողմում` հավասարաչափ հեռավորությամբ, ներքևի աջ անկյունից ուղղահայաց 6մմ դեպի վերև հեռավորության վրա, մեկը` լուսաշերտի վրա, աստղերի կենտրոնները միացնող գծից 15մմ հեռավորության վրա (Ձև N 19):

3) արդարադատության լեյտենանտի լամբակներին ամրացվում է երկու ոսկեզօծ ութանկյուն աստղ՝ 10 մմ տրամագծով, լուսաշերտի երկու կողմում` հավասարաչափ հեռավորությամբ, ներքևի աջ անկյունից ուղղահայաց 6մմ դեպի վերև հեռավորության վրա (Ձև N 20):

(10-րդ կետը լրաց. 06.08.19 N 638-Ն)

11. Դատական կարգադրիչների ծառայության կրտսեր խմբի ավագ դատական կարգադրիչների լամբակները`

1) արդարադատության ավագ ենթասպայի լամբակների մեջտեղի հատվածում` ներքևի աջ անկյունից 6մմ դեպի վերև հեռավորության վրա, ներքևից դեպի վերև ամրացվում է երեք ոսկեզօծ ութանկյուն աստղ՝ 10 մմ տրամագծով` իրարից 15-ական մմ հեռավորության վրա (Ձև N 21):

2) արդարադատության ենթասպայի լամբակների մեջտեղի հատվածում` ներքևի աջ անկյունից 6մմ դեպի վերև հեռավորության վրա, ներքևից դեպի վերև ամրացվում է երկու ոսկեզօծ ութանկյուն աստղ՝ 10 մմ տրամագծով` 15 մմ հեռավորության վրա (Ձև N 22):

3) արդարադատության ավագի լամբակների մեջտեղով անցնում է 12մմ լայնությամբ նարնջագույն լուսաշերտ (Ձև N 23):

(11-րդ կետը լրաց. 06.08.19 N 638-Ն)

12. Դատական կարգադրիչների կրտսեր խմբի դատական կարգադրիչների լամբակները`

1) արդարադատության ավագ սերժանտի լամբակների վրա ներքևի անկյունից 12մմ հեռավորությամբ անցնում է հորիզոնական` 12մմ լայնությամբ նարնջագույն լուսաշերտ (Ձև N 24):

2) արդարադատության սերժանտի լամբակների վրա ներքևի անկյունից 6մմ հեռավորությամբ անցնում է հորիզոնական երեք նարնջագույն լուսաշերտ` 6մմ լայնությամբ, իրարից 3մմ հեռավորությամբ (Ձև N 25):

3) արդարադատության կրտսեր սերժանտի լամբակների վրա ներքևի անկյունից 6մմ հեռավորությամբ անցնում է հորիզոնական երկու նարնջագույն լուսաշերտ` 6մմ լայնությամբ, իրարից 3մմ հեռավորությամբ (Ձև N 26):

 

 

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԱՇԽԱՏԱԿԱԶՄԻ ՂԵԿԱՎԱՐ-ՆԱԽԱՐԱՐ

Ա. ԱՎԱԳՅԱՆ

 

 

Ձև 1

 

 

Ձև 2

 

 

 

Ձև 3

 

 

Ձև 4

 

 

 

Ձև 5

 

 

 

Ձև 6

 

 

Ձև 7

 

 

Ձև 8

 

 

Ձև 9

 

 

Ձև 10

 

 

Ձև 11

 

 

 

Ձև 12

 

 

Ձև 13

 

Ձև 14

 

 

Ձև 15

 

 

Ձև 16

Ձև 17

 

Ձև 17.1

 

(Ձև 17.1-ը լրաց. 06.08.19 N 638-Ն)

 

Ձև 17.2

 

(Ձև 17.2-ը լրաց. 06.08.19 N 638-Ն)

 

Ձև 17.3

 

(Ձև 17.3-ը լրաց. 06.08.19 N 638-Ն)

 

Ձև 18

 

 

Ձև 19

 

 

 

Ձև 20

 

 

Ձև 21

 

 

Ձև 22

 

 

Ձև 23

 

 

Ձև 24

 

 

Ձև 25

 

 

Ձև 26

 

(Հավելվածը փոփ., խմբ., լրաց. 06.08.19 N 638-Ն)