ք. Ստեփանակերտ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը ո ր ո շ ու մ  է.

1. Լեռնային Ղարաբաղի Հանրապետության կառավարության 2006 թվականի մարտի 28-ի «Լեռնային Ղարաբաղի Հանրապետության արդարադատության նախարարության դատական ակտերի հարկադիր կատարման ծառայության նյութական խրախուսման և համակարգի զարգացման ֆոնդի միջոցների օգտագործման կարգը հաստատելու մասին» N181 որոշման մեջ կատարել հետևյալ փոփոխությունները և լրացումները՝

1) որոշման`

ա. վերնագիրը շարադրել հետևյալ խմբագրությամբ.

«ԱՐՑԱԽԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԴԱՏԱԿԱՆ ԱԿՏԵՐԻ ՀԱՐԿԱԴԻՐ ԿԱՏԱՐՄԱՆ ԾԱՌԱՅՈՒԹՅԱՆ ՆՅՈՒԹԱԿԱՆ ԽՐԱԽՈՒՍՄԱՆ ԵՎ ՀԱՄԱԿԱՐԳԻ ԶԱՐԳԱՑՄԱՆ ՖՈՆԴԻ ՄԻՋՈՑՆԵՐԻ ՕԳՏԱԳՈՐԾՄԱՆ ԿԱՐԳԸ, ԻՆՉՊԵՍ ՆԱԵՎ ԾԱԽՍՄԱՆ ԱՅԼ ՈՒՂՂՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ»,

բ. 1-ին կետը շարադրել հետևյալ խմբագրությամբ.

«1. Սահմանել Արցախի Հանրապետության արդարադատության նախարարության դատական ակտերի հարկադիր կատարման ծառայության նյութական խրախուսման և համակարգի զարգացման ֆոնդի միջոցների օգտագործման կարգը, ինչպես նաև ծախսման այլ ուղղությունները՝ համաձայն հավելվածի:»,

գ. 2-րդ կետում «տնօրինվում են» բառից հետո լրացնել ««Դատական ակտերի հարկադիր կատարման մասին» օրենքին և» բառերով.

2) որոշման հավելվածում `

ա. վերնագիրը շարադրել հետևյալ խմբագրությամբ.

«ԱՐՑԱԽԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԴԱՏԱԿԱՆ ԱԿՏԵՐԻ ՀԱՐԿԱԴԻՐ ԿԱՏԱՐՄԱՆ ԾԱՌԱՅՈՒԹՅԱՆ ՆՅՈՒԹԱԿԱՆ ԽՐԱԽՈՒՍՄԱՆ ԵՎ ՀԱՄԱԿԱՐԳԻ ԶԱՐԳԱՑՄԱՆ ՖՈՆԴԻ ՄԻՋՈՑՆԵՐԻ ՕԳՏԱԳՈՐԾՄԱՆ ԿԱՐԳԸ, ԻՆՉՊԵՍ ՆԱԵՎ ԾԱԽՍՄԱՆ ԱՅԼ ՈՒՂՂՈՒԹՅՈՒՆՆԵՐԸ»,

բ. 1-ին կետում «կարգը» բառից հետո լրացնել «, ինչպես նաև ծախսման այլ ուղղությունները» բառերը,

գ. լրացնել հետևյալ բովանդակությամբ նոր՝ 2.1-ին կետ.

«2.1. Ֆոնդում գոյացած միջոցները օգտագործվում են «Դատական ակտերի հարկադիր կատարման մասին» օրենքի 68-րդ հոդվածի 7-րդ կետում, ինչպես նաև սույն կարգում նախատեսված ուղղություններով:»,

դ. 3-րդ կետից հանել «, վարչության աշխատակիցների» բառերը,

ե. 10-րդ կետում «գնման,» բառից հետո լրացնել «վարձու աշխատողների աշխատանքի վարձատրության ապահովման, ««Պետական պաշտոններ զբաղեցնող անձանց վարձատրության մասին» օրենքի 8-րդ հոդվածով նախատեսված հավելումների վճարման,» բառերը,

զ. 11-րդ կետում «ԼՂՀ» բառը փոխարինել «Արցախի Հանրապետության» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: