ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2013 թվականի

փետրվարի 21-ին

«ԱՇԽԱՐՀԱԳՐԱԿԱՆ ԱՆՎԱՆՈՒՄՆԵՐԻ ՄԱՍԻՆ» ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Աշխարհագրական անվանումների մասին» Լեռնային Ղարաբաղի Հանրապետության 2002 թվականի հոկտեմբերի 30-ի ՀՕ-13 օրենքի (այսուհետ` օրենք) 1-ին հոդվածից հանել «Լեռնային Ղարաբաղի Հանրապետության վարչատարածքային միավորների և» բառերը:

Հոդված 2. Օրենքի 2-րդ հոդվածի «ա» կետի չորրորդ պարբերությունը «զբոսայգիները և այլ» բառերից հետո լրացնել «պատմաճարտարապետական կառույցները և» բառերով:

Հոդված 3. Օրենքի 4-րդ հոդվածում`

1) 3-րդ մասը լրացնել հետևյալ բովանդակությամբ նոր պարբերությամբ.

«Նշանավոր որևէ անհատի անվամբ կարող է անվանակոչում կատարվել նրա մահվանից առնվազն հինգ տարի հետո:».

2) 4-րդ մասը շարադրել հետևյալ խմբագրությամբ.

«4. Չի թույլատրվում Լեռնային Ղարաբաղի Հանրապետության տարածքում աշխարհագրական օբյեկտները անվանակոչել կամ անվանափոխել նույնատեսակ օբյեկտների կրկնվող անվանումներով:»:

Հոդված 4. Օրենքի 6-րդ հոդվածում`

1) 3-րդ մասի «մեկամսյա» բառը փոխարինել «երկշաբաթյա» բառով, «քննում են» բառը` «քննարկում են» բառով, իսկ «` կցելով անվանափոխման կամ անվանակոչման հետ կապված ծախսերի նախահաշիվը» բառերը հանել.

2) 4-րդ մասի «կառավարություն` որոշում կայացնելու համար» բառերը փոխարինել «կառավարության քննարկմանը» բառերով:

Հոդված 5. Օրենքի 9-րդ հոդվածում`

1) 1-ին մասի «անվանակոչումները և անվանափոխումները» բառերը փոխարինել «անվանումները»բառով.

2) 1.1-ին մասի «բ» կետի «և (կամ)» բառերը փոխարինել» «կամ» բառով.

3) 1.1-ին մասի «գ» կետն ուժը կորցրած ճանաչել:

Հոդված 6. Օրենքի 10-րդ հոդվածի «բ» կետի «բացառությամբ Լեռնային Ղարաբաղի Հանրապետության վարչատարածքային միավորների և տեղական ինքնակառավարման մարմինների իրավասությանը վերապահված դեպքերի» բառերը փոխարինել «՝ սույն օրենքով սահմանված դեպքերում» բառերով:

Հոդված 7. Օրենքի 11-րդ հոդվածում`

1) «գ» կետի «համաձայնեցնում և հաշվառում է» բառերը փոխարինել «հաշվառում, այնուհետև գրանցում է» բառերով.

2) «դ» կետն ուժը կորցրած ճանաչել:

Հոդված 8. Սույն օրենքն ուժի մեջ է մտնում պաշտոնական հրապարակման օրվան հաջորդող տասներորդ օրը: