ք. Ստեփանակերտ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Լեռնային Ղարաբաղի Հանրապետության կառավարության 2005 թվականի հոկտեմբերի 11-ի «Քաղաքացիական կացության ակտերի գրառումների վերականգնման կարգը սահմանելու մասին» N 401 որոշման (այսուհետ նաև՝ որոշում) մեջ կատարել հետևյալ փոփոխությունները և լրացումը.

1) որոշման տեքստից «օրենքի» բառից առաջ «Լեռնային Ղարաբաղի Հանրապետության» բառերը հանել, իսկ «հաստատել» բառը փոխարինել «սահմանել» բառով.

2) որոշման հավելվածի՝

ա. 6-րդ կետում լրացնել հետևյալ բովանդակությամբ նոր նախադասություն.

«Դիմումը կարող է ներկայացնել սույն կետում նշված անձի կողմից Արցախի Հանրապետության օրենսդրությամբ սահմանված կարգով լիազորված անձը:»,

բ. ամբողջ տեքստում «Լեռնային Ղարաբաղի» բառերը փոխարինել «Արցախի» բառով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: