ք. Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան`

1. Լեռնային Ղարաբաղի Հանրապետության քաղաքաշինության նախարարության և Լեռնային Ղարաբաղի Հանրապետության անշարժ գույքի կադաստրի պետական կոմիտեի 2005 թվականի հոկտեմբերի 3-ի «Լեռնային Ղարաբաղի Հանրապետության տարածքում շենքերի և շինությունների դասակարգման կարգը հաստատելու մասին» թիվ 01/874 և թիվ 72-Կ համատեղ հրամանով հաստատված կարգում կատարել հետևյալ փոփոխություններն ու լրացումները.

1) կարգի նախաբանից հանել «Սույն դասակարգումը մշակված է «Գույքահարկի մասին» ԼՂՀ օրենքի 4-րդ հոդվածի համաձայն:» բառերը.

2) կարգի «I. Բնակելի բաժնի»՝

ա. «դ» ենթակետում «կառուցված,» բառից հետո լրացնել «առանձին փոստային համար ունեցող,» բառերը,

բ. 4-րդ պարբերությունում «բակային» բառից հետո լրացնել «ջրավազաններն ու» բառերը,

գ. «Հանրակացարան» պարբերությունը շարադրել հետևյալ խմբագրությամբ`

«Հանրակացարան` Լեռնային Ղարաբաղի Հանրապետության, ինչպես նաև օտարերկրյա քաղաքացիների ժամանակավոր բնակության համար նախատեսված տարածք /բացառությամբ «II. Հասարակական» բաժնի 1-ին կետի «բ» ենթակետով սահմանված դեպքերի/».

3) «II. Հասարակական» բաժնի 1-ին կետի «բ» ենթակետում «ուսումնական հաստատությունների» բառերից հետո լրացնել «և ուսանողական հանրակացարանների, որոնք սպասարկում են բացառապես տարբեր ուսումնական հաստատությունների սովորողներին /ուսանող, ասպիրանտ և այլն/ և հաշվառված են որպես առանձին գույքի միավոր» բառերով.

4) կարգի 3-րդ կետի «գ» ենթակետում «/բացվածքները/» բառը փոխարինել «/ոչ բնակելի տարածքները/» բառերով:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը: