ք. Ստեփանակերտ

Ղեկավարվելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածով`

1. Լեռնային Ղարաբաղի Հանրապետության կառավարությանն առընթեր հարկային պետական ծառայության 2012 թվականի մարտի 26-ի «Ավելացված արժեքի հարկի հաշվարկի ձևերն ու լրացման կարգերը սահմանելու և Լեռնային Ղարաբաղի Հանրապետության կառավարությանն առընթեր հարկային պետական ծառայության պետի 2009 թվականի դեկտեմբերի 29-ի N 32/Ն հրամանն ուժը կորցրած ճանաչելու մասին» N 4-Ն հրամանում կատարել հետևյալ լրացումները և փոփոխությունները.

1) հրամանով սահմանված N 1 հավելվածի` ավելացված արժեքի հարկի հաշվարկի ձևում`

ա. 8-րդ կետում «գործարքներ» բառից հետո լրացնել «, այդ թվում`» բառերը,

բ. 8-րդ կետից հետո լրացնել հետևյալ բովանդակությամբ նոր 8.1-ին և 8.2-րդ կետեր՝

2) հրամանով սահմանված N 1 հավելվածի` ավելացված արժեքի հարկի հաշվարկի լրացման կարգում`

ա. 10-րդ կետի 2-րդ ենթակետում «հոդվածի» բառը փոխարինել «, 17-րդ և 46-րդ հոդվածների» բառերով,

բ. 10-րդ կետից հետո լրացնել հետևյալ բովանդակությամբ նոր 10.1-ին կետ.

«10.1. Հաշվարկի 8.1-ին և 8.2-րդ կետերում համապատասխանաբար լրացվում են Օրենքի այն հոդվածի և կետի համարները, որոնց համաձայն այդ գործարքները համարվում են ԱԱՀ-ից ազատված (հարկման օբյեկտ չհամարվող) գործարքներ, իսկ համապատասխան կետի «Ա» վանդակում լրացվում է իրացման շրջանառությունը: Օրինակ. Լեռնային Ղարաբաղի Հանրապետության կառավարության որոշումների հիման վրա` հարկ վճարողների կողմից ապրանքների մատակարարման և ծառայությունների մատուցման անհատույց գործարքների շրջանառությունը պետք է արտացոլվի առանձին տողով՝ այդ տողի 8.1-ին կետում նշելով «7» թիվը, իսկ 8.2-րդ կետում «2» թիվը, իսկ թերթերի և ամսագրերի իրացման շրջանառությունը պետք է արտացոլվի առանձին տողով՝ այդ տողի 8.1-ին կետում նշելով «15» թիվը, իսկ 8.2-րդ կետում «10» թիվը: Ընդ որում, այն գործարքների դեպքում, որոնց վրա չի տարածվում օրենքի գործողությունը, 8.1-ին կետում լրացվում է «1» թիվը, իսկ ԱԱՀ-ով չհարկվող շրջանառելի (բազմակի օգտագործման) տարայի իրացման դեպքում 8.1-ին կետում լրացվում է «8» թիվը:»,

գ. 21-րդ կետի 1-ին ենթակետից հանել «, 24¹ -րդ» բառը,

դ. 21-րդ կետի 4-րդ ենթակետում վերջակետը փոխարինել միջակետով և լրացնել հետևյալ բովանդակությամբ նոր 5-9-րդ ենթակետեր.

«5) Օրենքի 6.1-ին հոդվածի երրորդ մասի համաձայն պետական բյուջե վճարված, իսկ ԱԱՀ-ի զրոյական դրույքաչափով հարկվող գործարքների դեպքում` հաշվանցված ԱԱՀ-ի գումարները, որոնք ԱԱՀ վճարող համարվող անձանց կողմից հաշվանցվում են, դրանց մարման հաշվետու ժամանակաշրջանի արդյունքներով.

6) Օրենքի 43¹-րդ հոդվածի համաձայն հաշվանցման պակասեցման ենթակա ԱԱՀ-ի գումարների նվազեցումը.

7) Օրենքի 44²-րդ հոդվածի համաձայն կատարվող հաշվարկների արդյունքում հաշվանցման ենթակա ԱԱՀ-ի գումարների նվազեցումը.

8) Օրենքի 26-րդ հոդվածի 5-րդ կետի համաձայն վերաձևակերպման ենթակա ԱԱՀ-ի գումարների ճշգրտում.

9) Օրենքի 26-րդ հոդվածի համաձայն վերաձևակերպման ենթակա ԱԱՀ-ի գումարների ճշգրտում:».

3) հրամանով հաստատված N 2 հավելվածի` ավելացված արժեքի հարկի հաշվարկի (կիսամյակային հաշվարկ-հաշվետվություն ներկայացնող անհատ ձեռնարկատիրոջ համար) ձևում`

ա. 8-րդ կետում «գործարքներ» բառից հետո լրացնել «, այդ թվում`» բառերը,

բ. 8-րդ կետից հետո լրացնել հետևյալ բովանդակությամբ նոր 8.1-ին և 8.2-րդ կետեր՝

4) հրամանով հաստատված N 2 հավելվածի` ավելացված արժեքի հարկի հաշվարկի լրացման (կիսամյակային հաշվարկ-հաշվետվություն ներկայացնող անհատ ձեռնարկատիրոջ համար) կարգում`

ա. 10-րդ կետի 2-րդ ենթակետում «հոդվածի» բառը փոխարինել «, 17-րդ և 46-րդ հոդվածների» բառերով,

բ. 10-րդ կետից հետո լրացնել հետևյալ բովանդակությամբ նոր 10.1-ին կետ.

«10.1. Հաշվարկի 8.1-ին և 8.2-րդ կետերում համապատասխանաբար լրացվում են Օրենքի այն հոդվածի և կետի համարները, որոնց համաձայն այդ գործարքները համարվում են ԱԱՀ-ից ազատված (հարկման օբյեկտ չհամարվող) գործարքներ, իսկ համապատասխան կետի «Ա» վանդակում լրացվում է տվյալ կիսամյակում (ըստ եռամսյակների) իրացման շրջանառությունը: Օրինակ, Լեռնային Ղարաբաղի Հանրապետության կառավարության որոշումների հիման վրա` հարկ վճարողների կողմից ապրանքների մատակարարման և ծառայությունների մատուցման անհատույց գործարքների շրջանառությունը պետք է արտացոլվի առանձին տողով՝ այդ տողի 8.1-ին կետում նշելով «7» թիվը, իսկ 8.2-րդ կետում «2» թիվը, իսկ թերթերի և ամսագրերի իրացման շրջանառությունը պետք է արտացոլվի առանձին տողով՝ այդ տողի 8.1-ին կետում նշելով «15» թիվը, իսկ 8.2-րդ կետում «10» թիվը: Ընդ որում, այն գործարքների դեպքում, որոնց վրա չի տար ածվում օրենքի գործողությունը, 8.1-ին կետում լրացվում է «1» թիվը, իսկ ԱԱՀ-ով չհարկվող շրջանառելի (բազմակի օգտագործման) տարայի իրացման դեպքում 8.1-ին կետում լրացվում է «8» թիվը:»,

գ. 21-րդ կետի 1-ին ենթակետից հանել «, 24¹-րդ» բառը,

դ. 21-րդ կետի 4-րդ ենթակետում վերջակետը փոխարինել ստորակետով և լրացնել հետևյալ բովանդակությամբ նոր 5-9-րդ ենթակետեր.

«5) Օրենքի 6.1-ին հոդվածի երրորդ մասի համաձայն պետական բյուջե վճարված, իսկ ԱԱՀ-ի զրոյական դրույքաչափով հարկվող գործարքների դեպքում` հաշվանցված ԱԱՀ-ի գումարները, որոնք ԱԱՀ վճարող համարվող անձանց կողմից հաշվանցվում են, դրանց մարման հաշվետու ժամանակաշրջանի արդյունքներով,

6) Օրենքի 43¹-րդ հոդվածի համաձայն հաշվանցման պակասեցման ենթակա ԱԱՀ-ի գումարների նվազեցումը,

7) Օրենքի 44²-րդ հոդվածի համաձայն կատարվող հաշվարկների արդյունքում հաշվանցման ենթակա ԱԱՀ-ի գումարների նվազեցումը,

8) Օրենքի 26-րդ հոդվածի 5-րդ կետի համաձայն վերաձևակերպման ենթակա ԱԱՀ-ի գումարների ճշգրտում,

9) Օրենքի 26-րդ հոդվածի համաձայն վերաձևակերպման ենթակա ԱԱՀ-ի գումարների ճշգրտում:»:

2. Սույն հրամանն ուժի մեջ է մտնում 2015 թվականի հունվարի 1-ից և տարածվում է այդ ամսաթվից հետո հաշվետու ժամանակաշրջանների համար հարկային մարմին ներկայացվող ԱԱՀ-ի հաշվարկների ձևերի վրա: