ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
|
"24" հունվարի 2006թ. |
N 37 |
ք.Ստեփանակերտ
ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՊԵՏԱԿԱՆ ՏԵՍՉՈՒԹՅԱՆԸ ՏԵՂԵԿԱՏՎՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ
«Աշխատանքի պետական տեսչության մասին» Լեռնային Ղարաբաղի Հանրապետության օրենքի 6-րդ հոդվածին համապատասխան Լեռնային Ղարաբաղի Հանրապետության աշխատանքի պետական տեսչությանն աշխատանքային օրենսդրության և աշխատանքի իրավունքի նորմեր պարունակող այլ իրավական ակտերի կիրարկման նկատմամբ իրականացվող պետական հսկողության և վերահսկողության համար անհրաժեշտ տեղեկատվության տրամադրումն ապահովելու նպատակով Լեռնային Ղարաբաղի Հանրապետության կառավարությունը ո ր ո շ ու մ է.
Սահմանել, որ`
ա) Լեռնային Ղարաբաղի Հանրապետության արդարադատության նախարարության իրավաբանական անձանց պետական ռեգիստրի բաժինը յուրաքանչյուր ամսվա արդյունքներով, մինչև հաջորդ ամսվա 20-ը, Լեռնային Ղարաբաղի Հանրապետության աշխատանքի պետական տեսչությանն է տրամադրում տեղեկատվություն «Իրավաբանական անձանց պետական գրանցման մասին» Լեռնային Ղարաբաղի Հանրապետության օրենքով սահմանված կարգով իրականացվող գրանցումների և հաշվառումների մասին` նշելով իրավաբանական անձի կամ հիմնարկի անվանումը, գտնվելու վայրը, կազմակերպական-իրավական ձևը, անհատ ձեռնարկատիրոջ համար` անունը, բնակության վայրը կամ գրանցման հասցեն (եթե այն չի համընկնում բնակության վայրի հետ).
բ) Լեռնային Ղարաբաղի Հանրապետության կառավարությանն առընթեր հարկային պետական ծառայությունն իր իրականացվող ստուգումների արդյունքում անօրինական աշխատանք կատարողներ (չձևակերպված աշխատողներ) և (կամ) վարձու աշխատողներին աշխատանքի ընդունելու, նույն գործատուի մոտ այլ աշխատանքի փոխադրելու, աշխատանքից ազատելու վերաբերյալ հրամանագրքի և աշխատանքային պայմանագրերի գրանցամատյանի վարման ու պահպանման կարգի խախտումներ հայտնաբերվելու դեպքում ոչ ուշ, քան մինչև տվյալ ամսվան հաջորդող ամսվա 15-ը դրա մասին տեղեկացնում է Լեռնային Ղարաբաղի Հանրապետության աշխատանքի պետական տեսչությանը` նշելով գործատուի անվանումը, գտնվելու վայրը, ՀՎՀՀ-ն, խախտման տեսակը և խախտումն արձանագրելու ամսաթիվը:
Լեռնային Ղարաբաղի Հանրապետության կառավարությանն առընթեր հարկային պետական ծառայությունը Լեռնային Ղարաբաղի Հանրապետության աշխատանքի պետական տեսչության հարցումների հիման վրա նրան է տրամադրում չձևակերպված աշխատողների ու վարձու աշխատողներին աշխատանքի ընդունելու, նույն գործատուի մոտ այլ աշխատանքի փոխադրելու, աշխատանքից ազատելու վերաբերյալ հրամանագրքի և աշխատանքային պայմանագրերի ու գրանցամատյանի վարման և պահպանման կարգի խախտումների մասին օպերատիվ տեղեկատվություն.
գ) Լեռնային Ղարաբաղի Հանրապետության քաղաքաշինության նախարարությունը յուրաքանչյուր ամսվա արդյունքներով, մինչև հաջորդ ամսվա 20-ը, Լեռնային Ղարաբաղի Հանրապետության աշխատանքի պետական տեսչությանն է տրամադրում տեղեկատվություն շինարարական նորմատիվների չկատարմամբ պայմանավորված արտադրական վթարների և դժբախտ դեպքերի քանակի մասին՝ նշելով գործատուի անվանումը, ստորաբաժանման անվանումն ու գտնվելու վայրը:
|
ԼՂՀ ՎԱՐՉԱՊԵՏ |
Ա. ԴԱՆԻԵԼՅԱՆ |