ք.Ստեփանակերտ

«Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածին համապատասխան՝

1. Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի 2013 թվականի մայիսի 20-ի «Լեռնային Ղարաբաղի Հանրապետության տարածքում անշարժ գույքի գնահատողի մասնագիտական որակավորման ստուգման կարգը և անշարժ գույքի գնահատողի մասնագիտական որակավորման վկայականի ձևը հաստատելու և Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի 2002 թվականի դեկտեմբերի 17-ի N 61-01/01 հրամանն ուժը կորցրած ճանաչելու մասին» N 93-Ն հրամանում կատարել հետևյալ լրացումները և փոփոխությունները.

1) հրամանով հաստատված N 1 հավելվածում`

ա. 8-րդ կետը լրացնել հետևյալ բովանդակությամբ` 5-րդ ենթակետով.

«5) մեկ լուսանկար` 3X4 սմ չափսի (նաև` էլեկտրոնային կրիչով):».

բ. 14-րդ կետում «փաստաթղթով» բառից հետո լրացնել «և բարձրագույն կրթության վկայագրի (դիպլոմի) բնօրինակով» բառերը.

գ. 27-րդ կետում «3» թիվը փոխարինել «5» թվով:

2) հրամանով հաստատված N 1 հավելվածի «Ձև»-ում՝

ա. «հեռախոսահամարները» բառից հետո լրացնել «, էլեկտրոնային փոստը» բառերը.

բ. լրացնել հետևյալ բովանդակությամբ` 4-րդ ենթակետով.

«4. մեկ լուսանկար` 3X4 սմ չափսի (նաև` էլեկտրոնային կրիչով):»:

3) հրամանով հաստատված N 2 հավելվածը շարադրել հետևյալ խմբագրությամբ` համաձայն հավելվածի:

2. Լեռնային Ղարաբաղի Հանրապետության կառավարությանն առընթեր անշարժ գույքի կադաստրի պետական կոմիտեի աշխատակազմի իրավաբանական բաժնի պետ Ա. Աղասյանին՝ սույն հրամանը սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

3. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

                                                                                                                                                     »: