ք.Ստեփանակերտ

Ղեկավարվելով «Իրավական ակտերի մասին» Լեռնային Ղարաբաղի Հանրապետության օրենքի 71-րդ հոդվածով և հիմք ընդունելով Լեռնային Ղարաբաղի Հանրապետության կառավարության 2005 թվականի հունիսի 28-ի N 289 որոշումը`

ՀՐԱՄԱՅՈՒՄ ԵՄ`

1. Լեռնային Ղարաբաղի Հանրապետության կառավարությանն առընթեր զբոսաշրջության վարչության 2009 թվականի փետրվարի 3-ի «Զբոսավարի և ուղեկցորդի որակավորման և լիցենզավորման հանձնաժողովի կանոնադրությունը, զբոսավարի և ուղեկցորդի որակավորման վկայականների ձևերը հաստատելու, որակավորման և լիցենզավորման հանձնաժողով ստեղծելու մասին» թիվ ԱԳՎ 04-Ն հրամանում կատարել հետևյալ փոփոխությունները.

1) հրամանով հաստատված թիվ 1, 2 և 3 հավելվածներում «Լեռնային Ղարաբաղի Հանրապետության կառավարությանն առընթեր զբոսաշրջության և պատմական միջավայրի պահպանության վարչության պետ» և «Լեռնային Ղարաբաղի Հանրապետության կառավարությանն առընթեր զբոսաշրջության և պատմական միջավայրի պահպանության վարչություն» բառերը բոլոր հոլովաձևերով փոխարինել «Լեռնային Ղարաբաղի Հանրապետության էկոնոմիկայի նախարար» և «Լեռնային Ղարաբաղի Հանրապետության էկոնոմիկայի նախարարություն» բառերի համապատասխան հոլովաձևերով.

2) հրամանի թիվ 4 հավելվածը շարադրել նոր խմբագրությամբ` համաձայն հավելվածի:

2. Լեռնային Ղարաբաղի Հանրապետության էկոնոմիկայի նախարարության աշխատակազմի իրավաբանական և լիցենզավորման բաժնի պետի պաշտոնակատար Ա. Գալստյանին` սույն հրամանը Լեռնային Ղարաբաղի Հանրապետության օրենսդրությամբ սահմանված կարգով ներկայացնել Լեռնային Ղարաբաղի Հանրապետության արդարադատության նախարարություն` պետական գրանցման:

1. Լեռնային Ղարաբաղի Հանրապետության էկոնոմիկայի նախարարության աշխատակազմի զբոսաշրջության վարչության զբոսաշրջային ենթակառուցվածքների, ծրագրերի և վերահսկողության բաժնի պետ (հանձնաժողովի նախագահ)

2. Լեռնային Ղարաբաղի Հանրապետության էկոնոմիկայի նախարարության աշխատակազմի իրավաբանական և լիցենզավորման բաժնի գլխավոր մասնագետ (հանձնաժողովի անդամ)

3. Լեռնային Ղարաբաղի Հանրապետության էկոնոմիկայի նախարարության աշխատակազմի զբոսաշրջության վարչության զբոսաշրջային ենթակառուցվածքների, ծրագրերի և վերահսկողության բաժնի առաջատար մասնագետ (հանձնաժողովի քարտուղար)

4. Ներկայացուցիչ` զբոսաշրջության բնագավառում գործունեություն իրականացնող կազմակերպություններից (համաձայնությամբ)

5. Ներկայացուցիչ` գիտական կազմակերպություններից, «Արցախի պետական համալսարան» պետական ոչ առևտրային կազմակերպությունից (համաձայնությամբ)

6. Ներկայացուցիչ` Լեռնային Ղարաբաղի Հանրապետության կրթության, գիտության և սպորտի նախարարությունից կամ Լեռնային Ղարաբաղի Հանրապետության մշակույթի և երիտասարդության հարցերի նախարարությունից (համաձայնությամբ):»