ք. Ստեփանակերտ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածի դրույթները` Արցախի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2014 թվականի ապրիլի 1-ի «Լեռնային Ղարաբաղի Հանրապետության պետական անտառային ֆոնդում արմատի վրա բնափայտի բացթողման նվազագույն գները սահմանելու և Լեռնային Ղարաբաղի Հանրապետության կառավարության 2013 թվականի փետրվարի 14-ի N 44-Ն որոշումն ուժը կորցրած ճանաչելու մասին» N 209-Ն որոշմամբ հաստատված հավելվածի «Ծանոթություն» բաժնում՝

1) «2020-2021 թվականների համար նախատեսված վառելափայտի բացթողման գները և առանձնահատկությունները սահմանվում են պետական լիազոր մարմնի կողմից, որը չի կարող գերազանցել Արցախի Հանրապետության կառավարության կողմից սահմանված վառելափայտի բացթողման գները:» նախադասությունը հանել.

2) լրացնել հետևյալ բովանդակությամբ նոր նախադասություն.

«2020-2021 թվականների համար նախատեսված և Արցախի Հանրապետության շրջանների (բացառությամբ Ստեփանակերտ քաղաքի) բնակիչներին ըստ անհրաժեշտության որպես աջակցություն տրամադրվող մինչև 10 (տասը) խորանարդ մետր վառելափայտի բացթողման անդորրագրերը «Արցախանտառ» պետական ոչ առևտրային կազմակերպության կողմից տրամադրվում են անվճար»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, իսկ դրա գործողությունը տարածվում է 2020 թվականի նոյեմբերի 20-ից հետո ծագած հարաբերությունների վրա: