ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ք. Ստեփանակերտ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը ո ր ո շ ու մ է.

1. Լեռնային Ղարաբաղի Հանրապետության կառավարության 2011 թվականի հուլիսի 26-ի «Արցախի Հանրապետության պետական բյուջեի միջոցների հաշվին առողջարանային բուժման և հանգստյան տների ուղեգրերի ձեռքբերման և դրանք քաղաքացիներին հատկացնելու կարգերը հաստատելու և Լեռնային Ղարաբաղի Հանրապետության կառավարության 2008 թվականի մարտի 18-ի N 228 որոշումն ուժը կորցրած ճանաչելու մասին» N 509-Ն որոշման մեջ կատարել հետևյալ փոփոխությունները և լրացումները.

1) որոշման 2-րդ կետում, որոշմամբ հաստատված N 1 հավելվածի 2-րդ կետում, 10.1-ին կետում, որոշմամբ հաստատված N 2 հավելվածի 2-րդ կետում «Արցախի Հանրապետության աշխատանքի, սոցիալական հարցերի և վերաբնակեցման» բառերը փոխարինել «Արցախի Հանրապետության աշխատանքի, սոցիալական և միգրացիայի հարցերի» բառերով.

2) որոշմամբ հաստատված N 1 հավելվածում՝

ա. 3-րդ կետի «կարգով հատկացվում են» բառերից հետո լրացնել «Արցախի Հանրապետությունում հաշվառված» բառերը, 6-րդ ենթակետում «մասնակիցներ» բառից հետո լրացնել «)» կետադրական նշանը, 10-րդ ենթակետում «Արցախի հերոսներ,» բառերից հետո լրացնել «Արցախի Հանրապետության Նախագահի կողմից» բառերը, իսկ 10-րդ ենթակետից հետո լրացնել հետևյալ բովանդակությամբ 10.1-ին ենթակետ.

«10.1) զոհված քաղաքացիական անձանց ընտանիքների անդամներին (2020 թվականի սեպտեմբերի 27-ին Արցախի Հանրապետության դեմ սանձազերծված պատերազմական գործողությունների հետևանքով մահացած (զոհված) քաղաքացիական անձանց ամուսիններ, ծնողներ, ինչպես նաև կերակրողին կորցնելու դեպքում աշխատանքային կամ սոցիալական կենսաթոշակի իրավունք ունեցող՝ 16 տարին լրացած անձինք).»,

բ. 4-րդ կետի «աշխատակազմի սոցիալական ծառայության տարածքային գործակալություններին» բառերը փոխարինել ««Միասնական սոցիալական ծառայություն» գործակալությանը» բառերով, իսկ «ծրագրի համաձայն» բառերը՝ «ծրագրին համապատասխան գործակալության տարածքային բաժիններին (այսուհետ՝ տարածքային բաժին) տրամադրելու համար» բառերով,

գ. 5-րդ կետը շարադրել հետևյալ խմբագրությամբ.

«5. Ուղեգիր ստանալու համար քաղաքացին դիմում է գործակալության՝ Արցախի Հանրապետությունում իր հաշվառման վայրը սպասարկող, իսկ 2020 թվականի սեպտեմբերի 27-ին Արցախի Հանրապետության դեմ սանձազերծված պատերազմական գործողությունների հետևանքով Արցախի Հանրապետության վերահսկողությունից դուրս մնացած բնակավայրերում հաշվառված քաղաքացին՝ ցանկացած տարածքային բաժին:»,

դ. լրացնել հետևյալ բովանդակությամբ 5.1-ին կետ.

«5.1. 18 տարին չլրացած երեխայի դեպքում դիմումը ներկայացնում է նրա օրինական ներկայացուցիչը՝ ծնողը կամ որդեգրողը կամ խնամակալը կամ հոգաբարձուն: Դատարանի վճռով անգործունակ կամ սահմանափակ գործունակ ճանաչված անձի դեպքում դիմումը ներկայացնում է նրա խնամակալը կամ հոգաբարձուն:»,

ե. 6-րդ կետի 1-ին ենթակետից հանել «մշտական» բառը, իսկ 3-րդ ենթակետից՝ «Արցախի Հանրապետության ոստիկանության կողմից տրված՝» բառերը,

զ. 10.1-ին կետի «թվի» բառից հետո լրացնել «մինչև» բառը,

է. 13-րդ կետի «գործակալություն» բառը փոխարինել «տարածքային բաժին» բառերով,

ը. 14-րդ կետի «Գործակալություններից» բառը փոխարինել «Գործակալությունից» բառով,

թ. 15-րդ կետի «գործակալությունը ողջամիտ ժամկետում վերադարձնում է» բառերը փոխարինել «տարածքային բաժինների կողմից գործակալության միջոցով ողջամիտ ժամկետում վերադարձվում են» բառերով.

3) որոշմամբ հաստատված N 2 հավելվածում՝

ա. 5-րդ կետից հանել «(տասնչորս տարեկան չդարձած անչափահասի կամ խնամակալության տակ գտնվող քաղաքացու դեպքում` նրա օրինական ներկայացուցիչը՝ ծնողը, որդեգրողը կամ խնամակալը)» բառերը,

բ. լրացնել հետևյալ բովանդակությամբ 5.1-ին կետ.

«5.1. 18 տարին չլրացած երեխայի դեպքում դիմումը ներկայացնում է նրա օրինական ներկայացուցիչը՝ ծնողը կամ որդեգրողը կամ խնամակալը կամ հոգաբարձուն: Դատարանի վճռով անգործունակ կամ սահմանափակ գործունակ ճանաչված անձի դեպքում դիմումը ներկայացնում է նրա խնամակալը կամ հոգաբարձուն:»,

գ. 6-րդ կետի 1-ին ենթակետից հանել «մշտական» բառը, իսկ 3-րդ ենթակետից՝ «Արցախի Հանրապետության ոստիկանության կողմից տրված՝» բառերը,

դ. 12-րդ կետի «ձեռք բերում» բառերը փոխարինել «ձեռքբերում» բառով։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: