ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ

ՄԱՐՏԻ 12-Ի N 214-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ

ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը` Արցախի Հանրապետության կառավարությունը որոշում է.

1. Արցախի Հանրապետության կառավարության 2021 թվականի մարտի 12-ի «Արցախի Հանրապետության պաշտպանությանը մասնակցած անձանց մարտական գործողությունների մասնակցի կարգավիճակ տալու կարգը սահմանելու և միջգերատեսչական հանձնաժողով ստեղծելու մասին» N 214-Ն որոշման (այսուհետ՝ որոշում) մեջ կատարել հետևյալ փոփոխությունները և լրացումները.

1) որոշման վերնագրում «ԵՎ ՄԻՋԳԵՐԱՏԵՍՉԱԿԱՆ» բառերը փոխարինել «, ՀԱՆՐԱՊԵՏԱԿԱՆ» բառերով, իսկ «ՍՏԵՂԾԵԼՈՒ» բառից հետո լրացնել «ԵՎ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻՆ ԼԻԱԶՈՐՈՒԹՅՈՒՆՆԵՐ ՎԵՐԱՊԱՀԵԼՈՒ» բառերը.

2) որոշման 2-րդ կետում «միջգերատեսչական հանձնաժողով և հաստատել հանձնաժողովի» բառերը փոխարինել «հանրապետական հանձնաժողով (այսուհետ՝ Հանրապետական հանձնաժողով) և հաստատել դրա» բառերով.

3) որոշումը լրացնել հետևյալ բովանդակությամբ նոր 2.1-ին կետով.

«2.1. Սահմանել, որ Հանրապետական հանձնաժողովն Արցախի Հանրապետության պաշտպանության նախարարության կողմից կազմված՝ զորահավաքային զորակոչով չներկայացած Արցախի Հանրապետության պահեստազորայինի կամ զորամասի կամ մարտական խնդրի կատարման վայրը մինչև նոյեմբերի 10-ը ինքնակամ լքած անձանց անվանացուցակներում ընդգրկված անձանց դիմումների հիման վրա՝ համապատասխան վկայող փաստաթղթերի ուսումնասիրության արդյունքում որոշում է այդ անձանց առնչությունը մարտական գործողություններին և տալիս է համապատասխան եզրակացություն:».

4) որոշմամբ սահմանված N 1 հավելվածի՝

ա. տեքստում «միջգերատեսչական» բառը փոխարինել «Հանրապետական» բառով,

բ. 2-րդ և 3-րդ կետերը շարադրել հետևյալ բովանդակությամբ նոր խմբագրությամբ.

«2. Սույն կարգի իմաստով՝

1) մարտական գործողությունների մասնակից են համարվում զինվորական ծառայության մեջ չգտնվող, 2020 թվականի սեպտեմբերի 27-ից մինչև նոյեմբերի 10-ը ներառյալ՝

ա. մարտական գործողություններին մասնակցելու նպատակով կամավորագրված և մարտական գործողություններին ոչ պակաս, քան 20 օր մասնակցած անձինք, ինչպես նաև այն անձինք, որոնց կյանքին կամ առողջությանը վնաս է պատճառվել մարտական գործողություններին մասնակցելու հետևանքով՝ անկախ մարտական գործողություններին մասնակցելու ժամկետից,

բ. մարտական կամ այլ հատուկ առաջադրանքների կատարման նպատակով մարտական գործողությունների գոտի մեկից ավելի անգամ գործուղված անձինք,

գ. մարտական գործողությունների գոտի նյութատեխնիկական միջոցների և (կամ) սպառազինության և (կամ) սննդամթերքի մատակարարման աշխատանքներում մեկից ավելի անգամ ներգրավված անձինք,

դ. մարտական գործողությունների գոտու և (կամ) ռազմավարական նշանակության ենթակառուցվածքների վերականգնման աշխատանքներում մեկից ավելի անգամ ներգրավված անձինք.

ե. այն անձինք, որոնց կյանքին կամ առողջությանը վնաս է պատճառվել սույն ենթակետի «բ», «գ» և «դ» պարբերություններով նախատեսված գործողությունների իրականացման հետևանքով.

2) կյանքին պատճառված վնաս է համարվում մարտական գործողություններին մասնակցած անձի զոհվելը (մահանալը) կամ անհայտ կորչելը կամ դատական կարգով մահացած ճանաչվելը.

3) առողջությանը պատճառված վնաս է համարվում մարտական գործողություններին մասնակցած անձի ստացած վնասվածքի կամ խեղման հետևանքով աշխատունակության կորուստը կամ անկումը:

3. Արցախի Հանրապետության պաշտպանությանը մասնակցած անձանց մարտական գործողությունների մասնակցի կարգավիճակ տրվում է սույն կարգին համապատասխան և Արցախի Հանրապետության պաշտպանությանը մասնակցած անձանց մարտական գործողությունների մասնակցի կարգավիճակ տալու հարցերով զբաղվող Հանրապետական հանձնաժողովի (այսուհետ՝ Հանրապետական հանձնաժողով) եզրակացության հիման վրա՝ Արցախի Հանրապետության պաշտպանության նախարարի հրամանով:»,

գ. 6-րդ կետում «նաև» բառից հետո լրացնել «Արցախի Հանրապետության շրջանների վարչակազմերի ղեկավարներ, համայնքների ղեկավարներ և» բառերը.

դ. 8-րդ կետի 1-ին ենթակետից հանել «և մարտական գործողությունների մասնակցի 2x3 սմ չափսի 3 լուսանկար» բառերը.

5) որոշմամբ հաստատված N 2 հավելվածը շարադրել նոր խմբագրությամբ՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ԱՆՀԱՏԱԿԱՆ ԿԱԶՄ

ԱՐՑԱԽԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆԸ ՄԱՍՆԱԿՑԱԾ ԱՆՁԱՆՑ

ՄԱՐՏԱԿԱՆ ԳՈՐԾՈՂՈՒԹՅՈՒՆՆԵՐԻ ՄԱՍՆԱԿՑԻ ԿԱՐԳԱՎԻՃԱԿ ՏԱԼՈՒ

ՀԱՐՑԵՐՈՎ ԶԲԱՂՎՈՂ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻ