ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

ք. Ստեփանակերտ

ԱՐՑԱԽԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ՄԱՐՏԻ

12-Ի N 214-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Նորմատիվ իրավական ակտերի մասին» օրենքի 37-րդ հոդվածը՝ Արցախի Հանրապետության կառավարությունը որոշում է.

1. Արցախի Հանրապետության կառավարության 2021 թվականի մարտի 12-ի «Արցախի Հանրապետության պաշտպանությանը մասնակցած անձանց մարտական գործողությունների մասնակցի կարգավիճակ տալու կարգը սահմանելու, հանրապետական հանձնաժողով ստեղծելու և հանրապետական հանձնաժողովին լիազորություններ վերապահելու մասին» N 214-Ն որոշման (այսուհետ՝ որոշում) մեջ կատարել հետևյալ փոփոխությունները.

1) որոշման վերնագրում «, ՀԱՆՐԱՊԵՏԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻՆ ԼԻԱԶՈՐՈՒԹՅՈՒՆՆԵՐ ՎԵՐԱՊԱՀԵԼՈՒ» բառերը փոխարինել «ԵՎ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ» բառերով.

2) որոշման 2.1-ին կետը շարադրել հետևյալ բովանդակությամբ նոր խմբագրությամբ.

«2.1. Սահմանել, որ Հանրապետական հանձնաժողովի գործունեության կազմակերպական-տեխնիկական աշխատանքների իրականացումն ապահովում է աշխատանքային խումբը, որի անհատական կազմը հաստատում է Արցախի Հանրապետության պաշտպանության նախարարը:».

3) որոշմամբ սահմանված N 1 հավելվածի 7-րդ կետում «Արցախի Հանրապետության Անվտանգության խորհրդի գրասենյակը, որի ներկայացուցիչը հանդիսանում է նաև Հանրապետական հանձնաժողովի քարտուղարը, ով հանձնաժողովի անդամ չէ» բառերը փոխարինել «Արցախի Հանրապետության պաշտպանության նախարարությունը» բառերով.

4) որոշմամբ հաստատված N 2 հավելվածի 5-րդ պարբերությունը շարադրել հետևյալ բովանդակությամբ նոր խմբագրությամբ.

«Գագիկ Ռազմիկի Նազլուխանյան - Արցախի Հանրապետության աշխատանքի, սոցիալական և միգրացիայի հարցերի նախարարի տեղակալ»:

2. Արցախի Հանրապետության պաշտպանության նախարարին՝ սույն որոշումն ուժի մեջ մտնելուց հետո եռօրյա ժամկետում հաստատել Հանրապետական հանձնաժողովի գործունեության կազմակերպական-տեխնիկական աշխատանքների իրականացումն ապահովող աշխատանքային խմբի անհատական կազմը՝ աշխատանքային խմբի ղեկավար նշանակելով Արցախի Հանրապետության պաշտպանության նախարարության սոցիալական պաշտպանության բաժնի պետին:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: