ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՕԳՈՍՏՈՍԻ 23-Ի ԹԻՎ 343 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Լեռնային Ղարաբաղի Հանրապետության կառավարությունը  ո ր ո շ ո ւ մ  է.

1. Լեռնային Ղարաբաղի Հանրապետության կառավարության 2005 թվականի օգոստոսի 23-ի «6կՎ և բարձր լարման նոր կառուցվող և վերակառուցվող էլեկտրատեղակայանքների գործարկման եզրակացություն տալու կարգի մասին» թիվ 343 որոշման մեջ կատարել հետևյալ փոփոխությունները և լրացումները`

ա) որոշման նախաբանում «Էլեկտրաէներգետիկական համակարգում և էլեկտրասպառման ոլորտում» բառերը փոխարինել «Էներգետիկայի բնագավառում և էներգասպառման ոլորտում պետական» բառերով.

բ) որոշմամբ հաստատված` 6կՎ և բարձր լարման նոր կառուցվող և վերակառուցվող էլեկտրատեղակայանքների գործարկման եզրակացություն տալու կարգում`

1-ին կետում «Էլեկտրաէներգետիկական համակարգում և էլեկտրասպառման ոլորտում» բառերը փոխարինել «Էներգետիկայի բնագավառում և էներգասպառման ոլորտում պետական» բառերով,

կարգը լրացնել հետևյալ բովանդակությամբ նոր` 1.1-ին կետով.

«1.1. Սույն կարգում օգտագործվող հասկացություններն ունեն հետևյալ իմաստները`

էլեկտրատեղակայանք` էլեկտրական էներգիայի արտադրության կամ կերպափոխման, հաղորդման, բաշխման կամ սպառման համար նախատեսված էներգատեղակայանք,

էլեկտրատնտեսություն՝ էլեկտրատեղակայանքների և օժանդակ կառույցների համալիր:»,

3-րդ կետի «նախարարության» բառից հետո լրացնել «աշխատակազմի էներգետիկայի պետական տեսչության» բառերով,

7-րդ կետում «էլեկտրատեղակայանքների և օժանդակ կառույցների համալիրի (այսուհետ` էլեկտրատնտեսություն)» բառերը փոխարինել «էլեկտրատնտեսության» բառով.

գ) որոշմամբ հաստատված` 6կՎ և բարձր լարման էլեկտրատեղակայանքների գործարկման եզրակացություն տալու համար պահանջվող տեխնիկական փաստաթղթերի ցանկի`

10-րդ կետում «Մասնագիտացված լաբորատորիայի» բառերը փոխարինել «Լեռնային Ղարաբաղի Հանրապետության օրենսդրությամբ սահմանված կարգով ստուգաչափված և չափագիտական վկայագիր ստացած չափման միջոցներ, ինչպես նաև վկայագրված չափման մեթոդիկաներ ունեցող մասնագիտացված կազմակերպության (այսուհետ` մասնագիտացված կազմակերպություն)» բառերով, իսկ «բ» ենթակետի «արձանագրությունը (2500Վ մեգօմաչափով և արդյունաբերական հաճախականության բարձր լարմամբ)» բառերը փոխարինել «(2500Վ մեգօմաչափով) և արդյունաբերական հաճախականության բարձր լարմամբ փորձարկման արձանագրությունները:» բառերով,

13-րդ կետում «լաբորատորիայի» բառը փոխարինել «կազմակերպության» բառով, իսկ «բ» ենթակետից հանել «, բարձր լարմամբ» բառերը,

14-րդ կետում «լաբորատորիայի» բառը փոխարինել «կազմակերպության» բառով, իսկ «դ» ենթակետն ուժը կորցրած ճանաչել,

16-րդ, 18-րդ և 19-րդ կետերում «լաբորատորիայի» բառը փոխարինել «կազմակերպության» բառով.

դ) որոշմամբ հաստատված թիվ 3 հավելվածը՝ «ԼԵՌՆԱՅԻՆ ՂԱՐԱԲԱՂԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ԶԱՐԳԱՑՄԱՆ ՆԱԽԱՐԱՐՈՒԹՅՈՒՆ» բառերից հետո լրացնել նոր պարբերություն հետևյալ բովանդակությամբ՝ «ԼՂՀ ԷՆԵՐԳԵՏԻԿԱՅԻ ՊԵՏԱԿԱՆ ՏԵՍՉՈՒԹՅՈՒՆ».

«Նախարար» բառը փոխարինել «Ղեկավար» բառով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: